Isai 41:21 - Bible azumeina

²¹ Ma didina mi de malo ma ka zlad’a ala: Agi mbeï dagi ad’u zla magid’a woyo. An amulâ hi Jakob-ma ni dala: Agi dagi zlad’a á pad’agi zlad’a kagi woyo.

Isai 41:21 Iomraidhean Croise

Wana ni mbaktumba hi Job-pa 31:37

An mba ni ndumum ablaud’a hasen ma titid’a tutu pet, an mba ni hut gevem go d’igi sama ngolâ na.

Wana ni mbaktumba hi Job-pa 38:3

Ang djin d’i’â furungû, ang kak mandjufâ. An nga ni djobongû, ar ang van ad’ud’a!

Isai 1:18

Ma didina mi dala: Mbeigïya, ei dei tei zlad’a. Le tcho magid’a ti ni hleud’a diliu pî, mba d’i mbut hapa d’igi nesâ na; le d’i ni hleud’a kekeng d’igi gangeîna na pî, mba d’i b’o hapa d’igi b’od’a hi tamasid’a na.

Isai 33:22

Ma didina ni mei ma ka sariyad’a, ni mei ma dei gatina, namul meina, ni ma sud’ina mi.

Isai 41:1

Ma didina mi dala: Agi suma nga kaka yam tilina, agi kagagi mudjuk, agi humundiya. Ar suma a hulong fad’eng mazid’a, ar a i avok á de zlad’a, ar ei togei tu á ka sariyad’a.

Isai 43:15

An ni Ma didina magi ma bei tchod’a ba ma le Israel-lîna, an namul magina.

Isai 43:9

Ar andjaf suma pet a toga, ar suma a tok taziya. Ni nge adigazi ba, mi de woi yam ahle ndazina ge? Ni nge ba, mi de woi yam ahle suma a kalâ ge? Ar azi mbeï ki glangâs mazina, a de woi ala: Azi ni suma d’ingêrâ! Ar suma a huma a dala: Ni zla d’a gagazid’a!

Isai 44:6

Ma didina amulâ hi Israel-lâ ma mi wurak kazi ma ad’engêm kal petna, mi dala: An tu ni Ma avo’â, an ni Ma danana. Alo ma ding nga woi keng vam mbi.

Isai 46:10

An nga ni de woi kad’u tinda dei yam vama nga mi mbana, an nga ni de woi avok dei yam vama nga bei mbad’a tua na mi. Nga hur mana mba mi le djivid’a, an mba ni ndak vun ahle suma an nga hurun kazina pet mi.