Isai 41:25 - Bible azumeina

²⁵ An tcholï ki sana abo ma norâ, nga mi djï abo ma yorogona. Nga mi yan simiyênu, nga mi miret suma te yamba kä kasem d’igi sana mi miret lubuna kä na, d’igi ma min deina mi mbuk lubu ma ab’lorina na mi.

Isai 41:25 Iomraidhean Croise

2 Samuel 22:43

An nga ni lud’uziya, an mbud’uzi ni d’igi guguma na, an mba ni mired’ezi kä d’igi suma a miret lubu ma kur lovotina kä na.

Isai 10:6

An sunuzi ata andjaf ma le sun nda ndjendjed’ina, an hazi lovota á kak djangûna ki suma a nga zalan huruna á hurumuzi ahligiyeziya, á yozi ahligiyezi kad’enga, á mired’ezi kä d’igi suma a miret lubuna kä kasezi na mi.

Isai 21:2

Vama tcho ma kal teglesâ mi nde tam mbei iranu. Ma mbut ira nga mi mbut ir suma, ma b’lak yina nga mi b’lak yina mi. Ma didina mi dala: Agi suma Elam-ma, agi igiya! Agi suma Mede-na, agi i nguyugi azina á durâ! An nga ni d’el vun zam tad’a mi.

Isai 41:2

Ni nge ba, mi tcholï ki ma abo ma yorogo ma ayî ma kusa nga mi tit blogoma ge? Ni nge ba, mi hum andjaf suma, mi hulongôm yam amuleina kä avorom ge? Mbigeu mam mba fiyaka ti mbud’uzi d’igi andaga d’a gugud’upa na, yeû mamba ti mbud’uzi d’igi kuza d’a simetna nga mi felet teid’a na.

Isai 44:28

An nga ni de yam amulâ Sirus ala: Mam mi man ma pola, mba mi ndak vun nga hur mana pet, mba mi de yam Jerusalem ala: A mba hulong a minit akulo, mba mi de yam gong man nda kud’ora ala: A hulong a gat ad’ud’u.

Isai 45:1

Ma didina mi tin Sirus iram vamu, mi vum kabom ma ndjufâ á tchuk andjaf suma kä woi avoromu, mi tinim á kus yam amuleina, á mal bap ma avun agre’â mbàna woi avorom tala vun agre’â mi hulong duk avorom mbuo d’a. Ma didina mi dum ala:

Isai 45:13

Ma didin ma ad’engêm kal petna mi dala: Ni an ba ni tchol Sirus akulo yam d’ingêr manda, an mba ni blas lovot mamba kä avoromu. Mam mba mi minin azì man ma ngolâ akulo, mba mi tchuk man suma dangeina akulo bei wuraka bei ve he d’a hawad’a ba mi.

Jeremi 1:14

Ma didina mi hulong dan ala: Nabo ma norâ ba, ndaka mba d’i tcholï ti wet tei yam suma a nga kaka kur ambasina pet.

Jeremi 50:3

Kayam andjaf ma dingâ mba mi tchol abo ma norâ á dur ayîna ki sed’emu. A mba mbud’um ambas mamba djona, a mba fe sama kak kur ri. Suma ki d’uwarâ a mba ringâ, a mba tcha tata.

Mise 7:10

Ang mami ma djangû ma dami ala: Ma didina Alo magina mi nga ni lara ge na, ang mba we, ang mba mbut zulona. Ami mba somi irami kang ata yima a mba mired’eng kä d’igi suma a miret lubuna kä ir palumba na na.

Zakari 10:5

Azi mba mbut ni d’igi grang suma durâ na, a mba miret suma a duruzina kä kasezi d’igi a miret lubuna kä kur lovota na, a mba duruziya, kayam an Ma didina mba ni kak ki sed’eziya. Suma djang akulumeina hi mazi suma djangûnina a mba mbut zulona.

Vama ndum mbeina 16:12

Malaika ma karagayana, mi vo mama kur alum ma Efrat-na. Alum máma mi so woi á min lovota avok amulei suma a tcholï abo ma yorogonina.