Isai 38:15 - Bible azumeina

¹⁵ An de nana dei ge? Ni mam ba, mi lahle ndazina. An mba ni tit ni yan ged’a kä hina gak ni dap biza manda abo hurun ma mi b’la’â.

Isai 38:15 Iomraidhean Croise

1 Amuleina 21:27

Ata yima amulâ Ahap mi hum zla d’a ded’a hi Ma didinid’ina, mi hulong yam kä, mi haû baru mama woyo, mi tchuk baru ma ndjondjorona atamu, mi d’el tam bei te tena, nga mi tit ni ki baru ma ndjondjoro mama, mi bur ki kä mi, nga mi tit hina lalam.

2 Amuleina 4:27

Kid’a ti mba gen Elise yam ahinad’id’a, ti ge tat kä avoromu, ti vum asemu. Wani Gehazi mi min zud’ut teyo. Elise mi dum ala: Ang arat hina djang, kayam me ti nga ki hur ma hata ngola. An ni vita yam zla ndata, kayam Ma didina mi tagandji nga d’i.

Esdras 9:10

Ki tchetchemba, Alo mamina, ami dami nana yam ahle suma a mba wana ge?

Wana ni mbaktumba hi Job-pa 10:1

Job mi de kua ala: An gol kak manda ni vama ndjendjed’a iranu. An mba ni de zla yor ta manda woi abua. Kur hur man ma hat ma tchona, an mba ni de zla manda woi abua.

Wana ni mbaktumba hi Job-pa 21:25

Suma dingâ a nga kaka kur yor tad’a gak mat mazina bei a djuk djivid’a hina nde ba.

Wana ni mbaktumba hi Job-pa 7:11

Ni kayam ndata ba, an ndak á ba vunan nduo, an mba ni de woi yam ndak ka nga kurunda, an mba ni yor tan yam ndak ka tcho d’a nga atanda mi.

Sawal la giled’a 116:1

Hurun ve Ma didina, kayam nga mi humun delen ki tchen manda.

Zla d’a d’ogolâ 31:6

Ang he süm ma ayîna mi sama lá bad’a woina, ang he süm guguzlud’a mi sama hurum b’la’â mi.

Isai 38:17

Gola! Hur man ma b’laka mi mbut ni furî manda. Ang tang lan djivid’a, ang prud’un ndei avun matna, kayam ang tchuk tcho manda sä woi blogong dei.

Jean 12:27

Jesus mi dala: Ki tchetchemba, vunadigan ndi pat fek, an mba ni de nana ge? An mba ni dala: Abunu, ang sud’un ndei ata ler ra wanda zu? Hawa, ni kayam ndata ba, an mba á fe ndaka kur ler ra wanda.

Josue 7:8

Ma didina, ki tchetchemba, ami Israel-lâ nga ringîmi avok mazi suma djangûna wanda; an de nana mi d’ang nge?

1 Samuel 1:10

Anne nga kur hur ma hata, nga d’i tchen Ma didina ki simina irad’u.