Isai 33:17 - Bible azumeina

¹⁷ Irang mba d’i wamulâ kur subur mamba, ti mba d’i wambasa ki bubu mata pet mi.

Isai 33:17 Iomraidhean Croise

2 Sunda Hamuleinid’a 32:23

Suma ablaud’a a mba ki he d’a hawad’a mi Ma didina ki he d’a hawad’a ngola mi Ezekiyas amul ma Juda-na mi. Tin ad’ud’a kur bur máma dei, andjaf suma a nguyuma pet a nga hum ngola.

Wana ni mbaktumba hi Job-pa 19:27

An tan mba ni wum ki iranu! Ni an ba ni wumu; nga ni sama ding ngi! An kau wa á djup yi máma!

Sawal la giled’a 31:8

Yam djivi manga, an mba ni le furîd’a ki hur ma hapma, kayam ang wan hohou manda, ang we a’alî d’a atan krovod’a mi.

Sawal la giled’a 45:2

Hurun nga oîd’a ki zla d’a djivid’a. An nga ni dala: Sun man nda an nga ni lata ná subur amulâ! Ar sinan ka’î d’igi sama d’al ma b’ir djivid’a heîna na!

Sawal la kal teglesa 5:10

Ti dala: Ma an hurun vum heîna, mi djif heî, iram nga d’i wile wiwilik, mi djif kal suma dudubu dogona.

Isai 24:23

Tilâ mba mi tchuk susub’ok, afata mba d’i mbut zulona, kayam Ma didin ma ad’engêm kal petna nga mi tamula yam ahina d’a Siyon-nda avo Jerusalem. Subur mamba mba d’i b’o woi ir mam suma nglona.

Isai 26:15

Ma didina, ang zulumi andjavamiya, ang zulumi andjavamiya. Ang wet wa hagad’a hambas mamid’id’a woyo. Suma a suburung yam sun mang nga led’a.

Isai 33:21

Ni kua ba, Ma didina mba mi tagei ngol mamba. Ni kua ba, a mba feï alum ma gureina kalum ma bendenga, ni yima bato d’a ayîna nga d’i kal kua d’oze bato d’a a djangât ki praunid’a nga d’i kal kua d’uo mi na.

Isai 33:22

Ma didina ni mei ma ka sariyad’a, ni mei ma dei gatina, namul meina, ni ma sud’ina mi.

Isai 37:1

Kid’a amulâ Ezekiyas mi hum zla ndatid’a, mi haû baru mama woyo, mi tchuk baru d’a dodora atamu, mi i kur gong nga kud’ora hi Ma didinid’a.

Isai 6:5

Ata yi máma an dala: Alë! An ba woi da’, kayam an ni sama vunan ndjendjed’ina, an ni kaka aduk suma vunazi ndjendjed’ina mi. Wani iran ndi wamulâ, Ma didin ma ad’engêm kal petna!

Zakari 9:17

Azi mba ka’î suma djivina, suma djifâ mi. Gemena ki süm guguzlu d’a awilid’a a mba had’enga mazungeî mazina ki yugunei mazina mi.

Matiye 17:2

Tam mbi mbut vat zenen avoroziya, iram mbi mbut ngal wiwilik d’igi afata na, baru mamba ti mbut hapa titil d’igi b’od’a na mi.

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

Jean 14:21

Sama ve vun man ma hed’a ma nga mi ngomoma, ni ma nga mi le kana. Sama nga mi le kana, Abun mba mi le kamu, an mba ni le kam an mba ni tagam tan mi.

Jean 17:24

Abunu, an min ala suma ang handjina a kak ki sed’en ata yima an mba ni kak kuana, kayam azi we subur man nda ang suburun ki d’a, kayam ang le kan avok dei bei ad’u tinda hi duniyad’id’a.

2 Korente-na 4:18

Kayam ami nga tinimi irami ni yam vama suma a nga wum ki irazina d’i, wani ami nga tinimi irami ni yam vama suma bei wum ki irazina. Kayam vama suma a wuma ni vama kak didina d’i, wani vama suma bei wuma ni vama kak gak didina.

1 Jean 3:2

Buniyôn suma od’a, ki tchetchemba, ei nAlona groma. Ei wei nga d’uo tua ei mba mbud’i ni nana, wani ei wei ala fata Christ mi nde woid’a, ei mba mbud’i dedege d’igi mam na, kayam ei mba wum mbei tetet.