Isai 36:22 - Bible azumeina

²² Ata yi máma Eliyakim Hilkiya gorom ma ngol ma yam azì ma amulina ki Sepna ma b’ir mbaktumba hamulina ki Jowa Asaf gorom ma b’ir zla d’a led’a kä na a haû baru mazina woyo, a hulong gen Ezekiyas, a dum zla d’a ma avun ma ngol ma Asiri-na mi data.

Isai 36:22 Iomraidhean Croise

2 Amuleina 18:18

Azi yamulâ. Eliyakim Hilkiya gorom ma ngol ma yam azì ma amulina ki Sepna ma b’ir mbaktumba hamulîna ki Jowa Asaf gorom ma b’ir zla d’a led’a kä na, a buzugï woi kur azina, a mba geveziya.

2 Amuleina 5:7

Ata yima amul ma Israel-lâ mi dap mbaktum ndata ndumba dapma, mi haû baru mama woyo, mi er ad’um akulo ala: An nAlona ba, ni tchi sana kat mi, ni hulong zlid’im mi zu? Gola! Amul ma Siri-na mi sununï sana ka wana ala an yagam libi mama woyo! Agi wagi zla d’a sa máma mi halan ki sed’eta.

Esdras 9:3

Ata yima an hum hina na, an haû baru mana ki baru manda ngola woyo, an ndjut yan ndei ki dudumanu, an i kak kä ki hur ma hata ngola.

Isai 22:15

Salad’a Ma didin ma ad’engêm kal petna mi dala: Ang i ata ma sunda Sepna ma te yam azì ma amulina, ang dum ala:

Isai 22:20

Kur bur máma an mba ni yazong mana Eliyakim Hilkiya goroma.

Isai 29:2

Ma didina mi dala: An mba ni lang ang Ariyel ndaka. Suma a mba yor tazi kurungû, a mba zam tazi kurung mi. Ang azì ma ngol máma, ang mba mbut iran ni d’igi yima ngal ahle suma ngat buzu ma a yum ala Ariyel-lâ na.

Isai 33:7

Gola! Grang suma dur ayîna a nga er ad’uzi abua, suma sun suma a hal halasina a nga tchi tchi ma hat hurâ mi.

Isai 36:11

Ata yi máma Eliyakim, Sepna ki Jowa a de mi ma avun ma ngol ma Asiri-na ala: Le ang mina ni, ang dami zlad’a ni ki vun Aram-ma, kayam ami humumu. Ar ang dami zlad’a ki vun Hebre-na hum suma a nga yam gulumuna akulo wana d’i.

Isai 36:3

Ata yi máma Eliyakim Hilkiya gorom ma ngol ma yam azì ma amulina, mi ndeï woi gevem zlapa ki Sepna ma b’ir mbaktumba ki Jowa Asaf gorom ma gol ad’u mbaktumbina mi.

Jeremi 36:24

Amulâ kazungeî mama pet a hum ad’u zla ndata pet, wani a le nga mandar roze a haû nga baru mazi ma atazina woi d’uo mi.

Matiye 26:65

Ata yi máma, ma ngol ma ngat buzuna mi haû baru mamba woyo, mi dala: Mi las Alona, ei dok halei suma glangâsâ d’uo d’a. Agi humugi las sa mi las Alonid’a.