Isai 33:22 - Bible azumeina

²² Ma didina ni mei ma ka sariyad’a, ni mei ma dei gatina, namul meina, ni ma sud’ina mi.

Isai 33:22 Iomraidhean Croise

Ad’u Tinda 18:25

Ang nga ki djib’er ra hina d’a á tchi suma d’ingêrâ zlapa ki suma tchona d’i? D’oze suma d’ingêrâ a ndak á mbut suma tchona d’uo hina d’uo zu? Ang Ma ka sariyad’a yam suma petna, mbeî ang mba ka sariyad’a ndak á le vama d’ingêrâ d’uo zu?

Nehemi 10:14

Suma avok sumina simiyêzi ba wana: Paros, Pahat-Mowap, Elam, Zatu, Bani,

Sawal la giled’a 44:4

Azi hlambasa nga ni ki durâ d’i, azi kus ayîna nga ni kad’eng mazid’a d’uo mi. Wani ni kad’eng manga, ang tin irang kaziya, kayam me ang hurung vaziya.

Sawal la giled’a 44:5

Alo mana, angî amul mana, ni ang ba, had’enga mi sum mangâ á kus ayîna.

Sawal la giled’a 50:6

Ar akulod’a ti tak d’ingêr mamba woyo, kayam mam mi ma ka sariyad’a. Tchol ndjö

Sawal la giled’a 74:12

Alo mana, angî amul ma kad’u tinda dedeina, angî ma prut suma woi avun ayîna yam andagad’ina.

Sawal la giled’a 75:7

He ngola mi sanid’a nga d’i tcholï nabo ma yorogona, d’oze abo ma fladegena, d’oze abo ma hur fulîna d’uo mi.

Sawal la giled’a 89:18

Kayam angî ad’eng mazi d’a kal papad’a. Ni yam suma manga ba, ami nga suburumi tamiya.

Sawal la giled’a 98:9

avok Ma didina, kayam nga mi djï á ka sariyad’a yam andagad’a. Mba mi ka sariyad’a yam suma kur duniyad’ina ki d’ingêra, mba mi ka sariyad’a yam andjaf suma dingâ ki d’engzeng mamba mi.

Isai 1:10

Agi suma nglo suma b’lagagi woi d’igi suma Sodom-ma na na, ar agi humugi zlad’a hi Ma didinid’a. Agi suma yagi nga kagi d’uo d’igi suma Gomor-râ na na, agi tinigi humagi yam gata hAlo meinid’a!

Isai 11:4

Wani mba mi ka sariyad’a yam suma houd’a ki d’ingêra ki gagazid’a, mba mi we hohowa suma hohou suma yam andagad’ina, zla mam mba ded’a mba d’i mbut ni totogo d’a mi to ki suma yam andagad’ina, mba mi tchi ma asa’atna woi ki fo d’a avunamba mi.

Isai 12:2

Wana nAlo ma sud’una. An mba ni tin hurun kamu, an mba ni le mandara va tu d’i, kayam Ma didina, mam mad’eng manda, ni ma an gilema, mam mi ma sud’una mi.

Isai 16:5

ata yi máma, yam djivi magid’a a mba tin zlam mba amul la ad’enga aduk andjafâ hi David-na. Ma dingâ tu mba mi kak kad’u, mba mi he tam á ka sariyad’a ki d’ingêra, tam mba d’i lum djivid’a yam sun nda irata mi.

Isai 2:4

Mam mba mi mbut ni ma ka sariyad’a aduk andjaf suma, mba mi mbut ni ma min zlad’a aduk andjaf suma ablauna. Mbuguyo mazi suma fuyogeina a mba zlazi sï kowuyona, asubuyo mazina a mba zlazi mbaragumba. Andjaf ma ding mba mi tchol durâ kandjaf ma ding ngi, sa mba mi hat ayî ma dur ruo mi.

Isai 24:23

Tilâ mba mi tchuk susub’ok, afata mba d’i mbut zulona, kayam Ma didin ma ad’engêm kal petna nga mi tamula yam ahina d’a Siyon-nda avo Jerusalem. Subur mamba mba d’i b’o woi ir mam suma nglona.

Isai 25:9

Kur bur máma a mba dala: Alo meina ba wana, ni mam ba, ei tini huri kamu. Ni mam ba, mi sud’iya. Ni Ma didina ba, ei tini huri kamu. Ar ei lei hur ma hapma, ar ei lei furîd’a yam sut mamba mi!

Isai 33:17

Irang mba d’i wamulâ kur subur mamba, ti mba d’i wambasa ki bubu mata pet mi.

Isai 35:4

Agi dagi mi suma tazi tchuk lusâ ala: Agi siragi ngingring, agi lagi mandar ri. Gola! Alo magina nga mi djï á sagi atchugulugiya, á wurak magi suma djangûna yam tcho d’a azi lagizid’a mi. Mam tamba nga mi djï á sud’ugiya.

