Isai 37:31 - Bible azumeina

³¹ Suma a sut tei aduk suma Juda suma a mba ar kakina, sideyezi mba mi sir kä aduk andagad’a d’igi aguna na, a mba vut ngola.

Isai 37:31 Iomraidhean Croise

Sawal la giled’a 80:9

Ang pad’ï guguzlud’a ei Ezipte, ang dik andjaf suma woi avorod’u, ang hulong pat kä mi.

Sawal la giled’a 92:14

Azi ni d’igi agu ma nga ped’a kur gonga hi Ma didina Alo meinid’a na, a nga d’uf kur gulumun mama mi.

Isai 1:9

Ladjï Ma didin ma ad’engêm kal petna mi ngomei ad’ui d’a ar nded’a d’uo ni, ei mbud’i wa ni d’igi Sodom na, ei mbud’i wa ni d’igi Gomor na mi.

Isai 11:11

Kur bur máma Ma didina mba mi mat abom kua yam á mbàd’a á prut mam suma ad’uzi mba d’i ar abo suma Asiri-na, abo suma Ezipte-na, abo suma Patros-sâ, abo suma Etiyopi-na, abo suma Elam-ma, abo suma Sinar-râ, abo suma Hamat-na, abo suma a nga kaka yam tila halum ma ngolîd’a woi mi.

Isai 27:6

Kur atchogoi d’a nga d’i mbad’a, suma hi Jakob-ma sideyezi mba mi sir kä, Israel-lâ a mba tchuk grona a mba b’o, a mba oî yam andagad’a ki vud’uziya.

Isai 37:4

Amul ma Asiri-na mi sunï mam ma avun ma ngolîna á ngul Alo ma bei matna. Dam Ma didina Alo mangâ mi hum wa ngul ndata pet, dam mba mi ngobom yam zla d’a mam humuta kla. Ki tchetchemba, ang tchen Ma didina yam mam suma a arâ.

Isai 4:2

Kur bur máma agu ma hud’ura hi Ma didinina mba mi deî mba mi mbut vama hud’a, vama subura mi. Ahle suma a vut yam andagad’ina, a mba wile ki djifâ yam Israel suma a arâ.

Isai 6:13

Le ma dogona mi ar adigazi pî, mba mi kalî aduk akud’a, wani ni d’igi agu terebêna d’oze agu sena sideyezi mi hud’ur ata yima a kazi woi kuana na. Nala, sidiyem mba mi vut nandjaf ma yed’etna.

Isai 65:9

An mba ni buzugï kandjafâ aduk suma hi Jakob-ma, an mba ni buzugï kandjafâ aduk suma hi Juda-na á tahuniyô mana djona. Suma an manazina a mba tambasa djona, azungeî mana a mba kak kat mi.

Jeremi 30:19

Suma abuna a mba hum sawal la mersid’a ki del la furîd’a adigagiya. Agi andjafâ hi Jakob-ma, agi mba feyêgi d’i, kayam an mba ni zulugi ablaud’a; sa mba mi gologi is suo d’a, kayam an mba ni hagi ngola.

Jeremi 31:7

Kayam Ma didina mi dala: Agi hlagi sawal la furîd’a yam suma hi Jakob-ma, agi hlagi sawala yam andjaf ma ngol ma kal teglesâ, agi eregi ad’ugi akulo, agi gilegiziya, agi dagi woi ala: Ma didina, ang sut mang suma Israel-lâ ad’uzi d’a ara.

Jeremi 44:28

Suma a mba sut avun ayînina a ni hina ngiyeû, a mba tchol kur ambas sa Ezipte-d’a á hulong yam ambas sa Juda-d’a. Wani suma Juda suma a arâ pet suma a mba ka hî Ezipte á kak kuana, a mba we zla d’a mba d’i ndaka ni manda d’oze ni mazid’a zu?

Ezekiyel 7:16

Mazi suma a mba arâ a mba ring akulo yam ahuniyôna d’igi gugu d’a kur horid’a na á sut taziya. Azi pet nge nge pî mba mi zam tam yam tcho mamba.

Romê-na 11:5

Ni na mi, kur atchogoi d’a tchetchem wanda, suma hiu suma Alona mi manazi yam suma mambina a nga.

Romê-na 9:27

Isai mi de ki delem akulo yam Israel-lâ ala: Ndumba hi gro Israel-lîd’a, ti le ni d’igi les ma avun alum ma ngolîna na pî, nad’uzi d’a ara ba, a mba fe suta.

Galat-na 3:29

Le agi ni suma hi Christ-sâ ni, agi nandjafâ hi Abraham-ma mi. Agi ni suma te djo ma Alona mi hle vunam kama mi.