Isai 41:17 - Bible azumeina

¹⁷ Suma hohoud’a ki suma houd’a a nga hal mbina, a nga fum mbi. Sinazi ti so abo vun ma sod’a. An Ma didina mba ni humuziya, an Alona hi Israel-lîna mba ni arazi woi d’i.

Isai 41:17 Iomraidhean Croise

Ad’u Tinda 28:15

An nga ki sed’engû, an mba ni ngomong ata yima lara ma ang i kuana, an mba ni hulongôngî yam andaga ndata, an mba ni arang ngei d’i gak an mba ni lang ahlena pet suma an dang kazina.

1 Amuleina 17:8

Ata yi máma Ma didina mi de mi Elie ala:

2 Sunda Hamuleinid’a 6:17

Ki tchetchemba, Ma didina Alona hi Israel-lîna, ar ang ndak vun vun ma hle ma ang hlum mazong mangâ David-na!

Sawal la giled’a 22:15

Ad’engên dap pei d’igi mbiyo ma sid’am kä na na, ir asogon pat tei tutu pet, ve ta manda ti lau woi kurun d’igi dubangâ na.

Sawal la giled’a 34:6

Suma a hle irazi á goloma, irazi b’o woyo, azi nga mbut zulona d’i.

Sawal la giled’a 37:25

An kazongôn dei, ki tchetchemba an mbut wa mamara, wani an we Alona mi ar nga sama d’ingêrâ woi yam tu d’i, andjavam nga mi talal á hal tena d’uo mi.

Sawal la giled’a 42:2

Alo mana, an nga ni hat hurun kang d’igi pandrid’a nga d’i hat hurut yam mbiyo ma toliyona na.

Sawal la giled’a 50:15

Ata yima agi nga kur ndakina, agi yanu. Hina wani, an mba ni sud’ugiya, agi mba suburun mi.

Sawal la giled’a 74:21

Ar suma a djobozi vunazina a mbut zulona d’i, ar suma houd’a ki suma hohoud’a a gileng simiyêngû.

Sawal la giled’a 94:14

Kayam ang nga ar sum mangâ woi d’i, ang nga noî mang suma ang tazi djonina woi d’uo mi.

Buzuk ka Abud’a 17:3

Sum ndazina vun ma sod’a mi kal ataziya, a nga gureî yam Moise, a dum ala: Ni kayam me ba, ang buzugumï woi kur Ezipte á tchami woi ki vun ma sod’a ki gromina ki d’uwar mamina mi ge?

Buzuk ka Abud’a 17:6

Gola! An nga ni tchol sä avorong sä hî yam ahina d’a Horep-pa. Ang mba wat ahinad’a, mbina mba mi djang ngei irad’u, suma a mba tchumu. Moise mi le hina ir suma nglo suma Israel-lâ.

Isai 30:19

Agi suma Siyon suma nga kaka Jerusalem-ma, agi mba tchigi d’uo d’a. Fata agi yumba, mba mi vagi sumad’a! Ata yima mba mi hum tchi maginina, mba mi hulongôgi humba mi!

Isai 42:16

An mba ni tit ki suma duka kur lovot ta azi wat nga d’uo d’a, an mba ni tinizi kur lovot ta gurei d’a azi wat nga yazi tu d’uo d’a, an mba ni mbut nduvunda b’od’a avoroziya, yima djodjohlâ an mba ni mbud’um yima abo tam tuna mi. An mba ni ndak vun ahle ndazina, an mba ni arazi bei led’a d’i.

Isai 43:20

Hâna karigeta kazurei suma abageina a mba suburunu, kayam an nga ni ge mbina hur fulâ, an nga ni gäluma yam andaga d’a so d’a gangrasa, kayam man suma an manazina a tche mbina kua.

Isai 44:3

Kayam an mba ni vo mbina yam andaga d’a sod’a, an mba ni ge toliyonda yam andaga d’a sod’a, an mba ni vo Muzuk mana yam grogina, an mba ni b’e vunan yam andjavagi mi.

Isai 48:21

Vunazi mba mi so yam andaga d’a so d’a gangras sa mba mi tinizi kuad’a d’i, mba mi djangâzi mbina ata ahinad’a, mba mi wak ahinad’a, mbina mba mi djang ngei mi.

Isai 49:10

Meid’a mba d’i tchazi d’i, vunazi mba mi so d’i. Yima aku ma huwa’â kafata a mba lazi ndaka d’i, kayam an ma wazi hohowozina mba ni ndjunuziya, mba ni tinizi ata mbiyo ma laud’a mi.

