Isai 41:5 - Bible azumeina

⁵ Suma a nga kaka yam tilina, a nga le mandarâ; suma sä kaka avun dabid’a handagad’ina a nga zlaga, a nga hud’ïya, a nga djïya.

Isai 41:5 Iomraidhean Croise

Ad’u Tinda 10:5

Nata azi ba, andjafâ mi b’rau woi avun mbina teteng, nge nge pî kandaga mamba ki vun mama, ad’u andjavam kadezem mi.

Sawal la giled’a 65:8

Ang nga seng vun alum ma ngolâ kabil mama, ang nga seng siwela hi sumid’a mi.

Sawal la giled’a 65:9

Suma nga kaka avun dabid’a handagad’ina, a nga le mandarâ abo ahle mang suma yoyou suma ang nga lazina; ni ang ba, nga oî suma abo ma yorogona ki suma abo ma fladegena ki furîd’a mi.

Sawal la giled’a 66:3

Agi dagi mAlona ala: Sun manga ni sun nda ndandala. Yam ad’eng manga, mang suma djangûna a hulong yazi kä avorongû.

Sawal la giled’a 67:7

Alo mamina, ang b’e wa vunang kamiya, andagad’a ti djivimi wa awuna mi.

Buzuk ka Abud’a 15:14

Andjaf suma dingâ a huma, a nga zlaga; mandarâ mi ve suma Filistê-na mi.

Isai 41:1

Ma didina mi dala: Agi suma nga kaka yam tilina, agi kagagi mudjuk, agi humundiya. Ar suma a hulong fad’eng mazid’a, ar a i avok á de zlad’a, ar ei togei tu á ka sariyad’a.

Isai 41:6

A nga ndjun taziya. Nge nge pî nga mi de mi wiyema ala: Ve tangû!

Ezekiyel 26:18

Ki tchetchemba, suma kur tilina a nga zlak yam puk manga, suma kur til la kur alum ma ngolîd’a a nga le mandarâ yam b’lak mang nga woid’a.

Josue 2:10

Kayam ami humumi ala kid’a agi buzugugï woi kur Ezipte-d’a, Ma didina mi so alum ma ngol ma Tchereuna woi avorogiya. Bugola, ami humumi zla d’a agi lat kamulei suma Amor suma mbà suma a nga te leud’a sä abo alum ma Jurdê-na woi hina, nala, Sihon azi ki Ok suma agi tchazi woi bei wazi hohowozi ba na.

Josue 5:1

Amulei suma Amor-râ pet suma sä kaka abo alum ma Jurdê-na woi abo ma fladegenina kamulei suma Kanan-na pet suma a nga kaka avun alum ma ngol ma Mediterane-na, a hum ala Ma didina mi so alum ma Jurdê-na woi avok Israel-lâ gak a djak keyo d’a. Huruzi ka mbina avok Israel-lâ, ad’engêzi d’a tchol avorozid’a nga d’uo d’a.