Isai 37:6 - Bible azumeina

⁶ Isai mi dazi ala: Zla d’a agi i dat mi salaginid’a ba wana: Ma didina mi dala: An hum ngul la suma nglo suma hamul ma Asiri-na a ngulunda, wani ang le mandarâ yam zla d’a azi data d’i.

Isai 37:6 Iomraidhean Croise

Buzuk ka Abud’a 14:13

Moise mi hulong de mi Israel-lâ ala: Agi lagi mandar ri, agi kagagi ata yagi hina djang, agi mba wagi ini sut ta Ma didina mba mi sud’ugi inid’a. Kayam Ezipte suma agi wazi ini wana, agi mba wazi bugol luo d’a.

Isai 35:4

Agi dagi mi suma tazi tchuk lusâ ala: Agi siragi ngingring, agi lagi mandar ri. Gola! Alo magina nga mi djï á sagi atchugulugiya, á wurak magi suma djangûna yam tcho d’a azi lagizid’a mi. Mam tamba nga mi djï á sud’ugiya.

Isai 37:5

Suma Ezekiyas mi sunuzina a mbaza gen Isai.

Isai 51:7

Agi suma wagi d’ingêrina, agi humunu. Agi suma gat manda nga kurugina, ar agi lagi mandarâ abo kraka hi sumid’a d’i, agi zlagagi abo ngul mazid’a d’uo mi.

Isai 7:4

Ang dum ala ba: Ang kak irang sik, ang le mandar ri. Ar hurung ka mbina avok vuna djo ma mbà ma nga mi d’us wana d’i, avok ayîna hi Resin ma Siri-na kayîna hi Remaliya goromina d’uo mi.

Sunda hi suma hi Levi-nid’a 26:8

Suma vahl adigagina a mba dik suma kisâ, suma kis adigagina a mba dik suma 10.000; magi suma djangûna a mba puk kä avorogi abo mbigeu magi d’a fiyaka.

Marik 4:40

Jesus mi dazi ala: Ni kayam me ba, agi lagi mandarâ hina ge? Ni kayam me ba, agi hagi gagazid’a d’uo ge?

Marik 5:36

Wani kid’a Jesus mi hum zla mazi d’a ded’id’a, mi tin humam kat ti, mi de mi ma ngol máma ala: Ang le gigrit ti, ang he ni gagazid’a d’ö.

Josue 11:6

Ma didina mi de mi Josue ala: Ang lazi mandarazi d’i! Avin aboina hina dedege, an mba ni hangzi abong pet, an mba ni duruzi mbuleina, an mba ni tchazi avok Israel-lâ. Ang mba kazi gigling akulumei mazina, ang mba ngalazi pus mazi ma dur ayîna woi mi.