Isai 35:6 - Bible azumeina

⁶ Suma dileîd’a a mba pir akulo d’igi dugiyona na, suma ndumîd’a a mba de zlad’a woi ki furîd’a, kayam mbina nga mi djang iram hur fulâ, toliyonda nga d’i djang irat abo ma Araba-na mi.

Isai 35:6 Iomraidhean Croise

Nehemi 9:15

Ata yima meid’a tchazina, ang hazi avungô ma ei akulona; ata yima vunazi sona, ang hazi mbiyo ma buzugï aduk ahinad’ina. Ang dazi ala a i hlambas sa ang hle vunang kat á hazizid’a.

Sawal la giled’a 107:35

Mi mbut fulâ apo d’a ngola, mi mbut andaga d’a gangrasa golong nga laud’a mi.

Sawal la giled’a 51:15

An mba ni hat zla manga mi suma a tchila yam gatina, suma tchona a mba hulongî gevengû.

Buzuk ka Abud’a 17:6

Gola! An nga ni tchol sä avorong sä hî yam ahina d’a Horep-pa. Ang mba wat ahinad’a, mbina mba mi djang ngei irad’u, suma a mba tchumu. Moise mi le hina ir suma nglo suma Israel-lâ.

Isai 30:25

Kur bur ma ngol ma a mba tchim suma ma gongîyo suma fuyogei suma ndjola a dris kä na, toliyonda mba d’i djangî kä yam ahuniyô suma fuyogeina, kä yam yam ndindingâ mi.

Isai 32:2

Nge nge pî adigazi mba mi mbut ni d’igi anguzu ma mi d’el simetnina na, d’oze yima ngei ma mi d’el babar ma ngolîna na, d’oze d’igi mbiyo ma mi djang yam andaga d’a so d’a gangrasina na, d’oze d’igi anguzu ahina d’a ngol la yam andaga d’a sod’id’a na mi.

Isai 32:4

Suma bei wad’ud’a ba na a mba mbut suma ned’a á wad’ud’a, suma ambrozlod’a a mba de zlad’a atogo tchatchap woi tetet mi.

Isai 33:23

A but ziyo ma’â woi da’, a nga ve ziyo ma kak akulo ata agunina kä ngingring nguo d’a, a nga b’eng barud’a woi akulo kak kuo mi. Ata yi máma a mba b’rau ahle suma ablau suma a hurumuzï avun ayînina, suma dileîd’a pî a mba fe b’rau mazid’a kur ahle ndazina mi.

Isai 35:1

Hur fulâ kambas sa so d’a gangrasa a mba ayâ, hur fulâ mba mi le hur ma hapma, mba mi b’o d’igi aguna mi b’o na.

Isai 42:11

Ar suma hur fulâ ki suma a nga kaka kur azì ma nglonina zlapa kazì ma gurei ma suma Kedar-râ a nga kaka kuana, a er ad’uzi akulo ki furîd’a, ar suma a nga kaka yam ahinad’ina a ayâ, ar suma a nga kaka yam ahinad’a yat ta ked’iwurengina a le furîd’a mi.

Isai 44:3

Kayam an mba ni vo mbina yam andaga d’a sod’a, an mba ni ge toliyonda yam andaga d’a sod’a, an mba ni vo Muzuk mana yam grogina, an mba ni b’e vunan yam andjavagi mi.

Isai 48:21

Vunazi mba mi so yam andaga d’a so d’a gangras sa mba mi tinizi kuad’a d’i, mba mi djangâzi mbina ata ahinad’a, mba mi wak ahinad’a, mbina mba mi djang ngei mi.

Isai 51:3

Ma didina mi we hohowa Siyon, mi we hohowa yi mat ma b’lak keina, mba mi min asine ma djivi ma kalâ ata yi mat ma mi mbut d’igi fulâ na na, mba mi min asine ma d’igi Eden na na ata yi mat ma so ma gangras máma. Ni kua ba, a mba hum del la sor ra furî d’a kal lei nded’a ki sawal la giled’a ki del la hle sawala mi.

