Isai 33:6 - Bible azumeina

⁶ Wani agi suma hi Ma didinina, agi mba kagagi bei va mi lagi ba. Ned’a ki wed’a ni ndjondjoî d’a sud’ugid’a, le mandara Ma didina ni ndjondjoî magid’a mi.

Isai 33:6 Iomraidhean Croise

2 Amuleina 18:7

Ma didina mi nga zlapa ki sed’emu. Ahle suma mam lazina pet, mi faziya. Mi tchol huneîd’a kamul ma Asiri-na, mi ge nga yam kä ad’um mbuo d’a.

Wana ni mbaktumba hi Job-pa 4:6

Le mandara Alo mang ang nga lum mandarama ni vama ndjunungâ d’uo zu? Tin hur mangâ ni d’engzeng mang nga avok Alonid’a d’uo zu?

Sawal la giled’a 140:7

Ma didina, an nga ni dangû, angî Alo mana, Ma didina, ang tin humang hum tchen man nda hud’a.

Sawal la giled’a 28:8

Ma didina nad’enga hi sum mamid’a, mam mi gulumun ma ad’eng ma sut amul ma mam manama.

Sawal la giled’a 45:4

Ma ad’eng ma dur ayîna, ang djin mbigeu mang nga fiyaka furungû. Ti ta’î subur manga ki haheî manga mi.

Zla d’a d’ogolâ 14:24

Avavala hi suma ned’id’a ni ndjondjoî mazid’a, wani lilid’a hi suma bei wäd’u zlad’a ba na ti arî lilid’a ba ba.

Zla d’a d’ogolâ 14:26

Sama mi le mandara Ma didinina nga mi kak ki halasa, groma a nga fe yima ngeid’a gevem mi.

Zla d’a d’ogolâ 14:27

Le mandara Ma didina ni sidei arid’a á walang ngei ki dauna hi matnina.

Zla d’a d’ogolâ 15:16

Hotei ang kak sama houd’a á le mandara Ma didina, kal la ang kak sama ndjondjoîna ang kak kur djib’era burâ ki burîd’a.

Zla d’a d’ogolâ 19:23

Le mandara Ma didina mi i ni sana kur arid’a; mam mba mi kak ki djivid’a, vama tcho mba mi tchila avo hatam mbuo mi.

Zla d’a d’ogolâ 2:5

ata yi máma ang mba we á le mandara Ma didina, ang mba fe lovota á wAlona mi.

Zla d’a d’ogolâ 28:2

Le huneîd’a nga kur ambasa ni, suma te katna a nablaud’a, wani le ni ki sama wäd’u ma wed’a tu ni, ti mba d’i i avogovogo.

Zla d’a d’ogolâ 29:4

Amul ma nga mi ka sariya d’a d’ingêrina, mi min nambasa, wani ma nga mi ve he d’a hawa d’a mbut irina, mi b’lagat ni b’laga.

Ma tchi wala 7:12

Ned’a ti nga d’i ngom sana d’igi beged’a ti ngom sana na; djivid’a a we ned’a, kayam ti nga d’i i suma nga ki sed’etna buruzi avogovogo.

Ma tchi wala 7:19

Ned’a nga d’i had’enga mi sama ned’a kal suma dogo suma a nga te yamba kur azì ma ngol ma tunina.

Isai 11:9

Mba mi le vama tcho d’oze mi b’lak va yam ahina man nda an tinit irat vata d’i, kayam wed’a hi Ma didinid’a mba d’i oî yam andagad’a d’igi mbina mi oî hur alum ma ngolâ na mi.

Isai 26:1

Kur bur máma a mba hle sawal la wanda yam andaga d’a Juda-d’a, a mba dala: Ami nga kazì ma ad’eng ma ngunguna á ndjunumiya. Ma didina mi ge gulumuna kamu, mi hulong mi ge gulumuna kam kua.

Isai 32:17

D’ingêra mba d’i mba ki halasa, ti mba d’i mba ki tchugota ki tuk tad’a gak didin mi.

Isai 32:18

Sum mana a mba kak ki b’leng nga halasa, a mba kak bei va lazi ba, a mba kak kur yima kak ma tchugotna mi.

Isai 33:20

Ang mba we Siyon azì mei ma ngol ma lü vun tilâ, ang mba we Jerusalem kur bur ma halasâ ni d’igi zlub’u d’a a mba djogot tei d’uo d’a tcheble matna a mba pad’am mbei d’oze ziyo matna a mba bud’um mbei d’uo mi d’a na.

Isai 45:17

Wani agi Israel-lâ, ni yam Ma didina ba, agi fagi suta, ni sut ta didinda. Agi mba mbud’ugi zulona d’i, agi mba tchugugi susub’ok kuo mi gak didin.

Isai 51:14

Ar hina nde, ma nga djinda kä kur dangeinina, a mba gum akulo; mba mi mit kur gong nga nduvunda dangeina d’i, tena mba mi kid’agam mbuo mi.

Isai 51:6

Agi hlagi iragi akulo. Bugola, agi gologi iragi kä yam andagad’a. Kayam akulod’a mba d’i val lei d’igi andosâ mi val lei na, andagad’a mba d’i wak kei d’igi baru ma tumusa na, suma a nga kaka katna a mba bo woi d’igi arona mi bo woi na, wani sut manda mba d’i kak didin, d’ingêr manda mba d’i dap pei d’uo mi.

Jeremi 31:34

Sa mba mi dok hat ndram mboze mba mi de wiyema ala: Ang we Ma didina na nga d’i, kayam azi pet a mba wanu, tin ad’ud’a ata suma yâna dei gak mba yam suma gangrangâ. An Ma didina ni de na. Kayam an mba ni vat hurun ndei yam tchila mazid’a, an mba ni djib’er yam tcho mazid’a d’uo d’a.

Habakuk 2:14

Kayam andagad’a pet mba d’i oî ki wed’a hi Ma didin ma subura, d’igi mbiyona mi oî kur alum ma ngolâ na.

Matiye 6:33

Wani ar agi halagi leud’a hAlonid’a ki d’ingêr mamba avok tua. Hina wani, Alona mba mi hagi ahle suma a arâ kam kua.

2 Korente-na 6:10

A nga golomi ni d’igi suma a nga yor tazi na, wani ami nga ayâmi teteu. A golomi ni d’igi suma houd’a na, wani ami ni suma a nga mbud’umi suma ablaud’a suma ndjondjoînina. A golomi ni d’igi suma a nga ki va d’uo na na, wani ami nga kahlena pet.

1 Timote 4:8

Sun nda teteng nga yam hliu tad’id’a, djivi mata nakid’eid’a. Wani sun nda le d’a kur lovota hAlonid’a djivi mata ti kal ngola, kayam vun ma hled’a nga kua yam ari d’a tchetchemba ki d’a nga d’i mbad’a mi.

1 Timote 6:6

Wani he gagazi d’a yam Alona ki hur ma tunid’a ni mbiyo ma fe ma kal teglesâ.