Isai 34:7 - Bible azumeina

⁷ Avünda kamuzleina kamuzlei digilina a mba puk kä ki sed’eziya, andagad’a ti mba d’i ka guruta abo buzuna, andaga d’a gugud’upa ti mba d’i ras ki mbulâ mi.

Isai 34:7 Iomraidhean Croise

Sawal la giled’a 22:21

Ang sud’un ndei avun mbuguyo mazi suma fuyogeina, ang sud’un ndei avun adurei ndazina,

Sawal la giled’a 68:30

Ang nga tamula kur gong mang nga Jerusalem-mba; amuleina a mba á hang he d’a hawad’a.

Sawal la giled’a 92:10

Ma didina, gola! Mang suma djangûna pet a mba ba woyo, suma bei d’ingêra a mba b’rau woi yayak mi.

Isai 63:6

Kur ayî mana an miret suma kä kasenu, an gurud’uzi woi kayî man ma bibiliuna, an vozi buzuwazi kä woi andaga mi.

Jeremi 25:34

Agi suma pola, agi tchagi wulula, agi suma avok tumiyônina, agi bululugi kä aduk butna. Kayam bur ma a ngad’agi kuana, d’oze bur ma a ndjoyôgi woi kuana mi mba wa, kayam an mba ni togi woyo, agi mba galalagi woi d’igi dei ma guzum kal teglesâ na.

Jeremi 46:21

Azigar suma le sun nda beged’a mi Ezipte-na a nga kurut d’igi gor amuhl ma d’orâ na, wani a hulong kazigaziya, a ring ki zla tazi pet, a tchol nga ad’enga ngingring ngi. Kayam bur mazi ma b’laka mi mba wa kaziya, ni yima an Alona ni ngobozi kuana.

Jeremi 50:11

Agi suma hurumugi sum manina, djiviya, agi kagagi ki furîd’a, agi ayâgiya, agi dubaragi d’igi amuhl hla wei d’a afefeta na, agi togi breîd’a d’igi akulumei suma sib’ika na.

Jeremi 50:27

Agi yogi amuzlei mazi suma digilina, agi igi ata yima ngata, agi tchazi woi pet. Ni zla d’a hohoud’a kaziya, kayam bur mazina mba wa, ni yima an ngam kazi á ngopina.

Ezekiyel 32:6

An mba ni djangâng buzuwang kä woi yam andagad’a, mba mi hlup yam ahuniyôna, mba mi oî kur hora mi.

Ezekiyel 39:17

Salad’a Ma didina mi dan kua ala: Ang gor sana, ang yi andjaf aluweina teteng kambureina, ang dazi ala: Agi tchologï ata yina teteng, agi mbeyegïya, agi togogï ka hî á tagi va man ma ngat buzu ma an tanda ni ngad’am kagina. Ni vama ngat buzu ma ngol ma yam ahuniyô suma Israel-lîna! Agi mba mud’ugi hliuna, agi mba tchagi buzuna mi.

Ezekiyel 39:18

Agi mba mud’ugi hliwa azigar suma gangrangâ, agi mba tchagi buzuwa suma nglo suma yam andagad’ina. Azi ni d’igi gamlâna ki gro tumiyôna ki mbekmberena kamuzlei suma d’or suma yam andaga d’a Basan-nda suma a ngad’azi buzunina na.

Ndumba 23:22

Alona mi buzuguzï woi kur Ezipte, mam kazi ni d’igi ad’enga havündid’a na.

Ndumba 24:8

Alona mi buzuguzï woi kur Ezipte, mam kazi ni d’igi ad’enga havündid’a na. A nga kizak andjaf mazi suma djangûna woyo, a nga kuzuzi asogozi woi ndjondjom, a nga yed’ezi ki yeû mazid’a mi.

Gat ta a hat á mbàd’id’a 33:17

A he ngola mi Josef! Mam mi ma ad’enga d’igi gor amuhlâ na na, ma d’igi avün ma avok dedeina na na. Mi nga kadif ma ad’engâ kam mbà, nadif ma mam mba mi tchok kandjaf suma, mba mi digizi gak mi izi avun dabid’a handagad’id’a. Adif ma tuna nablaud’a hi Efraim-mba, adif ma dingâ ni branga hi suma dudubuna hi Manase-nina mi.