Isai 4:6 - Bible azumeina

⁶ Mba d’i mbut ni zlub’u d’a anguzuna yam huwak ka faleid’a, mba d’i mbut ni yima ngei tad’a abo babarâ kalo ma sed’a mi.

Isai 4:6 Iomraidhean Croise

Sawal la giled’a 27:5

Kayam mam mba mi ngomon kur gong mamba kur bur ma tchona, mam mba mi ngeyen kur zlub’u mamba, mba mi hlan akulo yam ahinad’a mi.

Sawal la giled’a 55:8

An mba ni ring ngei dei, an mba ni kak sä abagei hur fulâ. Tchol ndjö

Sawal la giled’a 91:1

Sama mi nga kaka ad’u angus Alo ma sä akulo ma kal teglesîna, mi nga ni kaka ad’u angus Alo ma ad’engêm kal petna.

Zla d’a d’ogolâ 18:10

Simiyê Ma didina ni gong nga ndjol la fiyak ka ad’eng nga ngungud’a, sama d’ingêrâ nga mi ring kua, mi kak ki halasa.

Isai 14:32

A hulong zla d’a ded’a mi suma Filistê suma a sunuzina nana ge? Kayam Ma didina mi gäd’u Siyon ni mamu, ni kua ba, mam suma hohoud’a a mba fe yima ngei tazina gagazi.

Isai 25:4

Kayam angî yima ngeid’a hi suma amangeînina, angî yima ngeid’a hi suma hohou suma a nga kur ndakina, angî anguzu ma mi d’el alo ma mi se ki babarîna, angî anguzu ma mi d’el huwakina mi. Kayam zla d’a nga d’i ndavun suma a nga te yam suma kad’engina, ti ni d’igi alo ma mi se ki babarâ mi wat huyok gulumunina na.

Isai 30:30

Ma didina mba mi de ki delem mba kal papad’a, mba mi tak abom ma zid’a woi zi á to ki suma kur ayî mam ma bibiliuna, aduk sin aku d’a nga d’i ngal yinid’a, aduk alo ma mi se ki babarâ ki mogoina mi na.

Isai 32:1

Kur bur máma amulâ mba mi tamula ki d’ingêra, mam suma nglona a mba te yamba ki d’ingêra mi.

Isai 32:2

Nge nge pî adigazi mba mi mbut ni d’igi anguzu ma mi d’el simetnina na, d’oze yima ngei ma mi d’el babar ma ngolîna na, d’oze d’igi mbiyo ma mi djang yam andaga d’a so d’a gangrasina na, d’oze d’igi anguzu ahina d’a ngol la yam andaga d’a sod’id’a na mi.

Isai 8:14

Mam mba mi mbut ni zlub’u d’a a tinit irat vata, mba mi mbut nahina d’a dap asema mi. Nahina d’a dap asema yam leud’a hi Israel-lîd’a ki leud’a hi Juda-nid’a, mba mi mbut nabeid’a ki dauna yam suma a nga kaka avo Jerusalem-ma mi.

Ezekiyel 11:16

Ni kayam ndata ba, ang i dazi ala: Salad’a Ma didina mi dala: Le an ni izi woi dei aduk andjaf suma, le an ndjoyôzi woi yam ambasa teteng pî, an mba ni mbut yi mazi ma kaka kur ambas sa azi i kuad’a.

Hebre-na 11:7

Ni yam he gagazid’a ba, Noe mi hum zla d’a Alona mi dum yam vama suma a wum nga d’uo tua na. Noe mi ge yam kä avok Alona, mi min batod’a á sut suma avo hatama. Ni hina ba, mi ka sariya d’a matna yam suma yam andagad’ina. Alona mi mbud’um sama d’ingêrâ yam he gagazi mamba.

Hebre-na 6:18

Ahle suma mbà suma bei mbut ndazina a nga, Alona mi ndak á ka zla kazi d’uo mi. Ei suma ngeyei tei atama, ei nga vei tei ad’enga á vei vama ei tini huri kam ma sä tinda avorei akulona.

Vama ndum mbeina 7:16

Meid’a d’oze vun ma sod’a mba mi lazi d’i, afata d’oze zumal la huwaka mba d’i lazi d’uo mi.