Isai 35:7 - Bible azumeina

⁷ Hur ful ma kikid’i’â pî, mba mi mbut apo d’a mbina; ambas sa so d’a gangrasa pî, mba d’i mbut ambas sa lau mbina; yima hâna mi ka domina kuana pî, ped’eud’a ki tchereuna a mba deî kua.

Isai 35:7 Iomraidhean Croise

Sawal la giled’a 107:35

Mi mbut fulâ apo d’a ngola, mi mbut andaga d’a gangrasa golong nga laud’a mi.

Isai 13:22

God’eid’a mba d’i tchi kuru, hâna mba mi kak kur aziyat ma amula. Burut ar go á mbad’a, burut mba mi i avok kuo d’a.

Isai 19:6

Aluma mba mi bua, apo alum ma Nil-lâ mba mi sid’am mi so woyo, ped’eud’a ki tchereuna a mba so woi mi.

Isai 29:17

Yina ar nga ngol li, Liban mba d’i mbut ni d’igi asine ma wul awuna heîna na. Asine máma mba mi mbut ni d’igi agud’a na mi.

Isai 30:25

Kur bur ma ngol ma a mba tchim suma ma gongîyo suma fuyogei suma ndjola a dris kä na, toliyonda mba d’i djangî kä yam ahuniyô suma fuyogeina, kä yam yam ndindingâ mi.

Isai 34:13

Azlupa mba d’i wul kur azì mat ma ngolâ. Kekerezeuna kaweid’a a mba deî kur azì mat ma ad’eng ma ngunguna, mba d’i mbut ni yima kaka hi hânina, mba d’i mbut ni yima kaka harigetina mi.

Isai 41:18

An mba ni gäluma yam yima ndingâ, an mba ni ge mbiyo ma laud’a angra ahuniyôna, an mba ni mbut hur fulâ apo d’a mbina, an mba ni mbut andaga d’a so d’a gangrasa yima djang mbina mi.

Isai 43:20

Hâna karigeta kazurei suma abageina a mba suburunu, kayam an nga ni ge mbina hur fulâ, an nga ni gäluma yam andaga d’a so d’a gangrasa, kayam man suma an manazina a tche mbina kua.

Isai 48:21

Vunazi mba mi so yam andaga d’a so d’a gangras sa mba mi tinizi kuad’a d’i, mba mi djangâzi mbina ata ahinad’a, mba mi wak ahinad’a, mbina mba mi djang ngei mi.

Isai 49:10

Meid’a mba d’i tchazi d’i, vunazi mba mi so d’i. Yima aku ma huwa’â kafata a mba lazi ndaka d’i, kayam an ma wazi hohowozina mba ni ndjunuziya, mba ni tinizi ata mbiyo ma laud’a mi.

Ezekiyel 47:8

Mi dan kua ala: Mbiyo máma mba mi djang iram abo ma yorogona, mi djak mi i kur hor ra Jurdê-d’a gak mi mba kur apo d’a Matna. Ata yima mi kal kur apod’ina, mbiyo mat ma ndjuvuna mba mi mbut adjib’eta.

Matiye 21:43

Ni kayam ndata ba, an nga ni dagiya, Alona mba mi hle leu mamba woi abogiya, mba mi hat mandjaf ma mba mi le sun nda Alona mi minitina. [

Wana ni Zla d’a Djivi d’a Luc mi b’irita 13:29

Suma a mba tcholï abo ma yorogona kabo ma fladegena kabo ma norâ kabo ma sutna, a mba kak avun tena kur leud’a hAlonid’a.

Jean 4:14

Sama lara pî ma tche mbiyo ma an humzina, vunam dok so d’uo d’a, wani mbiyo ma an humzina mba mi mbut ir mbiyo ma laud’a kurum á hum ari d’a didinda.

Jean 7:38

Sama he gagazid’a kana, mbiyo ma arina halumina mba mi lau kurum d’igi mbaktumba hAlonid’a ti de na.

Sunda hi suma a sunuzinid’a 26:18

Ar ang malazi irazi woyo, azi ar nduvunda, a mba kur b’od’a; a buzuk kei ad’u ad’enga hi Seitan-nda, a mba gen Alona kayam a he gagazid’a kanu. Hina wani, Alona mba mi vat hurum mbei yam tcho mazid’a, azi mba zlap tu ki sum mama.

Vama ndum mbeina 18:2

Mi de ki delem akulo ala: Babilon nda ngola, ti puk wa, ti puk wa. Ki tchetchemba, ti mbut yima kaka hi Seitan-nina, ni yima ngei muzuk ma tcho ma lara ge pet kaluwei suma ndjendje suma a golozi isâ pet a nga kuana.

Suma ka sariyad’a 6:38

Zedeyon mi le hina. Tcha ndjivinda mi tchol akulo ki yorogo tcholola, mi em mbad’ï d’a ata tumusid’a, ti oî kop ma mbina sop.