Isai 37:20

Wani ki tchetchemba, ang Ma didina Alo mamina, ang sud’umi woi abo Sanakerip. Hina wani, Ma didina, suma yam andagad’ina pet a mba wala ang tu nAlona.

Isai 41:21

Ma didina mi de malo ma ka zlad’a ala: Agi mbeï dagi ad’u zla magid’a woyo. An amulâ hi Jakob-ma ni dala: Agi dagi zlad’a á pad’agi zlad’a kagi woyo.

Isai 44:6

Ma didina amulâ hi Israel-lâ ma mi wurak kazi ma ad’engêm kal petna, mi dala: An tu ni Ma avo’â, an ni Ma danana. Alo ma ding nga woi keng vam mbi.

Isai 49:25

Ma didina mi dala: Gagazi, magumeina hi grang suma durâ, a mba yozizi woi aboziya; vama ma te yam suma kad’engina mi hluma, a mba bad’amzi woi abomu. An mba ni dur ayîna ki mak suma djangûna, an mba ni sud’uk gro’â woi mi.

Isai 49:26

Suma a nga djobok vuna’â, an mba ni hazi hliwizi tamba á mutna, a mba gurut ki buzuwazi d’igi sana mi gurut ki süm guguzlu d’a ayîna na. Suma pet a mba wala an ni Ma didin ma sud’uk ma ad’engêm kal petna hi Jakob ma mi wurak ka’â.

Isai 51:4

Ma didina mi dala: Sum mana, agi humugi djiviya. Agi andjaf mana, agi tinigi humagiya. Ni an ba, nga ni de gata; sariya d’a an nga ni kata mba d’i mbut ni b’od’a hi sumid’a.

Isai 51:5

D’ingêr manda ti mba go, sut manda nga d’i nde woyo. An mba ni ka sariyad’a kad’eng manda. Suma a nga kaka yam tilina a mba tin huruzi kanu, a mba deng tazi yam ad’eng manda mi.

Isai 51:7

Agi suma wagi d’ingêrina, agi humunu. Agi suma gat manda nga kurugina, ar agi lagi mandarâ abo kraka hi sumid’a d’i, agi zlagagi abo ngul mazid’a d’uo mi.

Isai 60:16

Andjaf suma kamulei mazina a mba wulugu. Ata yi máma ndak mba d’i wala an Ma didina ni ma sud’u’â, an ni ma sib’ika hi Jakob-ma, an ni ma wurak ka’â mi.

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.

Matiye 21:5

Agi dagi mi suma kur azì ma Siyon-na ala: Gola! Amul magina nga mi djïya. Ni ma lulumana, mi nga nga yam korod’a, ki koro ma gorâ, nala, korod’a gorotna d’a.

Matiye 25:34

Ata yi máma, an amulâ mba ni de mi suma yam bigan nda ndjufina ala: Agi suma Abun mi b’e vunam kagina, agi mbeyegïya, agi tagi leu d’a a minit kagi kad’u tinda hi duniyad’a deid’a.

Wana ni Zla d’a Djivi d’a Luc mi b’irita 2:11

Kayam a vud’ugiya wa Ma Suta ini kur azina hi David-na, ni Christ, Salad’a.

Sunda hi suma a sunuzinid’a 5:31

Alona mi hlum sä akulo ata bigam mba ndjufa á kak Amul ma sut suma, kayam mi he Israel-lâ lovota á mbut huruzi yam tcho mazid’a, kayam Alona mi vat hurum mbei yam tcho mazid’a mi.

2 Korente-na 5:10

Kayam ei pet mba tcholei avok zlam mba ka sariyad’a hi Christ-sa, nge nge pî mba mi ve vama ndak yam sun nda mi lat kur hliu tamba, le ni djivid’a, d’oze tchod’a.

Gat ta a hat á mbàd’id’a 33:2

Mi dala: Ma didina mi tcholï yam ahina d’a Sinai-d’a, mi mba mi tak tam mbei kazi yam ahina d’a Seir-ra, mi b’o yina woi yam ahina d’a Paran-nda. Mi ndeï aduk malaika mam suma dudubuna, gat ta akud’a nga ved’a abom ma ndjufâ kaziya.

Hebre-na 5:9

Ata yima mi ndak memetna, mi mbut Sala sut ta didinda yam suma pet suma a nga ge yazi kä ad’uma.

Jacques 4:12

Alona tu ni ma tin gatina, ni ma ka sariyad’a mi. Mam tu ni ma ndak á sut sumina, ni ma b’lak sumina mi. Angî nge ba, ang ka sariyad’a yam ndrangâ ge?

Vama ndum mbeina 19:16

Ata baru mamba yam ab’alam simina nga b’ira kua ala: Amulâ hamuleina, Salad’a hi suliyod’a.

1 Samuel 12:12

Kid’a agi wagi Nahas amul ma Amon-na mi mba á dur ayîna ki sed’egid’a, agi dan ala: Ami minimi amulâ á te kamiya. Wani Ma didina namul magina.