Isai 41:15 - Bible azumeina

¹⁵ Gola! An mba ni mbud’ugi kawei ma to awu ma sï ma awili ma vunam feta dedelema, agi mba wagagi ahuniyô suma nglona woyo, agi mba tozi woi kikizek, agi mba kizagagi yima ndingâ woi d’igi suma a kizak asuna woi na.

Isai 41:15 Iomraidhean Croise

Sawal la giled’a 18:42

Azi nga tchiya, wani sama ndjunuzi nga d’i; azi nga yi Ma didina, wani nga mi humuzi d’i.

Isai 17:13

Andjaf suma vunazi nga mi tchi wü d’igi mbiyo alum ma ngolâ vunam nga mi tchi wü na, wani Ma didina mi ngoboziya, a ring ngei dei d’igi brad’a ti fel lei abo simet ma tcholï akulo yam ahuniyônina na, d’igi ir mau d’a simetna mi sirit akulo aduk mbirlimba na mi.

Isai 21:10

Agi man suma a togi woi d’igi sana mi to awuna kä ambid’ak na na, wana ni vama an humum avun Ma didin ma ad’engêm kal petna, Alona hi Israel-lîna, ni dagizi wana.

Isai 28:27

Sa nga mi to dilagauna ki kawei ma sina d’i, sa nga mi to dandigod’eid’a ki pus ma to awuna d’uo mi. Wani a po dilagauna ni ki totogod’a, a wak dandigod’eid’a ni ki mbigeud’a mi.

Isai 29:5

Mang suma djangû suma mimiyâ’â a mba mbut ni d’igi gugum ma fefelâ na, suma mimiyâk suma a nga te yam sum ndazina kad’engina, a mba mbut ni d’igi bra d’a simetna mi felet teid’a na, ahle ndazina a mba le natogo hina zak bei sa mi we ba.

Isai 42:15

An mba ni b’lak ahuniyô suma nglona ki yima ndingâ woyo, an mba ni so asu ma nguloma woyo, an mba ni mbut aluma andaga d’a sod’a, an mba ni so apod’a woyo.

Isai 64:1

Ang mbut ni d’igi aku d’a ti ngal tchagalakid’a na, d’igi aku d’a ti zal mbinid’a na, tala mang suma djangûna a wang simiyêng andjaf suma a zlak avorongû d’a.

Jeremi 51:20

Ma didina mi dala: Ndak Babilon, adjeu nda’î marto mana, ni va man ma sï ma dur ayîna. Ni ki ndak ba, an kizak kandjaf suma woyo, ni ki ndak ba, an b’lak ki leu d’a tetenga woi mi.

Jeremi 51:33

Ma didin ma ad’engêm kal petna, Alona hi Israel-lîna, mi dala: Babilon ti ni d’igi ambid’ak ma a to awuna kuana na. Ar hina ndjö, yima duta nga mi mba kad’u!

Jeremi 9:10

Jeremi mi dala: An mba ni tchi tchi ma hat hurâ akulo yam ahuniyôna, an mba ni hle sawal la horâ hur ful ma d’uwarâ mi te hatna kuana. Kayam azi ngal leyo, sa nga mi kal kua d’i, a nga hum del d’uwar tchi d’i, aluwei suma akulona kambureina kazureina pet a iya.

Ezekiyel 33:28

An mba ni b’lak ambasa woyo, an mba ni mbud’ut hur fulâ. Ad’eng mat ta sum matna a subur tazi kata, mba d’i dap peyo. Ahinad’a hi Israel-lîd’a mba d’i arî djona, sa mba mi kal kua d’uo d’a.

Daniel 2:35

Ata yi máma kawei ma wurana, lubu ma ab’lorina, kawei ma hleuna, kawei ma hapma ki lora zla tazi pet a mbut d’igi guguma na mi, simetna mi felezi woi d’igi suma a sir awuna kur ambid’a’â awali na, simetna mi i ki sed’ezi bei wazi yazi ma a i kuana ba. Wani ahina d’a ti nde yam vama a tchet mámid’a, ti mbut ahina d’a fiyak ka ked’iwurenga, ti oî yam andagad’a pet.

Mise 4:13

Ma didina mi dala: Agi suma Jerusalem-ma, agi tchologi akulo, agi togi awuna. An mba ni mbud’ugi ad’enga d’igi adif ma kaweina na, d’igi alif ma kaweina na mi. Agi mba kazlagi andjaf suma ablaud’a kä kakahl, ahle mazi suma ndjondjoî suma agi mba yozina, agi mba tinindji irazi vazi mi an Sala andagad’a.

Mise 5:8

Ang hlabong akulo yam mang suma djangûna, ar ang kizagazi woi pet!

Habakuk 3:12

Ang nga ngui yam andagad’a kayî mang ma djulula, ang nga miret andjaf suma kä kayî mangâ.

Zakari 4:7

Ma didina mi de kua ala: Ndak ahina d’a ngola, nda’î nge ba, mba d’i tchol avok Zorobabel ge? Mam mba mi blazak kä woyo, mam mba mi tin ahina d’a kal teglesa akulo kak ki furîd’a, a mba de kat ala: Ti djif heî! Ti djif heî!

Josue 17:18

Wani agi mba hlagi ahinad’a. Le agud’a kat heî pî, agi mba kat teyo, agi mba fagi yina. Suma Kanan-na ki pus mazi ma dur ayîna kad’eng mazid’a pet pî, agi mba digizi woyo.

Suma ka sariyad’a 6:16

Ma didina mi dum ala: An nga ki sed’engû; ang mba dur suma Madiyan-na ni d’igi ang durî sama tuna na.