Isai 34:6 - Bible azumeina

⁶ Mbigeu mamba ti nga tchora ki buzuwazi d’igi buzuwa gro tumiyôna ki buzuwa mbekmberena suma a ngad’azi buzunina na, mbuluzi nga b’ala atat d’igi mbul ma yam b’orozom gamlânina na mi. Kayam Ma didina mi ngat buzuna kur azì ma ngol ma Bosra-na kur ambas sa Edom-mba. Ni mat ma tchi ma tcho ma kal lei nde na.

Isai 34:6 Iomraidhean Croise

2 Samuel 1:22

Suma a duruzi mbuleinina, buzuwazi mi djang ngeyo, suma gangrangâ mbuluzi mi puk keyo, kayam yeûd’a hi Jonatan-nda nga d’i kal mblok ki, kayam mbigeu d’a fiyaka hi Saul-la nga d’i ba hawa d’uo mi.

1 Sunda Hamuleinid’a 1:44

Bela mi mid’a; Jobap Zera ma Bosra-na goroma mi vrak tamula blangâmu.

Sawal la giled’a 137:7

Ma didina, ang djib’er yam suma Edom suma kur bur ma a b’lak Jerusalem-ma a dala: Tot kä woyo! Tot kä woi gak ad’ut ta ged’a na.

Isai 29:2

Ma didina mi dala: An mba ni lang ang Ariyel ndaka. Suma a mba yor tazi kurungû, a mba zam tazi kurung mi. Ang azì ma ngol máma, ang mba mbut iran ni d’igi yima ngal ahle suma ngat buzu ma a yum ala Ariyel-lâ na.

Isai 34:5

Gola! Mbigeud’a hi Ma didinid’a ti ndeï woi kur akulod’a. Nga d’i ka suma Edom suma Ma didina mi kazi sariyad’a kazi á dabazi woina.

Isai 63:1

Ni nge ba, mi tcholï Edom kur azì ma ngol ma Bosra-na ki baru d’a hleud’a ki baru d’a wiled’a atam nga mi tit ki subur tad’a kad’engêm pet na ge? Ni an Ma didin ma nga ni de zla d’a gagazid’ina, ni an ma nga kad’enga á sut sumina.

Isai 63:3

Ni an tu ba, ni miret guguzlud’a ata yi mat ma mireta. Sa aduk sum mana sa mi nga ki sed’en ndi. Kayam ndata, kur ayî mana, an mired’ezi kä, an ndjirebezi woi kur ayî man ma bibiliuna, buzuwazi mi yam ata baru mana, mi tub’ak ata baru mana pepet mi.

Isai 65:12

an nga ni hagi woi avun ayîna. Agi pet mba grivigi kä á ngad’agiya, kayam an yagiya, wani agi hulongôn nga humba d’i, an dagi zlad’a, wani agi humugi nga d’uo mi. Wani agi lagi ni sun nda tchod’a avoronu, agi managi ni vama tan lan nga djivi kam mbuo na mi.

Jeremi 12:12

Suma b’lak yina a nga djï yam ahuniyô suma fuyogei suma va nga kazi d’uo na, kayam mbigeu d’a fiyaka hi Ma didinid’a nga d’i kizak suma kur ambasina, tinï ad’ud’a avun ambasa abo hî dei gak nde woi avun ambasa abo hî. Sama kak ki halasina nga tu d’i.

Jeremi 25:34

Agi suma pola, agi tchagi wulula, agi suma avok tumiyônina, agi bululugi kä aduk butna. Kayam bur ma a ngad’agi kuana, d’oze bur ma a ndjoyôgi woi kuana mi mba wa, kayam an mba ni togi woyo, agi mba galalagi woi d’igi dei ma guzum kal teglesâ na.

Jeremi 46:10

Wani bur máma ni burâ hi an Salad’a Ma didin ma ad’engên kal petna. Ni bur ma an mba ni sä atchugulun ki man suma djangûnina. Mbigeu d’a fiyaka mba d’i kizak suma gak ti ndak vat ndak, mba d’i tchazi buzuwazi mi, kayam an Salad’a Ma didin ma ad’engên kal petna, ni ngad’azi ni d’igi vama ngat buzuna na yam ambas sa abo ma norâ d’a avun alum ma Efrat-nid’a.

Jeremi 49:13

An Ma didina, ni gun tan ki an tanda ala azì magi ma ngol ma Bosra-na mba mi mbut ni vama hohoud’a, vama ngula, vama b’laka ki vama ge vuna. Azì mam ma nglo ma nguyuma pet mba mi b’la’î b’lak ka didinda.

Jeremi 49:7

Wana ni zla d’a a dat yam suma Edom-mid’a: Ma didin ma ad’engêm kal petna mi dala: Na ni sama ne nga avo Teman nduo zu? Mazi suma de d’alâ a dap pei zu? Ne mazid’a ti b’lak kei mi zu?

Jeremi 50:27

Agi yogi amuzlei mazi suma digilina, agi igi ata yima ngata, agi tchazi woi pet. Ni zla d’a hohoud’a kaziya, kayam bur mazina mba wa, ni yima an ngam kazi á ngopina.

Jeremi 51:40

An mba ni i ki sed’ezi ata yima ngata d’igi a i ki gro tumiyôna na, d’igi a i gamlâna ki mbekmberena na mi.

Ezekiyel 21:10

Suma pet a mba wala ni an Ma didina ba, ni pat mbigeu man nda fiyaka woi kur aziyad’u, an mba ni hulongôt kur aziyat tuo d’a.

Ezekiyel 35:15

Kayamba ndak le furîd’a yam b’laka hi Israel-lid’a, an mba ni le ki sed’e’î hina dedege mi. Ndak ahina d’a Seir-ra, ndak ki Edom pet, agi mba mbud’ugi hohoud’a. Hina wani, agi mba wagi ala an ni Ma didina.

Ezekiyel 35:8

An mba ni sam matna kä yam ahuniyô ma’â. Suma a tchazi ki mbigeu d’a fiyakina a mba puk kä yam yi mak ma ndingâ akulo, kur hor maka kä, kur b’irlim ma’â pepet mi.

Amos 1:11

Ma didina mi dala: Suma Edom-ma a nga i avogovok kur tchod’a wan pî, an mba ni djok vunan yam zla d’a an data d’i. Kayam azi dik b’oziyozina ki mbigeu d’a fiyaka, a we nga hohowa sa d’i, a djulul kayî mazina, a i avogovok ki hur mazi ma zala bei ara ba mi,

Sofoni 1:7

Agi kagagi ki vunagi ma du’â avok Salad’a Ma didina, kayam bur mama mi mba wa go, mi min wa va mam ma ngat buzuna, mi tin wa suma mam yazina irazi vazi mi.

Gat ta a hat á mbàd’id’a 32:14

A te mbul ambir amuhla kambir aho’â zlapa ki mbul tumiyôna ki mbul gamlâ ma Basan-na ki ma hi mbekmberinina. A tawu ma djivi ma kalâ, a tche süm guguzlu d’a gurud’unga.

Gat ta a hat á mbàd’id’a 32:41

An nga ni gur mbigeu man nda fiyaka, ni ligid’et siyat mi ngal wiwilik. An hlabon akulo á ka sariyad’a, an mba ni hlatchugulun ki man suma djangûna, an mba ni wurak suma a noyôna mi.