Isai 40:4 - Bible azumeina

⁴ Ar a min hora akulo min nda dinga, ar a blas ahuniyô suma nglona ki yima ndingâ kä woyo, ar a mbut yima djodjohlâ papana, ar a mbut yima mbed’etna bubud’a d’igi hora na.

Isai 40:4 Iomraidhean Croise

Zla d’a d’ogolâ 2:15

Azi ni suma a nga tit kur lovot ta ata yat tuo d’ina, a ni suma a nga tit kur lovot ta gundina mi.

Isai 40:3

An hum dela nga d’i dei ala: Agi minigi lovota mi Ma didina hur fulâ, agi minigi lovota d’ingêr hur ful ma gangrasâ mAlo meina.

Isai 40:5

Subura hi Ma didinid’a mba d’i nde woyo, suma pet a mba wad’u, kayam Ma didina mi de zlad’a ki vunam da’.

Isai 42:11

Ar suma hur fulâ ki suma a nga kaka kur azì ma nglonina zlapa kazì ma gurei ma suma Kedar-râ a nga kaka kuana, a er ad’uzi akulo ki furîd’a, ar suma a nga kaka yam ahinad’ina a ayâ, ar suma a nga kaka yam ahinad’a yat ta ked’iwurengina a le furîd’a mi.

Isai 45:2

An mba ni tit avorongû, an mba ni blas yima djodjohlâ kä woi avorongû, an mba ni kus vun agrek ma a lum ki kawei ma hleunina woyo, an mba ni kus vun agrek ma a lum ki kawei ma wuranina woi ndjondjom mi.

Isai 49:11

An mba ni ge lovota yam ahinad’a, suma a mba hulong tit kua mi.

Isai 62:10

Agi suma Jerusalem-ma, agi buzugugi woyo, agi buzugugi woi atogo kur azì ma ngolâ, agi malagi lovota mi suma a nga djïna, agi tozogi zul la kur lovot ta titid’a woyo, agi yogi ahuniyôna woyo, agi pagi drapod’a akulo mandjaf suma mi.

Ezekiyel 17:24

Hina wani, agu ma abageina pet mba mi wala an ni Ma didina, ni an ba ni hulong yam agu ma fuyogeina kä, ni an ba ni hlagu ma gud’ongeîna yam akulo, ni an ba ni so agu ma d’ufa woyo, ni an ba ni d’uf agu ma so woina mi. An Ma didina ni de zlad’a, an mba ni le sunda kat mi.

Ezekiyel 21:26

Kayam amul ma Babilon-na mi tchol nga avun graka, avun lovot ta mbà ndata á djop fileina. Nga mi tchuk ir yeû mamba kä á djop fileina, nga mi gol aduduk d’uwar ma a ngad’am buzunina.

Zakari 4:7

Ma didina mi de kua ala: Ndak ahina d’a ngola, nda’î nge ba, mba d’i tchol avok Zorobabel ge? Mam mba mi blazak kä woyo, mam mba mi tin ahina d’a kal teglesa akulo kak ki furîd’a, a mba de kat ala: Ti djif heî! Ti djif heî!

Wana ni Zla d’a Djivi d’a Luc mi b’irita 18:14

Jesus mi dala: An nga ni dagiya, sa máma mi i avo hatam mi mbut sama d’ingêrâ kal Fariziyê máma. Kayam sama hle yam akulona, a mba hulongôm yam kä; sama mi ge yam kä na, a mba hlum yam akulo mi.

Wana ni Zla d’a Djivi d’a Luc mi b’irita 3:5

Hora pet mba d’i tos seyo. Ar a blas ahuniyô suma nglona ki yima ndingâ kä woyo. Vama gunda mba mi d’oba, yima ndjondjohlâ a mbud’um papana mi.

1 Samuel 2:8

Suma hou suma a nga kä aduk gugumina nga mi hlazi yazi akulo, suma kid’ak suma a arazi kä woi yam djimgilîna, nga mi tinizi ata yima hud’a zlapa ki suma kal teglesâ. Andagad’a pet ni d’a hi Ma didinid’a; ni mam ba, mi tinit akulo yam graka.