Isai 40:3 - Bible azumeina

³ An hum dela nga d’i dei ala: Agi minigi lovota mi Ma didina hur fulâ, agi minigi lovota d’ingêr hur ful ma gangrasâ mAlo meina.

Isai 40:3 Iomraidhean Croise

Sawal la giled’a 68:4

Wani suma d’ingêrâ a le furîd’a, a aî avok Alona, a nga lü ndjongâ ki hur ma hapma mi.

Isai 35:8

A mba ge lovota kua, a mba yat ala Lovot ta a tinit irat vata. Sama ndjendje mba mi tit kur ri, ti mba d’i arî yam suma hi Ma didinina hol. Ni azi ba, a mba tit kua; suma lilid’a pî a mba vit tei d’i.

Isai 40:4

Ar a min hora akulo min nda dinga, ar a blas ahuniyô suma nglona ki yima ndingâ kä woyo, ar a mbut yima djodjohlâ papana, ar a mbut yima mbed’etna bubud’a d’igi hora na.

Isai 43:19

Gola! An nga ni le vama awilina. Ki tchetchemba, mi nga mi mba. Agi mba wum mbuo zu? An nga ni ge lovota hur fulâ, an nga ni gäluma yam andaga d’a so d’a gangrasa mi.

Isai 49:11

An mba ni ge lovota yam ahinad’a, suma a mba hulong tit kua mi.

Isai 57:14

Ma didina mi dala: Agi gagi lovota, agi gagi lovota, agi minigi lovota, agi pad’agi ahle suma a d’el lovota avok sum manina woi pet.

Malatchi 3:1

Ma didin ma ad’engêm kal petna mi dala: Agi gologiya! An mba ni sunï man ma sunda; mba mi min lovota avoronu. Ata yi máma na wat Salad’a ma agi nga halama, mba mi kal kur gong mam mba kud’ora; gola! Sama an sunumî yam vun ma djinda ma agi minima nga mi djïya.

Jean 1:23

Jean mi hulong dazi ala: An ni dela hi ma nga mi de ki delem akulo kur fulâ ala: Agi minigi lovota hi Ma didinid’a d’igi ma djok vun Alona Isai mi de na na.