Isai 40:31 - Bible azumeina

³¹ Wani suma a tin huruzi yam Ma didinina a nga fad’eng nga dinga kam kua, a nga pir d’igi b’aruna na, a nga ringâ, a nga seî d’i; a nga tid’a, a nga kau d’uo mi.

Isai 40:31 Iomraidhean Croise

Wana ni mbaktumba hi Job-pa 17:9

Gagazi, sama d’ingêrâ mba mi tchol ngingring kur lovot mamba, sama abom nga mi do tchod’a d’uo na mba mi fad’enga kam kua kam kua.

Sawal la giled’a 103:5

Ni ma hobon kahle suma djivina kur mamarana, ni ma mbud’un azongôn d’igi b’arauna na na.

Sawal la giled’a 123:2

Gola! Ami irami nga ni tinda yam ang Ma didina Alo mamina d’igi azungeîna a nga tin irazi yam suliyozina na, d’igi yuguneina a nga tin irazi yam suliyozi suma aropma na mi, tala ang wami hohowomiya d’a.

Sawal la giled’a 138:3

Kur bur ma an yangâ, ang humunu, ang siranu, ang han ad’enga atan mi.

Sawal la giled’a 20:9

Sum ndazina a mba hiram tak a puk kä, wani eya, ei mba arei tchola akulo ngingring.

Sawal la giled’a 25:21

An tin hurun ni kang angû; ang ngomon kur d’engzenga ki d’ingêra.

Sawal la giled’a 25:3

Suma a tin huruzi kangâ pet a mba mbut zulona d’i; suma a mba mbut zulonina ni suma a le suma tchod’a bei zlat ba na.

Sawal la giled’a 25:5

Ang tagan gagazi manga, ang had’an mi, kayam angî Alo ma sud’una, angî ma an tin hurun kang teteuna.

Sawal la giled’a 37:34

Ang tin hurung yam Ma didina, ang tit kur lovot mamba; mam mba mi hlang yang akulo, ang mba tandagad’a djona. Fata mi tchi suma asa’atna woid’a, ang mba wazi ki irangû.

Sawal la giled’a 40:1

Ni sawal la David mi hlat mi hat mi ma ngolâ hi suma hle sawalina.

Sawal la giled’a 84:7

Ata yima azi nga kal kur hor ra Baka-d’ina, ti mbut hor ra djang mbina avoroziya, alo ma hod’ogeid’a mi mbud’ut ni yima a b’e vuna kama.

Sawal la giled’a 84:8

Ad’engêzi nga d’i i avogovok á i avok ang Alona avo Siyon.

Sawal la giled’a 92:1

Ni sawal la gile d’a kur bur ma sabatnid’a.

Sawal la giled’a 92:13

Suma d’ingêrâ a mba wulî d’igi amilaûna na, a wulî d’igi agu sedre ma Liban-na na mi.

Buzuk ka Abud’a 19:4

Ma didina mi dala: Agi tagi wagi vama an lum ki Ezipte-na, an yogï geven d’igi agigilauna mi yo groma gigingâm na.

Zla d’a d’ogolâ 30:19

Nala, lovot ta agigilauna mi pir kakulo hur alonid’a; lovot ta guguina mi tan kakulo yam ahinad’id’a; lovot ta batod’a ti djang ki hur alum ma ngolîd’a; lovot ta sana mi i ki avo hi gor weid’id’a.

Sawal la kal teglesa 8:5

Ni nge ndata ba, ti djï hur fulâ, ti deng tat ata mat ma ndat le kam heîna na ge? Ti dala: An zlid’ing akulo ad’u agu poma ata yima asung ngi vang wiring kuana, ata yima ti vud’ung kuana mi.

Isai 25:9

Kur bur máma a mba dala: Alo meina ba wana, ni mam ba, ei tini huri kamu. Ni mam ba, mi sud’iya. Ni Ma didina ba, ei tini huri kamu. Ar ei lei hur ma hapma, ar ei lei furîd’a yam sut mamba mi!

Isai 30:15

Salad’a Ma didin ma tin tam irat vat yam Israel-lîna mi dala: Le agi kagagi tchugot agi hulongôgi atanu ni, an mba ni sud’ugiya. Le agi kagagi tchugot agi tinigi hurugi kanu ni, nad’eng magid’a. Wani agi minigi nga d’i!

Isai 30:18

Kayam ndata, Ma didina nga mi djup á vagi sumad’a, mba mi tchol akulo á wagi hohowogi mi, kayam Ma didina nAlo ma d’ingêrâ. Suma a tin huruzi kama pet a nga le furîd’a!

