Isai 40:28 - Bible azumeina

²⁸ Ang wum nga d’i? Ang humum nga zlam mbi? NAlo ma dedeina, ni Ma didin ma mi le andagad’a gak ata vunat ma dabid’ina, mi nga mi kau d’oze mi seî d’uo; wäd’u mamba ni d’a sana mi ndak á feget ad’ut tuo d’a mi.

Isai 40:28 Iomraidhean Croise

Ad’u Tinda 21:33

Abraham mi pe atchinda avo Berseba; ata yi máma mi tchen ki simiyê Ma didina Alo ma nga kur atchogoi d’a lara ge petna.

Wana ni mbaktumba hi Job-pa 38:18

Ang we bubud’a handagad’id’a pet mi zu? Le ang wahle ndazina ped’u ni, ang vandji ad’ud’a.

Sawal la giled’a 138:8

Ma didina, ang mba lahle suma djivina yam anu; Ma didina, o manga nga d’i dap pi, ang ar sun nda ang lat kabonga woi d’i.

Sawal la giled’a 139:6

We ndata ni we d’a ndandal la kal kanda; ti sä nakulo dei; an ndak á wat ad’ut ti.

Sawal la giled’a 145:3

Ma didina, angî ma ngol ma ndak á suburina; ngol manga dabi mata nga d’i.

Sawal la giled’a 147:5

Salad’a ni ma ngolâ, mi nga kad’eng nga kal papad’a, d’al mama ni ma bei dabid’ina mi.

Sawal la giled’a 90:2

Avok kid’a ang bei lahuniyôna kandagad’a ki duniyad’a tua d’a, adjeu dei gak ini burâ ki burâ angî Alona.

Isai 37:26

Ang Sanakerip, ang we djiviya! Ni an Ma didina ba, ni min ahle ndazina dedei. An nga hurun á lahle ndazina navok dedei. Ki tchetchemba, an nga ni lazi wana. Ni an ba ni hang lovota á to azì ma nglo ma ad’eng ma ngunguna kä woyo.

Isai 40:21

Agi wagizi nga d’uo? Agi humugizi nga d’uo? A dagizi nga zlam kad’u tinda dei d’uo? Agi humugi nga zla ge d’a a gäd’u andagad’id’a d’uo mi zu?

Isai 42:4

Mba mi mbut amangeîd’a d’i, tam mba d’i tchuk lus suo gak mba mi tin sariyad’a yam andagad’a. Suma a nga kaka yam tilina a mba humum gat mamba mi.

Isai 45:22

Agi suma sä avun dabid’a handagad’ina, agi hulongôgï gevenu. Hina agi mba fagi suta, kayam an nAlona. Alo ma ding nga woi kengên ndi.

Isai 57:15

Ma sä akulo ma kal tegles ma nga kaka gak didin ma simiyêm ala Ma bei tchod’a ba na na, mi dala: An nga ni kaka ata yima sä akulo dei ma didina ata yima an tinim iram vama. Wani an nga ki sama hurum b’lak ma mi hulong yam kä á b’leng hur suma a hulong yazi kä lulumana, á b’leng hur suma huruzi mi b’la’â mi.

Isai 59:1

Agi djib’eregi ala Ma didina abomî gid’engâ á sud’ugi d’oze humam mbi ni ngela á humugiya zu?

Isai 66:9

Ma didina mi dala: An ma ni mal vun azì grona matchad’a á vutina, an mba ni d’elet bei vuta zu? Alo ma’â mi dala: An ma ni he lovota matchad’a á vutina, An mba ni d’el gorâ bei vuta woi zu?

Jeremi 10:10

Wani Ma didina nAlo ma gagazina, nAlo ma arina, namul ma didina. Le hurum zala ni, suma yam andagad’ina a nga zlak avoromu. Andjaf suma a ndak á ve tazi avok ayî mam ma bibiliuna d’uo mi.

Jeremi 32:17

Salad’a Ma didina, ang ma lakulod’a kandagad’a ki sib’ik mang nga kal teglesa ki bigang nga zid’a kang akulo zid’a, vama mi hlang abod’ina nga d’i.

Jeremi 4:22

Ma didina mi dala: Gagazi, sum mana yazi nga d’i. A wan nga d’i, a ni gro suma lilid’a, suma bei wad’ud’a, a ne heî ná le tchod’a hol, a we nga djivi d’a led’a d’i.

