Isai 41:11 - Bible azumeina

¹¹ Gola! Suma pet suma huruzi mi zal kagina, a mba mbut zulona, a mba mang ngeyo. Suma a nga tchi tuguyod’a ki sed’egina, a mba mbut ni vama hawana, a mba dap peyo.

Isai 41:11 Iomraidhean Croise

Buzuk ka Abud’a 11:8

Moise mi dum kua ala: Ata yi máma azungeî mangâ pet a mba grif kä avoronu, a mba dan ala: Ang nde woi ki sum mangâ pet! Bugola, an mba ni nde woyo. Moise mi nde woi avok Faron kayîna tchitchid’ik.

Buzuk ka Abud’a 12:29

Kur andjege d’a dangâlad’a, Ma didina mi tchi gro suma Ezipte suma a vud’uzi avo’â woi pepet, tinï ad’ud’a ni yam Faron ma nga kaka yam zlam mam mba amulina gorom ma ngolâ gak mba yam magom ma nga kur dangeinina gorom ma ngolâ, gak mba yam d’uwarâ grozi suma a vud’uzi avo’â pepet mi.

Buzuk ka Abud’a 23:22

Wani le agi humum vunamu, le agi lagi ahlena pet suma an dagi kazina ni, an arî ma djangûna hi suma djangû maginina, an mba ni noî suma a noyôgina mi.

Isai 17:13

Andjaf suma vunazi nga mi tchi wü d’igi mbiyo alum ma ngolâ vunam nga mi tchi wü na, wani Ma didina mi ngoboziya, a ring ngei dei d’igi brad’a ti fel lei abo simet ma tcholï akulo yam ahuniyônina na, d’igi ir mau d’a simetna mi sirit akulo aduk mbirlimba na mi.

Isai 29:5

Mang suma djangû suma mimiyâ’â a mba mbut ni d’igi gugum ma fefelâ na, suma mimiyâk suma a nga te yam sum ndazina kad’engina, a mba mbut ni d’igi bra d’a simetna mi felet teid’a na, ahle ndazina a mba le natogo hina zak bei sa mi we ba.

Isai 29:7

Andjaf suma mimiyâk suma a mba mba atang ang Ariyel á durâ suma a mba mba durung kazì mang ma ad’eng ma ngunguna suma a mba mba tezeng ata azì mang ma ad’eng ma ngunguna teteng mi na, azi mba dap pei d’igi adï d’a de sanid’a na, d’oze d’igi vama nde tam mbei ir sana andjegena na mi.

Isai 29:8

Andjaf suma mimiyâk suma a mba dur suma yam ahina d’a Siyon-ndina, a mba mbut ni d’igi sama meid’a tchum ba, adïd’a ti dum ala nga mi te tena ba, bugol mi zlit akulo ki hayam meid’a heleve’â na, d’oze d’igi sama vunam so ba, adïd’a ti dum ala nga mi tche mbina ba, bugol mi zlit akulo vunam sod’a ki yama babana na mi.

Isai 34:12

Kur bur máma sama ngol ma tin sa amul nga d’uo d’a, mat suma nglona a mba wazi d’uo mi.

Isai 40:17

Andjaf suma pet avoromî va d’i, azi ni d’igi vama hawa yak ma zlam nga d’uo na na mi.

Isai 40:2

Agi b’lengêgi hur suma Jerusalem-ma, agi dazi zlad’a ki delegi d’a ngola ala: Sun magi d’a magomba dap da’. Alona mi vat wa hurum mbei yam tchila magid’a, mi wuragagi wa yam tcho magi d’a lara ge yam mbà mi.

Isai 41:24

Gola! Agi ni va d’uo, sun magid’a ni hawa na mi. Ni vama ndjendjed’a tala sana mi deng tam kagiya d’a.

Isai 41:29

Gola! Azi pet ni va d’i, sun mazid’a ni sun nda hawa yaka, filei mazina ni simetna, ni vama nga d’uo na mi.

Isai 45:24

A mba de kan ala: Nata Ma didina tu ba, ang fe d’ingêra kad’enga. Suma pet suma a mba dur ayîna ki sed’ena a mba mbeï geven ki zulona.

Isai 49:25

Ma didina mi dala: Gagazi, magumeina hi grang suma durâ, a mba yozizi woi aboziya; vama ma te yam suma kad’engina mi hluma, a mba bad’amzi woi abomu. An mba ni dur ayîna ki mak suma djangûna, an mba ni sud’uk gro’â woi mi.

Isai 49:26

Suma a nga djobok vuna’â, an mba ni hazi hliwizi tamba á mutna, a mba gurut ki buzuwazi d’igi sana mi gurut ki süm guguzlu d’a ayîna na. Suma pet a mba wala an ni Ma didin ma sud’uk ma ad’engêm kal petna hi Jakob ma mi wurak ka’â.

Isai 54:15

Le a min á durugu ni, zla ndata ti tcholï nata an ndi. Wani sama lara ma mba mi ndak durîna, mba mi puk kä avorogu.

Isai 54:17

Ahle suma sïna pet suma a zlazi kak á durîna a mba lak va tu d’i; suma pet suma a mba tchol á kak sariyad’a ka’â, ndak mba d’i kus kaziya. Ma didina mi dala: Wana ni djo ma an Ma didina mba ni hum mi azungeî manina, wana ni d’ingêr ra an mba ni hazizid’a mi.

Jeremi 12:17

Wani le azi humun nga d’uo ni, an mba ni yo andjaf máma woyo, an mba ni yozi ni dabazi woi mi. An Ma didina ni de na.

Jeremi 2:3

Ma didina mi dala: Agi Israel-lâ, agi mi sum mana, agi ni d’igi awu ma ne avo’â na. Suma pet suma a dogina, a halî zlad’a ki anu, ndaka mba d’i mba kazi atogo hina zak mi.

Daniel 4:35

Suma a nga kaka yam andagad’ina pet mi golozi ni d’igi vama hawana na. Nga mi le kahle suma akulona kahle suma yam andagad’ina d’igi hurum min na. Sama d’elem á le va nga d’i, sama mi ndak á djobom ala: Ang le ni me na ge na nga d’uo mi.

Zakari 12:3

Kur bur máma an mba ni mbut Jerusalem nahina d’a anek ka suma a mba hlat akulod’a. Suma a mba hlat akulona mba d’i kazi mbil ma matna. Ata yi máma andjaf suma yam andagad’ina pet a mba tok kat á durâ.

Sunda hi suma a sunuzinid’a 16:39

Azi mba á labaziya. Kid’a a buzuguzi woi abud’a, a tchenezi ala a arazi azì mazi ma ngolâ.

Vama ndum mbeina 3:9

Wana ni vama an mba ni le ki suma toka hi Seitan suma ka zla suma a nga yi tazi ala azi ni Juif-fâ na ba, azi nga ni Juif-fâ d’uo na. An mba ni lazi kad’enga, azi mba grif kä avorong á hungû. Azi mba wala an le wa kangû.