Isai 41:1

Ma didina mi dala: Agi suma nga kaka yam tilina, agi kagagi mudjuk, agi humundiya. Ar suma a hulong fad’eng mazid’a, ar a i avok á de zlad’a, ar ei togei tu á ka sariyad’a.

Isai 64:4

Ang nga tit ki sama tam nga d’i lum djivid’a á tit yam d’ingêrina, ki suma a nga djib’er kang kur tit mazid’ina mi. Wani ang hurung zal kami ni kayamba ami lami tchod’ïd’a. Le ami nga kurut hina baba ni, ami mba sud’umi woi ni nana ge?

Isai 8:17

An tin hurun ni yam Ma didin ma ngei iram mbei avok suma hi Jakob-mina, an deng tan natam mi.

Jeremi 48:15

An amul ma simiyên ala Ma didin ma ad’engên kal petna na ni dala: Azì ma Mowap-ma, a nga b’lagam mbeyo, azì mam ma nglona nga mi d’us andosâ, azungeî mam suma gangrangâ, a nga izi ata yima ngata mi.

Zakari 10:12

An mba ni hazi ad’enga, a mba tit ni ki simiyênu. Ni an Ma didina ba, ni de na.

Wana ni Zla d’a Djivi d’a Luc mi b’irita 18:1

Jesus mi dazi zla d’a d’ogola á had’azi a tchen teteu bei tazi tchuk lus ba.

Romê-na 8:25

Wani le ei nga djubi vama ei wum mbuo na ni, ei djubizi ni ki ve tad’a.

2 Korente-na 4:1

Alona mi wami hohowomiya, mi hami sun ndata abomiya. Kayam ndata, ami tami nga tchuk lus kat ti.

2 Korente-na 4:16

Kayam ndata, ami tami nga tchuk lus si. Le hliwimi nga mi b’lak kei pî, muzugami nga mi mbut awilid’a burâ ki burâ.

Galat-na 6:9

Ar ei tei tchuk lus á le sun nda djivid’a d’i. Le ei tei tchuk nga lus suo ni, fata yina ndaka, ei mba fed’eya.

Gat ta a hat á mbàd’id’a 32:11

Mi le ki sed’ezi ni d’igi agigilauna nga mi gas groma kur aziyam na, nga mi dal akulo kaziya, nga mi tin gigingâm kä ad’uziya, nga mi yozi mi i ki sed’ezi akulo.

Gat ta a hat á mbàd’id’a 33:25

Ar kawei mang ma avun agre’îna mi ka’î kawei ma wurana d’oze ma hleuna! Ar ang ka’î sama ad’engâ ki kak mang nga ki irang ka hî yam andagad’id’a pet!

1 Tasaloni’â 1:10

á djup Gorom ma nga mi tcholï akulo mi mba na ge. Ni Goroma Jesus ma mam tcholom akulo aduk suma matnina, ni Ma nga mi sud’i woi kur ayîna hAlona ma nga mi mbana.

Hebre-na 12:1

Kayam ei suma suma glangâsâ ablaud’a nguyina, ar ei fogei ahle suma d’eleina ki tcho d’a nga ngapa ateid’a pet teyo. Ei vei tei ad’enga kur ringâ á vei vama Alona mi tinim sä avoreina.

Hebre-na 12:3

Agi djib’eregi yam mam ma ve tam ad’enga abo suma tcho suma a kak djangûna ki sed’ema. Ar agi kawagi d’i, ar tagi tchuk lus suo mi.

Josue 14:11

Gak ini an nga kad’eng manda d’igi bur ma Moise mi sununa na. An nga kad’enga á dur ayîna, an nga kad’enga á ndabua, á hulong avo mi.

Vama ndum mbeina 12:14

Wani a he atcha ndata giging agigilau ma ngolâ, kayam ti pir ti i ata yi mat ma abageina, ata yima a hat tena kua bizad’a hindi ki nusina kayam dragon máma mi fat ti.

Vama ndum mbeina 2:3

Ang nga ve tang ad’enga, ang nga fe ndaka kanu, wani ang tang tchuk nga lus si.

Vama ndum mbeina 4:7

Ma ari ma avo’â mi hle tamî d’igi azlona na, ma mbàna mi hle tamî d’igi gor amuhlâ na, ma hindina iram mbi hle tat ni d’igi ir sana na, ma fid’ina mi hle tamî d’igi agigilau ma nga mi pirâ na mi.

Suma ka sariyad’a 16:28

Ata yi máma Samson mi tchen Ma didina ala: Salad’a Ma didina, an nga ni tchenengû, Alo mana, ang djib’er kanu! Ang han ad’enga ki tchetchem mba wanda hina go, ar an sä atchugulun ki suma Filistê-na yan hina tu yam iran nda mbà d’a a tchot teid’a.