Isai 37:30 - Bible azumeina

³⁰ Isai mi de mi Ezekiyas kua ala: Ar zla d’a wanda ti ka’î vama simata: Kur biza d’a wanda ang ki sum mangâ agi mba tagi nawu ma yak kä woina, dama agi mba tagi nawu ma ma gorâ, wani kur biza d’a hindid’a agi mba zaragi awuna, agi mba dud’umu, agi mba pagi guguzlud’a, agi mba tagizi vud’ut mi.

Isai 37:30 Iomraidhean Croise

2 Amuleina 19:29

Isai mi de mi Ezekiyas kua ala: Ar zla d’a wanda ti ka’î vama simata: Kur biza d’a wanda ang ki sum mangâ agi mba tagi nawu ma yak kä woina, dama agi mba tagi nawu ma magorâ, wani kur biza d’a hindid’a agi mba zaragi awuna, agi mba dud’umu, agi mba pagi guguzlud’a, agi mba tagazi vud’ut mi.

2 Amuleina 20:9

Isai mi dum ala: Ma didina mba mi hang vama simata á we ki ala mam nga mi ndak vun vama mam hle vunam kama. Ang min ala: Anguzuna mi i avok yam vama djak akulo ma abung Ahas mi minima asem ma tita dogo, d’oze mi didak bugol ir asem ma tita dogo zu?

Buzuk ka Abud’a 3:12

Alona mi dum ala: An mba ni kak ki sed’engû. Wana ni vama simat ma ang mba wala ni an ba ni sunungû na: Fata ang buzugï sum mana woi avo Ezipte-d’a, agi mba kud’uron yam ahina d’a wanda.

Isai 38:7

Isai mi dum ala: Ma didina mba mi hang vama simata á we ki ala mam nga mi oî vun vama mam hle vunam kama.

Isai 65:21

Azi mba min azina, a mba kak kuru; a mba pagu ma vuta, a mba tum vud’um mi.

Isai 7:11

Ang djop Ma didina Alo mangâ yam vama tak ma kä ad’u andagad’a yiyi’â d’oze ma sä kur akulod’a deina.

Isai 7:14

Kayam ndata, Salad’a ki yam mba mi hagi vama taka: Gola! Gor weid’a mba d’i ve wirâ, mba d’i vut gorâ, ti mba d’i yum ala Emanuel.

Sunda hi suma hi Levi-nid’a 25:11

Biza d’a dok vahl ndata, mba d’i mbut ni biza d’a ngol la furîd’a; agi zumugi awuna kur ri, agi dud’ugi awu ma magor ma deî kur asinenina d’i, agi dud’ugi guguzlu d’a agi tchawat nga abot tei d’uo d’a d’uo mi.