Isai 33:11 - Bible azumeina

¹¹ Nga hur magina ni d’igi kuzad’a hawa na, dabi mamba ni d’igi asuna na mi. Muzuk man na d’igi akud’a na mba mi ngalazi woyo.

Isai 33:11 Iomraidhean Croise

Wana ni mbaktumba hi Job-pa 15:35

Le a ve wira tchod’a ni, a vut ni ndaka, huruzi krovo mi halî mbut ira.

Sawal la giled’a 2:1

Ni kayam me ba, andjaf suma a siwel hina gandjau ge? Ni kayam me ba, suma a djib’er djib’er ra hawa yaka hina ge?

Sawal la giled’a 7:14

Alona nga mi tok ahle suma dur ayî suma tchi matna yam ma asa’at máma; nga mi yed’em yeû mam mba akud’a.

Sawal la giled’a 7:15

Gola! Sama asa’atna nga mi min tam á le tchod’a, nga mi nga hurum á le tchod’a, nga mi nde ki zla d’a kad’a abua.

Isai 1:31

Sama ad’engâ mba mi mbut ni d’igi miyâd’a na, sun mamba mba d’i mbut ni d’igi aku d’a munda na; a mba ngal lei zla tazi djak; sama ndak á tchat teina nga d’uo mi.

Isai 17:13

Andjaf suma vunazi nga mi tchi wü d’igi mbiyo alum ma ngolâ vunam nga mi tchi wü na, wani Ma didina mi ngoboziya, a ring ngei dei d’igi brad’a ti fel lei abo simet ma tcholï akulo yam ahuniyônina na, d’igi ir mau d’a simetna mi sirit akulo aduk mbirlimba na mi.

Isai 26:18

Ami vami wirâ, ami fami ndaka, wani ata yima ami vud’umina, ami vud’umi ni simetna, ami wami nga lovot ta a mbami ki suta yam andaga d’a ka hid’a d’i, d’oze a mbami ki suma ding suma kak yam andagad’a ka hina d’uo mi.

Isai 5:24

Kayam ndata, a mba mbut ni d’igi asu ma sod’a ki kuzad’a na, sin akud’a mba d’i ngalazi woyo, sideyezi mba mi tchim mbeyo, b’ozi mba d’i galal kä woi andaga mi, kayam azi noî gata hi Ma didin ma ad’engêm kal petnid’a woyo, azi gol zlad’a hi Ma tin tam irat vat yam Israel-lîna is mi.

Isai 59:4

Agi nga kalagi yam tagi ata lovod’ot ti, agi nga dagi zlad’a ki gagazid’a d’i, agi tinigi hurugi ni yam ahle suma hawa ya’â, agi dagi ni zla d’a kad’a, agi nga vagi wir ra tchod’a, agi vud’ugi ni murud’umba.

Isai 9:17

Kayam asa’ata nga d’i ngal d’igi aku d’a nga d’i ngal kekerezeuna azi kaweid’a woi d’a nga d’i ngal agu d’a ndindika woid’a na, andozot nga mi i akulo mi d’ugula gongzong.

Sunda hi suma a sunuzinid’a 5:4

Kid’a ang nga ki sed’emba, ni mangâ d’uo zu? Le ang guzum mbei pî, begem ni manga mi d’uo zu? Ni yam me ba, ang nga hurung á lahle ndazina na ge? Ang ka ni zlad’a mi suma d’i, wani ni mAlona.

Jacques 1:15

Ata yima d’od’ok ka tchod’a ti ve wirîna, ti vut ni tchod’a. Le tchod’a ti djeng wa ni, ti vut ni matna.