Isai 35:2 - Bible azumeina

² B’od’a mba d’i nguyum kä, mba mi le furîd’a, mba mi hle sawal la bangâna ki hur ma hapma. Ma didina mba mi hum subura hi Liban-nda, mba mi hum djifâ hi Karmel-lâ ki ma hi Saron-na. Suma a mba we subura hi Ma didinid’a ki wiled’a hAlo meinid’a mi.

Isai 35:2 Iomraidhean Croise

1 Sunda Hamuleinid’a 16:33

ar agud’a pet ti le furîd’a avok Ma didina, kayam nga mi djï á ka sariyad’a yam andagad’a.

1 Sunda Hamuleinid’a 27:29

Sitrai ma Saron-na ni ma ngol ma yam suma a pol amuzlei suma a nga te hatna Saron-na. Safat Adelai goroma ni ma ngol ma yam suma a nga pol amuzleina woi abagei kur horina.

1 Sunda Hamuleinid’a 5:16

Azi ka’î Galät yam ambas sa Basan-nda kur azì ma nglona ki ma gurei ma nguyuma ki yima ngui Saron-na gak i avun haga mazid’a.

Sawal la giled’a 50:2

Siyon nazì ma djif ma kal teglesâ; Alona nga mi wileï kuru.

Sawal la giled’a 72:16

Ambas mamba mba d’i wul awuna heî, agu ma yam ahuniyôna mba mi hô kä ki vuta d’igi agu ma Liban-na na. Suma a mba zul kur azina d’igi asuna nga mi zul na mi.

Sawal la giled’a 72:19

Ei gilei simiyêm ma subura gak didin! Ar subur mamba ti oî yam andagad’a pet! Amin! Amin!

Sawal la giled’a 89:12

Akulod’a ni manga, andagad’a ni manga mi, duniyad’a ki zlat pet kahle suma kurutna pet, ni ang ba, tinit ad’ud’u.

Sawal la giled’a 97:6

Akulod’a nga d’i de woi yam d’ingêr mamba, suma yam andagad’ina pet a nga we subur mamba mi.

Buzuk ka Abud’a 16:7

Avin yorogo agi mba wagi subura hi Ma didinid’a, kayam mi hum gureî d’a agi nga guruyôgi kamba, kayam ami ni nge ko ba, agi guruyôgi kami ge?

Sawal la kal teglesa 2:1

An ni b’o d’a Saron-nda, an ni tamas sa kur horid’a.

Sawal la kal teglesa 7:5

Dele’î d’igi gong nga ndjol la fiyak ka a yat ala sï ahlo’â d’a na. Ira’î d’igi apo d’a Hesbon nda go ki vun agrek ma Bat-Rabim-ma na mi. Atchina’î d’igi gong nga ndjol la fiyak ka Liban nda salat ma ndjola nga mi gol sä woi abo ma Damas-sid’a na mi.

Isai 25:9

Kur bur máma a mba dala: Alo meina ba wana, ni mam ba, ei tini huri kamu. Ni mam ba, mi sud’iya. Ni Ma didina ba, ei tini huri kamu. Ar ei lei hur ma hapma, ar ei lei furîd’a yam sut mamba mi!

Isai 27:6

Kur atchogoi d’a nga d’i mbad’a, suma hi Jakob-ma sideyezi mba mi sir kä, Israel-lâ a mba tchuk grona a mba b’o, a mba oî yam andagad’a ki vud’uziya.

Isai 32:15

Wani bur tu Ma didina mba mi voï Muzuk mama kei kä. Hur fulâ mba mi mbut nandaga d’a a pagu ma vuta kuad’a, mba mi mbut nagu d’a ndindika mi.

Isai 33:9

Ambasa ti nga kur yor tad’a ki hur ma wurana, Liban ti mbut zulona, ti tchuk susub’ok, Saron ti mbut ni d’igi hur fulâ na. Basan ki Karmel agu mazid’a humat yak keyo.

Isai 35:10

Ni hina ba, suma Ma didina mi tchuguzi akulona a mba hulongîya, a mba mba kur Siyon ki sawal la bangâna avunaziya, a mba le furîd’a gak didin. A mba le hur ma hapma, a mba aî mi. Hur ma wurana ki zam tad’a a mba kal leyo.

Isai 40:5

Subura hi Ma didinid’a mba d’i nde woyo, suma pet a mba wad’u, kayam Ma didina mi de zlad’a ki vunam da’.

Isai 40:9

Agi suma Jerusalem-ma, agi djagagi akulo yam ahina d’a fiyaka, agi suma Siyon-na, agi dagi zlad’a ki delegi akulo kad’engêgi pet, kayam a hagi zla d’a djivid’a abogiya. Ar agi lagi mandarâ á dat tei d’i. Agi dagi mi suma kur azì ma nglo ma Juda-na ala: Gola! Alo magina wana!

