Isai 33:23 - Bible azumeina

²³ A but ziyo ma’â woi da’, a nga ve ziyo ma kak akulo ata agunina kä ngingring nguo d’a, a nga b’eng barud’a woi akulo kak kuo mi. Ata yi máma a mba b’rau ahle suma ablau suma a hurumuzï avun ayînina, suma dileîd’a pî a mba fe b’rau mazid’a kur ahle ndazina mi.

Isai 33:23 Iomraidhean Croise

2 Amuleina 7:16

Ata yi máma suma Samari-na a i kur kang ma suma Siri-na a aram mbeina, a hurum ahlena d’igi Ma didina mi de na ala: A mba gus afuta kilona dogo yam mbà d’oze awu orsâ kilona dok mbà yam fid’i ir bege d’a hapa tu.

2 Amuleina 7:8

Suma libi suma fid’i ndazina a mbaza avun kangâ, a kal kur zlub’ud’a tu, a fe tena, a te a tche mi, a yo kawei ma hapma ki lora ki baruna, a i ngeyezi sä woyo, a kal kur zlub’u d’a dinga, a yo andjaf ahlena teteng, a i ngeyezi sä woi mi.

2 Sunda Hamuleinid’a 20:25

Josafat ki sum mama a nde hurum ahlena hi sum ndazinina, a fahlena ablaud’a, ahle suma djivina kahle suma guzuzi kal teglesâ, a yo ahlena baba. Azi ndak á yozi pet ti, a le burâ hindi kur yod’a, kayam ahle ndazina a kal ngola heî.

Sawal la giled’a 68:12

Salad’a mi he vuna; arop suma sunda ablaud’a a tchi wal zla ndata woi mi.

Sawal la giled’a 68:13

A dala: Amuleina ki b’rang mazid’a a ringâ. A ringâ, wani atcha d’a ti ar kaka avo hurazinid’a, ti nga d’i b’rau ahle suma a hurumuzïna.

Isai 33:1

Ni zla d’a hohoud’a yam ang ma b’lak suma dingâ bei sa mi b’lagang ang ba na, yam ang ma nga mbut ir suma dingâ bei sa mi mbud’ung ang irang ba na. Fata abong dap á b’lak suma dingîd’a, a mba b’lagang ang mi. Fata ang ar bei mbut ir sumid’a, a mba mbud’ung ang irang mi.

Isai 33:21

Ni kua ba, Ma didina mba mi tagei ngol mamba. Ni kua ba, a mba feï alum ma gureina kalum ma bendenga, ni yima bato d’a ayîna nga d’i kal kua d’oze bato d’a a djangât ki praunid’a nga d’i kal kua d’uo mi na.

Isai 33:4

Agi andjaf suma, a mba b’lagagi ahle magi suma agi hurumuzina d’igi djera ti b’lak ahlena woi na. A mba b’at tazi kazi d’igi djera ti b’at tat á tahlena na mi.

Isai 35:6

Suma dileîd’a a mba pir akulo d’igi dugiyona na, suma ndumîd’a a mba de zlad’a woi ki furîd’a, kayam mbina nga mi djang iram hur fulâ, toliyonda nga d’i djang irat abo ma Araba-na mi.

Ezekiyel 38:13

Suma Seba-na ki suma Dedan-na ki suma mbut abozi suma Tarsis-sâ ki suma a nguyuzina pet a mba djobong ala: Ang mba ná yo ahlena zu? Ang tok azigar ndazina ná hurumba, ná yo kawei ma hapma ki lora ki d’uwar mazina ki ndjondjoî mazid’a á oî ahlena abong ngola zu?

Sunda hi suma a sunuzinid’a 27:19

Kur bur ma hindina, azi pat ahlena hi batod’ina, a tchuguzi woi kaboziya.

1 Korente-na 1:27

Wani Alona mi man ni suma suma kur duniyad’a a nga golozi ala ni suma lilid’a na á mbut suma ned’a zulona. Mi man suma suma kur duniyad’a a nga golozi ala ni suma amangeîna na á mbut suma ad’engâ zulona mi.

1 Samuel 30:10

David mi i ki suma ad’um kikis fid’i; suma kikis mbàna a ar nga kä woyo, a seî heî, ad’engêzi d’a djak toliyonda nga d’i.