Isai 37:37 - Bible azumeina

³⁷ Ata yi máma Sanakerip amul ma Asiri-na mi hô kang mama, mi hulong kur aziyam ma ngolâ Ninif, mi kak sä kua.

Isai 37:37 Iomraidhean Croise

2 Amuleina 19:1

Kid’a amulâ Ezekiyas mi hum zla ndatid’a, mi haû baru mama woyo, mi tchuk baru d’a dodora atamu, mi i kur gong nga kud’ora hi Ma didinid’a.

2 Sunda Hamuleinid’a 32:1

Bugol sun nda irat ta Ezekiyas mi lata, Sanakerip amul ma Asiri-na, mi kal kur leu d’a Juda-d’a, mi ngui azì ma nglo ma ad’eng ma ngunguna, kur djib’er mamba ala mi hlumu.

Isai 31:8

Suma Asiri-na a mba puk kä abo mbigeu d’a nga ni mbigeud’a hi sa d’uo d’a. Mbigeu ndata mba d’i kaziya, a mba ring abod’u. Azungeî mazi suma dur ayîna a mba le sun nda magomba mi.

Isai 31:9

Ma didin ma aku mamba nga kur Siyon ma aku mam mba hîhîka nga kur Jerusalem-ma, mi dala: Amul ma Asiri-na mba mi zlak abo mandarâ, mazi suma nglona a mba ring a ar drapo mazid’a kä woi mi.

Isai 33:19

Suma yam mba ad’eng suma a de vuna ang nga humum mbuo na d’oze andjaf suma ding suma vunazi ad’enga á humum ad’uma, ang mba wazi d’uo d’a.

Isai 37:29

Ang nga gurut ki sed’enu. An hum ngul la ang nga ngulunda. Kayam ndata, an mba ni tchong atchinangû, an mba ni tchugung djamad’a avunang mi, an mba ni tanang hulongông avo hatang kur lovot ta ang hlad’ïd’a.

Isai 37:7

An mba ni hum djib’er ra dinga. Ata yi máma mam mba mi hum zla d’a dinga, mba mi hulong yam andaga mamba. An mba ni tchum sä hî ki mbigeu d’a fiyaka.

Jonas 1:2

Ang tchol i kur azì ma ngol ma Ninif-fâ, ang ngobozi kad’enga, kayam an we tcho mazid’a ti kal ngola heî gak ti mba akulo geven ka hî.

Jonas 3:3

Ata yi máma Jonas mi ge yam kä ad’u vun ma hed’a hi Ma didinina, mi tchol mi i Ninif. Wani Ninif nazì ma ngol ma kal papana; ang le ni burâ hindi ki tita tua ba, ang nde woi yam azì máma.

Jonas 4:11

Ang min ala an we hohowa azì ma ngol ma Ninif ma suma kuruma kal dudubud’a kis yam dudubud’a dok mbà suma a we nga a wal ir djivid’a ki tchod’a d’uo na zlapa ki d’uwar ma ablauna mi d’uo zu?

Mise 5:6

Andjafâ hi Jakob ma arâ mba mi kak aduk andjaf ma ablauna d’igi mbad’ï d’a ti tcholï ata Ma didinid’a na, d’igi alo ma mi se yam asunina na. A mba tin huruzi yam sa d’i, a mba ka’î yam sa d’uo mi.

Nahum 1:1

Wana ni zla d’a a djogot tei yam azì ma ngol ma Ninif-fîd’a, ni zla d’a kur mbaktum mba Alona mi ndat tei mi Nahum ma Elkos-sid’a.

Sofoni 2:13

Ma didina mba mi hlabom akulo á ngop suma abo ma norâ, mba mi dap suma Asiri-na woyo, mba mi mbut azì ma ngol ma Ninif-fâ djona, mba mi mbud’um hur ful ma so ma gangrasâ.

Matiye 12:41

Kur bur ma ka sariyad’a, suma Ninif-fâ a mba tchol á ka sariyad’a yam suma kur atchogoi d’a wandina, kayam suma Ninif-fâ a mbut huruzi yam wala tchid’a hi Jonas-sa. Gola! Ma kal Jonas ki ngolina mi kä wana.