Joel 3:18

Kur bur máma süm guguzlud’a mba mi djangî kä yam ahuniyôna, ambira mba d’i djangî kä akulo yam yima ndingâ, toliyon nda Juda-d’a pet mba d’i lau mbina, mbina mba mi lawï kur gong nga kud’ora hi Ma didinid’a, mba mi rap yam hor ra Sitim-mba.

Zakari 14:8

Kur bur máma mbiyo ma he arid’ina mba mi djangî woi kur Jerusalem. Abom ma hina mba mi i iram kur apo d’a Matna abo ma yorogona, abom ma hina mba mi i iram kur alum ma ngol ma Mediterane-na abo ma fladegena mi, a mba le hina andol kawaliya.

Ndumba 20:11

Moise mi hlabom akulo, mi wat ahinad’a ki totogo mamba yam mbà. Ahinad’a ti buzuk ki mbina djangâ ngola; ablaud’a ki d’uwar matna a tche.

Matiye 11:5

Suma duka a nga we, suma dileîd’a a nga tid’a, suma libina a nga yak keyo, suma ngela a nga huma, an nga ni tchol suma matna akulo, an nga ni tchi wal Zla d’a Djivid’a mi suma hohoud’a mi.

Matiye 12:22

Bugola, a mbamï sama duk ma ad’enga ki sed’em á de zlad’a woina, kayam mam nga ki muzuk ma tchona kurumu. Jesus mi sud’umu. Sa máma nde mi de zlad’a, iram mal lei mi.

Matiye 21:14

Suma duka ki suma dileîd’a a mba gevem kur gong nga kud’ora hAlonid’a, mi sud’uzi mi.

Wana ni Zla d’a Djivi d’a Luc mi b’irita 1:64

Ata yi máma na wat, Zakari vunam mal leyo, nga mi de zlad’a, nga mi gile Alona ki delem akulo.

Wana ni Zla d’a Djivi d’a Luc mi b’irita 11:14

Jesus nde mi dik muzuk ma tcho ma mbut sana ndumîd’ina woyo. Kid’a muzuk ma tchona mi nde woi dad’a, ma ndumî máma nde mi de zlad’a; ablau suma a le atchap.

Sunda hi suma a sunuzinid’a 3:2

Wani sana nga, ni ma a vud’um ki gugutud’ina, a nga hlum a tinim kä avun gong nga kud’ora hAlonid’a teteu go ki vun agrek ma a yum ala Vun agrek ma djifâ na, kayam mi tchen he d’a hawad’a abo suma a nga kal kurutna.

Sunda hi suma a sunuzinid’a 8:7

Kayam muzuk ma tcho ma nga kur sumina, mi buzuk kei kur suma ablaud’a ki tchina. Suma gugutud’a ablaud’a ki suma dileîd’a a tchol akulo.

Kolos-sâ 3:16

Ar zlad’a hi Christ-sa ki ndjondjoî mata ti kak kurugi ngola, ar agi had’agi tagiya, agi gigid’egi tagi ki ned’a pet ki giled’a ki sawala hAlonid’a ki sawala hi Muzuk mamid’a mi. Ar agi gilegi Alona ki sawala kurugi mi.

Vama ndum mbeina 22:1

Malaikana mi tagan mbiyo alum ma ari ma nga mi wile d’igi kristala na na, nga mi djangî ata zlam mba amula hAlonid’a ki d’a hi Gor timinid’a,

Vama ndum mbeina 22:17

Muzu’â hAlonina katcha d’a telet awilid’a a dala: Ang mbeya! Sama huma, mi dala: Ang mbeya! Sama vunam sona, ar mi mbeya; sama min mbiyo ma arinina, a mba humzi ni hawa.