Isai 32:9 - Bible azumeina

⁹ Agi arop suma nga kaka hawa en na, agi tchologi akulo humundiya! Agi gro arop suma nga kaka halasâ, agi tinigi humagi humagi zla manda!

Isai 32:9 Iomraidhean Croise

Sawal la giled’a 123:4

Ami ndagamiya wa abo sanda hi suma a nga las sumid’a, abo gol la suma yam mba ad’enga a nga golomi isa mi.

Isai 28:23

Agi tinigi humagiya, agi humugiya! Agi tinigi humagi djiviya, agi humugi zla manda!

Isai 3:16

Ma didina mi dala: Arop suma Siyon-na yazi ad’enga, a nga hle irazi akulo ki tita herengêleng, a nga lop suma ki irazi d’a gola, kayam azi nga tit tit ta kidjik tad’a, a nga tchi b’alang ma asezina tchutchuî.

Jeremi 9:19

Jeremi mi dala: A nga hum del la tchina kur Siyon ala: Ni b’laga me ti mba kei na ge? Ni zulo me mi vei na ge? Ei arei ambasa, kayam yi mei ma kaka a b’lagam wa woyo!

Jeremi 9:20

Agi aropma, agi humugi zlad’a hi Ma didinid’a, agi tinigi humagi yam zla d’a ti ndavunamba. Agi had’agi grogi suma aropma hor ma ged’a, agi had’agi tagi hor ma ged’a mi!

Hor ma tchina 4:5

Suma a nga te te ma djivina adjeuna, a nga bo kä ir palumba. Suma a wul kur djivid’ina, a nga bulul kä yam djimgilâ.

Sofoni 2:15

Wana nazì ma ngol ma suma kuruma a nga subur tazi a nga kaka ki halasa a nga de kuruzi ala: Nazì meina wan tu go! Ma ding ma d’igi mam na na nga d’uo na. Suma a mba de kam ala: Ni nana ba, mi mbut djona ge? Mi mbut wa yima kaka hahle suma abageina. Suma a nga kal kuana pet a mba le atchap, a mba tchabozi kukup mi.

Matiye 13:9

Sama nga ki humba á humbina, ar mi huma.

Gat ta a hat á mbàd’id’a 28:56

Atcha d’a halas sa wäd’u zlad’a heîd’a ti min tin aset kä andaga d’uo d’a, mba d’i d’us irat ata ndjuvut ma ndat le kam heîna ki grotna ki gorota.

Suma ka sariyad’a 9:7

Jotam mi huma, mi i djak akulo yam ahina d’a Garizim-mba yat ta ked’iwurenga, mi er ad’um akulo, mi dazi ala: Agi suma nglo suma Sikem-ma, agi humunu, ar Alona mi humugi mi!