Isai 35:10 - Bible azumeina

¹⁰ Ni hina ba, suma Ma didina mi tchuguzi akulona a mba hulongîya, a mba mba kur Siyon ki sawal la bangâna avunaziya, a mba le furîd’a gak didin. A mba le hur ma hapma, a mba aî mi. Hur ma wurana ki zam tad’a a mba kal leyo.

Isai 35:10 Iomraidhean Croise

Sawal la giled’a 107:2

Ar suma Ma didina mi prud’uzi woina a de na! Ar suma mi prud’uzi woi abo mazi suma djangûna,

Sawal la giled’a 126:2

Ata yi máma siyami nga ngad’a woi ki sanda hina ges, ami nga hlami sawal la bangâna ki furîd’a mi. Andjaf suma pet a nga dala: Ma didina mi lahle suma ndandalâ ki sed’eziya!

Sawal la giled’a 126:5

Suma a nga zar ki simina irazina, a mba ze ki sawal la furîd’a.

Sawal la giled’a 14:7

Ni nge ba, mba mi mba ki suta yam Israel-lâ kur Siyon nge? Fata Ma didina mba mi hulongôzï woi kur magombid’a, ata yi máma andjafâ hi Jakob-ma mba mi le furîd’a, Israel-lâ a mba le hur ma hapma.

Sawal la giled’a 51:8

Wani vama ang minim ata sanina ni ge yam mba kä ki gagazid’id’a. Kur djib’er man nda kurun krovod’a an min ala ang tagan ned’a.

Sawal la giled’a 84:7

Ata yima azi nga kal kur hor ra Baka-d’ina, ti mbut hor ra djang mbina avoroziya, alo ma hod’ogeid’a mi mbud’ut ni yima a b’e vuna kama.

Isai 1:27

Ma didina mba mi prut Siyon ndei ni fata ti tit yam d’ingêrid’a, mam mba mi sut suma kurutna woi ni fata a mbut huruzi yam tcho mazid’id’a mi.

Isai 25:8

Mba mi b’lak matna woi ki iram fafat. Salad’a Ma didina mba mi set sumina woi ir suma pet, mba mi b’lak ahle suma zulo suma a nga le sum mamina woi pet. Gagazi, Ma didina mi de na.

Isai 30:19

Agi suma Siyon suma nga kaka Jerusalem-ma, agi mba tchigi d’uo d’a. Fata agi yumba, mba mi vagi sumad’a! Ata yima mba mi hum tchi maginina, mba mi hulongôgi humba mi!

Isai 35:2

B’od’a mba d’i nguyum kä, mba mi le furîd’a, mba mi hle sawal la bangâna ki hur ma hapma. Ma didina mba mi hum subura hi Liban-nda, mba mi hum djifâ hi Karmel-lâ ki ma hi Saron-na. Suma a mba we subura hi Ma didinid’a ki wiled’a hAlo meinid’a mi.

Isai 41:14

Agi Israel suma hi Jakob-ma, agi suma suma a gologi d’igi ndjuvul ma gorâ na na, agi suma suma a mired’egi kä d’igi ndjuvulâ na na, agi lagi mandar ri! An tan nga ni mba á ndjunugiya! An Ma didin ma tin tan irat vat kagi Israel-lîna, ni dala: An nga ni hle zla magid’a hur abonu.

Isai 41:16

Agi mba sirizi woyo. Simetna mba mi siraziya, mbirlimba mba d’i ndjoyôzi woi mi. Wani agi mba lagi furîd’a kan an Ma didina, agi mba suburugi tagi kan an Ma tin tan irat vat kagi Israel-lîna mi.

Isai 60:20

Afat maka mba d’i nik ki, til ma’â mba mi kal nduvun nduo mi, kayam Ma didina mba mi mbut ni b’o maka burâ ki burâ, bur mak ma yor tad’a mba mi kal lei mi.

Isai 61:7

Yam zulo ma lagina a mba wuragagi ahlena mbàmbà, agi mba lagi furîd’a balum mang nga a mangâgi woid’a. A mba wuragagi ahlena mbàmbà kur ambas magid’a; furî d’a didinda ti mba d’i arî magid’a.

Isai 65:18

Wani agi lagi ni furîd’a, agi lagi ni hur ma hapma burâ ki burâ yam ahle suma an nga ni lazina. An nga ni le Jerusalem ni yam hur ma hapma, sum matna ná le furîd’a mi.

Isai 65:19

An mba ni mbut Jerusalem hur man ma hapma, sum mana ni furî manda mi. A mba hum siwela hi tchina d’oze wulula kurut tuo mi.

Isai 9:3

Kayam djuk ma kelezina, ki totogo d’a a tozi pepelezi ki d’a, ki tatatagam ma a nga djobozi ki vunazina, ang kuzuzi woi d’igi ang b’lak suma Madiyan-na woi adjeu na.

Jeremi 30:19

Suma abuna a mba hum sawal la mersid’a ki del la furîd’a adigagiya. Agi andjafâ hi Jakob-ma, agi mba feyêgi d’i, kayam an mba ni zulugi ablaud’a; sa mba mi gologi is suo d’a, kayam an mba ni hagi ngola.

Jeremi 33:11

sawal la hur ma hapma ki sawal la furîd’a. A mba hum sawala hi ma tel atchad’a awilina ki sawala hi d’a a telet awilid’a kur ambas sa wanda. A mba hum dela hi suma a hle sawal la wandina ala: Agi gilegi Ma didin ma ad’engêm kal petna, kayam Ma didina ni ma djivina, kayam o mamba nga d’i dap pi. A mba hum dela hi suma a nga hahle suma ngat buzu suma le mersid’ina kur gong man nda kud’ora. Kayam an mba hulongî ki suma a yozi magomba kur ambas sa wandina, an mba ni kagazi blangâzi d’igi adjeu deid’a na. An Ma didina ni de na.

Matiye 20:28

Hina mi, an Gor Sana ni mba nala suma a lan sunda d’i, wani an tanda ni mba ná le sunda mi suma, ná he tan á matna á wurak yam suma ablaud’a mi.

Jean 16:22

Hina mi, ki tchetchemba, agi nga ki hur ma wurana. Wani an mba ni hulongî á gologi kua, agi mba lagi hur ma hapma. Sama mba mi walagi woi ki furî magid’ina nga d’i.

1 Timote 2:6

Ni Ma he tam vama wuraka yam suma pet á le glangâs zla ndata ata yima a ngama ala Alona min suma pet a fe suta.

Jude 1:21

Ar agi vagi tagi kur od’a hAlonid’a á djubugi Saleina Jesus Christ ki djivi mamba á hagi ari d’a didinda.

Vama ndum mbeina 18:20

Ndak akulod’a, agi suma a tinigi iragi vagi mAlonina ki suma a sunuzina ki suma djok vun Alona, agi lagi furîd’a yam b’lak mamba, kayam Alona mi kam wa sariyad’a kam kayam sun nda tcho d’a mam lagizid’a.

Vama ndum mbeina 21:4

Mba mi sed’ezi simina irazi woi pet. Matna mba tchazi d’i, azi mba yor tazi d’oze a tchi tchi ma hohoud’a d’i, ta d’a ted’a nga d’uo mi, kayam ahle suma adjeuna pet a kal wa woyo.