Isai 55:1

Ma didina mi dala: Êhê, agi suma vunagi sona, agi pet mbeyegi ata mbina. Le sa nga ki va abom mbuo pî, agi mbeyegiya, agi guzugiya, agi tagiya. Agi mbeyegi ata süm guguzlud’a kambira bei beged’a bei gusa ba.

Isai 58:11

Ma didina mba mi ndjunugi teteu, mam mba mi hobogi ata yima so ma gangrasâ, mam mba mi hulong mi hagi ad’enga atagiya. Agi mba mbud’ugi ni d’igi asine ma a rabam mbinina na, d’igi golong nga mbiyo matna nga mi so d’uo d’a na mi.

Isai 61:1

Muzu’â hi Salad’a Ma didinina mi nga kaka kanu, kayam Ma didina mi von mbulâ kan mi tinin iran van ná tchi wal zla d’a djivid’a mi suma hohoud’a. Mi sunun ná b’leng hur suma huruzi mi b’la’â, á tchi wala mi suma a yozi magombina á tchuguzi akulo, á tchi wala mi suma a nga kur dangeinina á tchuguzi akulo mi,

Isai 62:12

A mba yagi ala Suma a tinizi irazi vazina, a mba yagi ala Suma Ma didina mi tchuguzi akulona. Ndak Jerusalem, a mba yak ala Azì ma ngol ma a aram mbeina d’uo d’a, wani a mba yak ala Ta a le kat heîd’a.

Isai 65:13

Kayam ndata, an Salad’a Ma didina nga ni dagiya: Gola! Man suma d’engzengâ a mba te, wani agi meid’a mba d’i tchagiya. Gola! Azungeî man suma d’engzengâ a mba tche, wani agi vunagi mba mi so. Azungeî man suma d’engzengâ a mba le furîd’a, wani agi zulona mba mi lagi mi.

Isai 65:24

An mba ni humuzi avok bei azi tchenenu, an mba ni humuzi ata yima azi de nga zlad’a d’uo tua na.

Isai 66:2

Ma didina mi de kua ala: Ahle suma agi wazi pet wana, ni an ba ni lazi kabonu. An nga ni dagiya, azi pet ni mana. Sama tan lan djivid’a kama ni ma hohou ma nga mi hum zla manda ki mandarâ nga mi zlak avorotna.

Jeremi 31:25

Kayam an mba ni had’enga mi suma a seîna, an mba ni hop suma a nga lá matnina mi.

Hor ma tchina 4:4

Gogor ma avun aponina vunam mi so, sinam ti b’al akulo ata d’id’igamu. Gugureina a nga hal tena, wani sama hazizina nga d’i.

Ezekiyel 47:8

Mi dan kua ala: Mbiyo máma mba mi djang iram abo ma yorogona, mi djak mi i kur hor ra Jurdê-d’a gak mi mba kur apo d’a Matna. Ata yima mi kal kur apod’ina, mbiyo mat ma ndjuvuna mba mi mbut adjib’eta.

Matiye 5:3

Suma a ge yazi kä kukud’u’â a le furîd’a, kayam leu d’a akulod’a ni mazid’a.

Matiye 5:6

Suma a nga djib’er á le minda hAlonid’a memetna a le furîd’a, kayam Alona mba mi hoboziya.

Wana ni Zla d’a Djivi d’a Luc mi b’irita 16:24

Mi nde mi tchiya, mi dala: Abun Abraham, ang wan hohowonu, ang sunï Lazar, kayam mi nik yam tchitchid’am aduk mbina, mi b’lengên ki sinanu, kayam an nga ni fe ndaka aduk akud’a heî.

2 Korente-na 12:9

Wani mi hulong dan ala: Suma manda ti ndagangû, kayam ata yima ad’engêng nga d’uo na, ad’eng manda ti ndak memet. Kayam ndata, an nga ki furî d’a ngola á subur tan yam amangeî manda, kayam ad’enga hi Christ-sa ti kak kanu.

Vama ndum mbeina 21:6

Mi dan kua ala: An le wa da’. An ni Alfa, an ni Omega, an nAd’u tinda, an ni Yam mba dabid’a mi. Sama vunam sona, an mba ni hum mbiyo ma lau ma arina á tched’a hawa.

Vama ndum mbeina 22:17

Muzu’â hAlonina katcha d’a telet awilid’a a dala: Ang mbeya! Sama huma, mi dala: Ang mbeya! Sama vunam sona, ar mi mbeya; sama min mbiyo ma arinina, a mba humzi ni hawa.