Marik 16:14

Bugola, Jesus mi nde tam mbei ir suma hat suma dogo yam tuna, ata yima azi nga avun tenina. Mi ngobozi yam bei he gagazi mazid’a, yam hur mazi ma b’al ma a he nga gagazid’a yam suma a wum bugol tchol mamba d’uo na mi.

Marik 9:19

Jesus mi hulong dazi ala: Agi suma bei he gagazid’a suma kur atchogoi d’a wandina na, an mba ni kak ki sed’egi gak mindja ge? An mba ni ve tan ki sed’egi gak mindja ge? Agi mbeyendjïya.

Wana ni Zla d’a Djivi d’a Luc mi b’irita 24:25

Jesus mi dazi ala: Agi ni suma bei ned’a suma bei he gagazid’a atogo yam ahle suma suma djok vun Alona a dazina.

Jean 14:9

Jesus mi dum ala: Filip, an kak ki sed’egi dei gak ini, ang wan nga d’uo? Sama wana, mi wAbun mi. Ni nana ba, ang dala: Ang tagami Abung nge?

Jean 5:17

Jesus mi hulong dazi ala: Abun nga mi le sunda teteu, an nga ni le sunda hina mi.

Sunda hi suma a sunuzinid’a 13:47

Kayam Salad’a mi hami vuna ala: An tining d’igi b’od’a na yam andjaf suma dingâ, kayam ang i ki suta mi suma gak avun dabid’a handagad’id’a.

Romê-na 16:26

Wani ki tchetchemba, zla d’a muduri ndata a ndat tei kur mbaktumba hi suma djok vun Alonid’a. Alo ma didina mi he vuna ala a tagat tei mandjaf suma pet, kayam a he gagazid’a, a ge yazi kä ad’um mi.

1 Korente-na 2:16

D’igi mbaktumba hAlonid’a ti de na ala: Ni nge ba, mi we djib’era hi Ma didinid’a ge? Ni nge ba, mi ndak á had’am ge? Wani eya, ei nga ki djib’era hi Christ-sa kuriya.

1 Korente-na 6:16

Agi wagi nga d’ala sama zlap katcha d’a gaulangîna mi mbut ni hliu ma tuna ki ndad’u, d’uo zu? Kayam mbaktumba hAlonid’a ti dala: Azi djak mba mbut ni hliu ma tuna.

1 Korente-na 6:19

Agi wagi nga d’ala hliu tagi ni gong nga kud’ora hAlona d’a Muzuk mam ma bei tchod’a ba ma mi hagizi nga kurugina d’uo zu? Agi nga ni yam tagi d’i.

1 Korente-na 6:9

Agi wagi tetet ala suma a lahle suma ata yazi d’uo na a mba kal kur leud’a hAlonid’a d’uo d’uo zu? Ar agi lobogi tagi d’i. Suma mizeuna, suma tuwal fileina, suma e’eûd’a, suma a bur ki ndrozi andjofîna,

Gat ta a hat á mbàd’id’a 33:27

Alo ma ei adjeu dedeina ni yi mang ma ngeid’a; abom ma sib’ika, mi nga ki sed’eng ka hî yam andagad’a teteu; nga mi dik mang suma djangûna woi avorongû, nga mi he vuna ala: Ang dabazi woyo!

Filip-ma 1:6

Kayam an wala Alo ma tin ad’u le sun nda djivid’a kurugina, mba mi lat gak bur ma mbad’a hi Jesus Christ-sâ.

1 Timote 1:17

Mam mi Amul ma didin ma bei matna ma bei wuma, Alo ma tu gid’engâ, ni Ma hud’a ki subura ni mamba gak didina. Amin!

Hebre-na 9:14

buzuna hi Christ ma he tam mAlona bei ndala yam minda hi Muzuk ma gak didinina, mi ndak á mbuzi djib’er ra kurid’a hi sun nda hawa yaka woi á le sunda mAlo ma arina kal luo zu?

1 Samuel 2:10

Ma didin ma sä akulona nga mi ngop mam suma djangûna; a nga zlak avoromu, kayam mam mi sama ka sariyad’a yam suma yam andagad’a petna. Nga mi had’eng mamba mamul mama, nga mi i ad’enga hamul ma mam manama avogovok mi.