Isai 41:19

An mba ni pagu sedrena, agu kasiyana, agu mirtena kagu olifâ hur fulâ, an mba ni pagu siprena, agu pêna kagu buisâ ata yima gangrasâ,

Isai 49:13

Ndak akulod’a, ndak er ad’uk akulo ki furîd’a; ndak andagad’a, ndak le hur ma hapma; agi ahuniyôna, agi eregi ad’ugi akulo, agi ayâgiya, kayam Ma didina mi b’leng wa hur sum mama, mi wazi wa hohowozi kur ndak mazid’a mi.

Isai 6:3

A nga er ad’uzi akulo aduk tazi ala: Ma bei tchod’a, Ma bei tchod’a, Ma bei tchod’a ni Ma didina Alo ma ad’engêm kal petna! Subur mamba ti oî yam andagad’a pepet.

Isai 60:13

Subur ra Liban-nda pet kagu siprena kagu pêna kagu buisâ, ki zla tazi pet a mba mba avo hatak á he ngola mi yi man ma an tinim iram vama. An mba ni subur yima an tin asen kuana mi.

Isai 60:19

Nafata ba, mba d’i b’o kak falei d’i; ni tilâ ba, mba mi b’o kak kuo mi. Ni Ma didina ba, mba mi b’o kak burâ ki burâ, Alo ma’â mba mi mbut ni subur maka.

Isai 60:21

Sum ma’â pet a mba mbut ni suma d’ingêra, a mba kak kur ambasa gak didin. Azi nagu ma an puma, ni sun nda an lat kabon á le sun nda yam subur mandid’a mi.

Isai 61:3

á b’leng hur suma a nga kur Siyon suma a yor tazina, á hazi avaval la furîd’a balum butna, á hazi mbul ma furîd’a balum b’oud’a, baru ma subura yam huruzi ma b’la’â tala a yazi ala Azi nagu ma Ma didina mi pum kur asinem á suburumu d’a.

Isai 66:10

Agi pet suma a lagi katna, agi lagi furîd’a ki Jerusalem, agi mbud’ut ni vama agi lagi furîd’a kama. Agi pet suma nga yorogi tagi katna, agi lagi furîd’a ki sed’et mi.

Isai 66:14

Agi mba wahle ndazina, agi mba lagi furîd’a kaziya, asogogi mba mi hulong fad’enga d’igi asuna na. Ma didina mba mi tak ad’eng mamba woi mazungeî mama, wani mba mi tak ayî mam ma bibiliuna woi mi mam suma djangûna.

Wana ni mbaktumba hi Oze-d’a 14:5

An mba ni mbut kazi ni d’igi mbad’ïd’a na, azi mba b’o d’igi tamasa na, sideyezi mba mi sir kä d’igi agu ma Liban-na na mi.

Habakuk 2:14

Kayam andagad’a pet mba d’i oî ki wed’a hi Ma didin ma subura, d’igi mbiyona mi oî kur alum ma ngolâ na.

Zakari 10:7

Suma Efraim-ma a mba mbut ni grang suma durâ, a mba le furîd’a kuruzi krovo d’igi suma a le furîd’a ki süm guguzlud’a na. Grozina a mba we, a mba le furîd’a, a mba le furîd’a kuruzi krovo yam an Ma didina.

Jean 12:41

Isai mi de zla ndata hina, kayam mi we subura hi Jesus-d’a, mi de kam mi.

Jean 17:24

Abunu, an min ala suma ang handjina a kak ki sed’en ata yima an mba ni kak kuana, kayam azi we subur man nda ang suburun ki d’a, kayam ang le kan avok dei bei ad’u tinda hi duniyad’id’a.

Sunda hi suma a sunuzinid’a 9:35

Suma pet suma a nga kaka kur Lida ki yima papan ma Saron-na a wumu, a he gagazid’a yam Salad’a mi.

Romê-na 10:15

Le a sun suma d’uo ni, a mba tchi wala ni nana ge? D’igi mbaktumba hAlonid’a ti de na ala: Suma a mba ki Zla d’a Djivid’ina djivid’a kaziya.

Romê-na 15:10

Ti de kua ala: Agi andjaf suma dingâ, agi lagi furîd’a zlapa ki suma Alona mi manazina.

2 Korente-na 3:18

Wani ei suma a yoi baru d’a ka ira woi ireina, ei nga golei subura hi Ma didinid’a, ni d’igi sana mi gol iram kur kotroma na. Muzu’â hi Ma didinina nga mi mbud’i dedege d’igi Ma didina na kur subura kam kua kam kua kala.

2 Korente-na 4:6

Kayam Alo ma dala: Ar b’od’a ti b’o kur nduvunda na, ni ma nga b’o kuri kayam ei wei subura hAlona d’a nga d’i b’o avok Christ-sa.

Josue 19:26

Alamalek, Amat ki Misal. Ti tinï Karmel ki Sihor-Libinat abo ma fladegena,

Vama ndum mbeina 21:23

Azì máma nga mi min afata d’oze tilâ á b’o kurum mbi, kayam subura hAlonid’a nga d’i b’o kurumu, Gor timina ni lalam mamba mi.