Isai 38:19 - Bible azumeina

¹⁹ Wani ni suma a nga ki irazi ini d’igi an na na ba, a mba gilengû. Nabuyod’a ba, a mba tak d’engzeng manga woi mi grozina.

Isai 38:19 Iomraidhean Croise

Ad’u Tinda 18:19

An manamu, kayam mam mba mi hat groma kandjavam á ngom vun ma he mana á tit yam d’ingêra ata lovod’od’u. Ni hina ba, an Ma didina mba ni ndak vun vun ma hle ma an hlumzina.

Sawal la giled’a 118:17

An mba ni mit ti, an mba ni kak ki iranu, an mba ni de woi yam sunda hi Ma didinid’a.

Sawal la giled’a 119:175

Ar an kak ki iran á gilengû, ar sariya mang nga kad’a ti ndjunun mi.

Sawal la giled’a 145:4

Ar suma kur atchogoi d’a lara ge petna a suburung sun manga, ar a de woi yam sun nda ad’eng nga ang lata.

Sawal la giled’a 146:2

An mba ni gile Ma didina ata yima an nga ki iran tua na, an mba ni gile Alo mana ki sawala ata yima an nga ki irana.

Buzuk ka Abud’a 10:2

Ni kayambala ang mba de zla ndata woi mi grongâ ki grong ngolona ala ni nana ba, an ngop Ezipte-na kahle suma simat suma an lazi adigazina ge? Ni hina ba, agi mba wagi ala an ni Ma didina.

Ma tchi wala 9:10

Vama abong fuma, ang lum kad’eng manga pet, kayam sunda d’oze djib’era d’oze wad’ud’a d’oze ned’a a nga ata yima azulei ma ang nga i kuana d’i.

Joel 1:3

Agi dagizi woi mi grogina, ar grogina a dazi woi mi grozina, grozina a dazi woi mi suma kur atchogoi d’a sä avokina mi.

Jean 9:4

Kid’a afata nga tua d’a, mbeî ei lei sunda hi mam ma sununïna, kayam andjeged’a nga d’i mba, sa ndak á le sunda kurut ti.

Gat ta a hat á mbàd’id’a 11:19

Agi mba had’agizi mi grogina, agi mba dagizi zlazi woi ata yima agi mba kagagi kä avo hur aziyagina, ata yima agi mba tchologi á igi akoid’ina, ata yima agi mba burugi kä na, ata yima agi mba tchologi akulona mi.

Gat ta a hat á mbàd’id’a 4:10

Agi djib’eregi yam bur ma agi tchologi avok Ma didina Alo magina yam ahina d’a Horep-pina. Ata yi máma Ma didina mi dan ala: Ang togonï suma; an min ala a hum zla manda tala azi hat á lan mandaran burâ ki burâ yam andagad’a ka hî, a had’at mi grozina mi d’a.

Gat ta a hat á mbàd’id’a 4:9

Moise mi dazi kua ala: Wani agi gologi tagi djivi burâ ki burâ kur kak magi d’a yam andagad’id’a tala ahle suma agi wagizi ki iragi pet wana, agi maragizi d’i, ar a buzuk kei kurugi d’uo mi d’a. Agi had’agizi mi grogina ki grogi ngolona mi.

Gat ta a hat á mbàd’id’a 6:7

Ang had’am mi grongâ, ang dum zlam ata yima ang kak kä avo hatangâ, d’oze ata yima ang i akoid’ina, d’oze ata yima ang bur kä na, d’oze ata yima ang tchol akulona mi.