Isai 40:19 - Bible azumeina

¹⁹ Ni sama d’alâ ba, mi tchet anguza va, ni sama le suna lora ba, mi gulud’um kiya, mi zle vayirâ, mi tchugumzi atam mi.

Isai 40:19 Iomraidhean Croise

Sawal la giled’a 135:15

Fileina handjaf suma dingîna nahle suma a lazi ni ki kawei ma hapma ki lorina; ni sun nda suma a lat kabozid’a.

Sawal la giled’a 135:18

Suma a lazina a hle tazi ni d’igi azi na, suma pet suma a tin huruzi kazina, a hle tazi ni d’igi azi na mi.

Isai 2:20

Kur bur máma suma a mba tchuk filei mazi ma a yorom ki kawei ma hapma ki ma a yorom ki lora suma a nga grif kä avorozina woi mi kulomba kababeina.

Isai 2:8

Fileina mi oî yam ambas mazid’a. Azi nga grif kä avok sun nda azi lat kabozid’a, avok vama azi minim ki tchitchid’azina.

Isai 30:22

Agi mba gologi kawei ma hap ma agi gulud’ugi ki filei maginina ki lora a gulud’um ki d’a nahle suma ndjendjed’a, agi mba durugi to mazi d’a kikizeka woi d’igi vama ndjendjed’a na, agi mba dagi kazi ala: Tchuguzi sä woi dei!

Jeremi 10:9

A nga d’udjo filei máma ki kawei ma hap ma a yorom ma a yomï Tarsis soze lor ra a yod’ï Ufas-sa mi. Ni sun nda sama d’alâ mi lata, ni sunda hi ma yor lora mi. A nga tchuk filei máma baru d’a hleu d’a sisila ki d’a hleu d’a kekenga atamu. Azi pet ni sunda hi sama d’alîd’a.

Daniel 5:4

Bugol la a tche süm guguzlud’a dad’a, a nde gile alo ma lora, ma kawei ma hapma, ma kawei ma hleuna, ma kawei ma wurana, ma aguna, ma ahinad’a mi.

Wana ni mbaktumba hi Oze-d’a 8:6

Wani amuhl ma agi yoroma ni sun nda sama d’alâ mi lata, nga nalona d’i. Ni kayam ndata ba, a mba to amuhl magi máma woi kikizek.

Suma ka sariyad’a 17:4

Mi he bege ndata masumu. Asum mbi hle beged’a kikis mbà aduk bege ndata, ti hat mi sama yor kaweina. Mi yor ki filei ma a gulud’um ki kawei ma yorina, a tinim avo hi Mika.