Isai 33:20 - Bible azumeina

²⁰ Ang mba we Siyon azì mei ma ngol ma lü vun tilâ, ang mba we Jerusalem kur bur ma halasâ ni d’igi zlub’u d’a a mba djogot tei d’uo d’a tcheble matna a mba pad’am mbei d’oze ziyo matna a mba bud’um mbei d’uo mi d’a na.

Isai 33:20 Iomraidhean Croise

Sawal la giled’a 128:5

Ni ei kur Siyon dei ba, Ma didina mba mi b’e vunam kangû; ang mba we furîd’a hi Jerusalem-mba kur burâ pet ata yima ang nga kaka ki ir irangâ,

Sawal la giled’a 46:5

Aluma nga, ni ma mbiyom nga mi le suma avo hurazina hAlonina tazi djivid’ina. Azì máma ni yima kal tegles ma aduk yi ma kak ma tetengâ hi ma sä akulo ma kal teglesîna.

Sawal la giled’a 46:6

Alona mi nga kurumu, azì máma nga mi giget ti; ki yorogo tcholola Alona nga mi ngomomu.

Isai 32:18

Sum mana a mba kak ki b’leng nga halasa, a mba kak bei va lazi ba, a mba kak kur yima kak ma tchugotna mi.

Isai 33:6

Wani agi suma hi Ma didinina, agi mba kagagi bei va mi lagi ba. Ned’a ki wed’a ni ndjondjoî d’a sud’ugid’a, le mandara Ma didina ni ndjondjoî magid’a mi.

Isai 37:33

Isai mi de kua ala: Alona mi dala: Wana ni vama an Ma didina nga ni dum yam amul ma Asiri-na: Mam mba mi kal ka hî kur azì ma ngol ma wana d’i, azigar mam tu pî mba mi yet yeûd’a kurum mbi, sa tu pî mba mi mba ki mbareid’a avorom mbi, sa tu pî mba mi mbu andagad’a akulo ad’um á dur ki sed’em mbuo mi.

Isai 4:5

Bugola, Ma didina mba mi tin d’ugul la tchola gongzonga kandosâ faleya, mba mi tin aku d’a ngal bibiliu d’a b’o yina andjege yam ahina d’a Siyon-nda ki yi mat ma taka, kayam subura hi Ma didinid’a mba d’i mbut ni vama ngomozina.

Isai 54:2

Ndak hut ad’u zlub’u maka woi bubud’a, ar a b’er yam zlub’u maka woyo, ndak d’elezi d’uo, ndak ndirza ziyo ma’â woyo, ndak pe tcheble ma’â kä ad’enga ngingi.

Isai 66:14

Agi mba wahle ndazina, agi mba lagi furîd’a kaziya, asogogi mba mi hulong fad’enga d’igi asuna na. Ma didina mba mi tak ad’eng mamba woi mazungeî mama, wani mba mi tak ayî mam ma bibiliuna woi mi mam suma djangûna.

Ezekiyel 48:35

Gulumun ma ngui azì ma ngol mámina, fiyagam pet ni metred’a 9000. Ar avok hî a mba yi azì ma ngol máma ala Ma didina mi nga kaka ka hî.

Ezekiyel 48:8

Agi tinigi andagad’a irat vat mi Ma didina, tinï ad’ud’a avun hagad’a hi Juda-d’a abo ma yorogona dei gak i abo ma fladegena. Bubuwat kilometred’a dogo yam mbà ki nusa, fiyagat ni d’igi d’a handjaf Israel ma dingîd’a na mi. A mba min gong nga kud’ora hAlonid’a nadigat d’ad’ar.

Matiye 16:18

An nga ni dangû, angî Pierre, an mba ni min Tok manda yam ahina ndata. Vun agre’â hi yima azuleinina mba mi lat va d’i.

Gat ta a hat á mbàd’id’a 12:5

Wani agi i kud’uromî ata yima mam mba mi manam aduk andjavagi á tin simiyêm á kak kuana hol.

Gat ta a hat á mbàd’id’a 16:16

Kur bizad’a tu andjuvei magina pet a i avok Ma didina Alo magina yazi hindi ata yima mam mba mi manam á le vun til ma a lum kavungô ma a lum bei angufina, á le vun til ma Pantekot-na, á le vun til ma zlub’ud’a mi. Ar sa mi i avok Ma didina Alo magina abom hawa d’i.

Vama ndum mbeina 3:12

Sama kus ayînina, an mba ni mbud’um gafa kur gonga hAbun Alonid’a, mam mba mi nde woi abu d’i. An mba ni b’ir simiyê Alo mana ki simiyê azina hAlo manina, nala, Jerusalem mba awili d’a nga d’i tcholï akulo gen Alo mana d’a nga d’i tchugï aset kä d’a. An mba ni b’ir simi ma awili ma an nga ki na atam mi.