Isai 37:29 - Bible azumeina

²⁹ Ang nga gurut ki sed’enu. An hum ngul la ang nga ngulunda. Kayam ndata, an mba ni tchong atchinangû, an mba ni tchugung djamad’a avunang mi, an mba ni tanang hulongông avo hatang kur lovot ta ang hlad’ïd’a.

Isai 37:29 Iomraidhean Croise

Wana ni mbaktumba hi Job-pa 41:2

Ni nge ba, mi ndak á durum bei va mi lum ge? Sa yam andagad’a tu pî, mi ndak ki.

Sawal la giled’a 32:9

Ar ang kak d’igi akuluma d’oze korona suma djib’er mazid’a nga d’uo na na d’i. Djamad’a ni va d’a vazi ki d’a; le hina d’uo ni, azi nga ve kä d’i.

Sawal la giled’a 46:6

Alona mi nga kurumu, azì máma nga mi giget ti; ki yorogo tcholola Alona nga mi ngomomu.

Sawal la giled’a 74:23

Ar ang mar yam zla d’a ded’a hi mang suma djangûnid’a ki suma djangû suma a nga siwel kang burâ ki burîna d’i.

Sawal la giled’a 74:4

Mang suma djangûna a nga siwel ata yima ang nga tok ki sed’emi kuana, azi pe drapo mazid’a akulo d’igi vama taka na ala azi kus wa da’.

Sawal la giled’a 83:2

Alo mana, ang kak hina mudjuk ki, Alo mana, ang kak bei de zlad’a d’i, ang kak hawa tchugot tuo mi.

Isai 10:12

Wani fata Salad’a mi ndak vun sun mamba pet yam ahina d’a Siyon-nda ki d’a Jerusalem-mbid’a, mba mi ngop amul ma Asiri-na yam hur mam ma ngolâ, yam yam mam mba ad’enga mi.

Isai 30:28

Fo d’a avunamba ti ni d’igi toliyon nda ti hop gak ti mba avunat akulo mbeî d’a na á yik andjaf suma yik ka tcho d’a b’laka, d’igi djama d’a a tchugut avun andjaf suma á bazi ki woid’a na.

Isai 36:10

Na ni ang djib’er ala salana mi mbeï á dur andaga d’a wanda á b’lagat tei ni bei minda hi Ma didinid’a zu? Nga na d’i! Ni Ma didina ba, mi hum vuna!

Isai 36:4

Ma avun ma ngol ma Asiri-na mi dazi ala: Agi i dagi Ezekiyas ala: Wana ni zla d’a amul ma ngol ma Asiri-na mi data: Vama ang tin hurung kama ni me ge?

Isai 37:10

amul ma Juda-na ala: Ar Alo mang ma ang tin hurung kam heîna mi lobong vunang ala an mba ni hle Jerusalem mbuo d’i.

Isai 37:34

Wani Sanakerip mba mi hulong avo hatam ki lovot ta mam hlad’ïd’a, mba mi kal kur Jerusalem mbi. An Ma didina ni de na.

Isai 37:7

An mba ni hum djib’er ra dinga. Ata yi máma mam mba mi hum zla d’a dinga, mba mi hulong yam andaga mamba. An mba ni tchum sä hî ki mbigeu d’a fiyaka.

Ezekiyel 29:4

An mba ni niging tunglîd’a avunangû, an mba ni b’al kuluf ma kä kur alum mangîna ata azlungângû, an mba ni tanangî akulo woi aduk alum mangâ, zlapa ki kuluf ma mba mi b’al ata azlungângâ mi.

Ezekiyel 35:13

Ndak tchol akulo, ndak dan zla d’a tchod’a kur zla mak ka ded’a, ndak zul zla mak ka ded’a kan kä hina wik. An hum zla ndata pet.

Ezekiyel 38:4

An mba ni niging tunglîd’a avunangû, an mba ni tanangû, an mba ni tanang ngei abu ki azigar mangâ kakulumeina ki suma a djangâzi suma a tchuk baru ma djifâ atazina, zlapa ki azigar suma ablau suma a nga yo mboriyo suma nglona d’oze suma gureina kasubiyona abozina mi.

Amos 4:2

Salad’a Ma didina mi gun tam ki tam mba bei tchod’a ba d’a ala: Burâ nga mi mba kagiya, kur bur máma a mba yogi ki kawei ma vunam gundina, a mba yogi grogina ki tunglîd’a mi.

Matiye 27:24

Ata yima Pilat wala mam ndak á le va d’uo na, wani yala nga mi i avogovogo, mi gul mbina, mi mbus abom avok ablau suma. Mi dazi ala: Buzuna hi sama d’ingêr mámina nga kan ndi, ni zla magid’a.

Sunda hi suma a sunuzinid’a 22:22

Suma a hum Paul gak ata yima mi mba ata zla ndatina. Ata yi máma, a er ad’uzi akulo ala: Sama hina na, tchum mbeyo, mi ndak á kak karid’a d’i.

Sunda hi suma a sunuzinid’a 9:4

Mi puk kä, mi hum dela ti dum ala: Saul, Saul, ni kayam me ba, ang djobon vunan hina ge?