Isai 36:8 - Bible azumeina

⁸ Agi i dagi mi Ezekiyas ala: Ki tchetchemba, an nga ni tchenengû, ang ndjak zla manga ki salana amul ma Asiri-na. Le ang ndak á hal suma djang akulumeina ni, an mba ni hang akulumeina dudubud’a mbà.

Isai 36:8 Iomraidhean Croise

1 Amuleina 20:10

Ata yi máma Ben-Hadat mi hulongî sunda ata Ahap ala: Ata yima an b’lak Samari-na, le gugum ma arâ mi oî wa hur abo suma a nga tit ad’una ni, ar alona mi mban ndak ka ngol la kala kanu!

1 Amuleina 20:18

Ben-Hadat mi dazi ala: Le a mba ni hawa ni, agi vazi karid’a; le azi mba ná dur ayîna pî, agi vazi karid’a mi.

2 Amuleina 14:14

Mi yo lora ki kawei ma hapma kahle suma a fazi kur gong nga kud’ora hi Ma didinid’ina kahle suma a fazi kur azì ma amulina, mi yo suma dingâ balâ, mi hulong avo Samari.

2 Amuleina 18:13

Kur biza d’a dogo yam fid’i d’a Ezekiyas nga mi tamulid’a, Sanakerip amul ma Asiri-na mi mba á dur ayîna kazì ma nglo ma Juda ma ad’eng ma ngunguna pet, mi yomu.

2 Amuleina 18:23

Agi i dagi mi Ezekiyas ala: Ki tchetchemba, an nga ni tchenengû, ang ndjak zla manga ki salana amul ma Asiri-na. Le ang ndak á hal suma djang akulumeina ni, an mba ni hang akulumeina dudubud’a mbà.

Isai 36:2

Kid’a amul ma Asiri-na mi nga kaka Lakis-sa, mi sunï ma avunama ata amulâ Ezekiyas avo Jerusalem zlapa ki azigar suma dur ayîna ablaud’a. Mi mba, mi tchol avun b’irlim ma mbina nga tchol kuana avun lovot ta i kur asine ma suma mbus baruna kuana.

Isai 36:7

Mi dazi kua ala: An wala agi mba dan ala agi tinigi hurugi ni yam Ma didina Alo magina. Wani ni Ezekiyas ba, mi to yima nding ma tetengâ ki yima ngal ahle suma ngat buzu ma tetengâ kä woyo, mi de mi suma Juda-na ki suma Jerusalem-ma ala: Agi i kud’urogi Ma didina ni yam yima ngal ahle suma ngat buzu máma avo Jerusalem-mu d’uo zu?

Isai 36:9

Le azigar mang ma ad’engâ mi ndak á dur ki azigar ma amangeî ma kal teglesâ hi salanina d’uo ni, ni nana ba, ang tin hurung yam pus ma dur ayîna kakulumeina hi Ezipte-na ge?