Isai 32:4 - Bible azumeina

⁴ Suma bei wad’ud’a ba na a mba mbut suma ned’a á wad’ud’a, suma ambrozlod’a a mba de zlad’a atogo tchatchap woi tetet mi.

Isai 32:4 Iomraidhean Croise

Buzuk ka Abud’a 4:11

Ma didina mi hulong dum ala: Ni nge ba, mi le vun sana ge? Ni nge ba, mi mbut sana ndumîd’a, d’oze ngela, d’oze ma wed’a, d’oze ma duka ge? Ni an Ma didina d’uo zu?

Sawal la kal teglesa 7:9

An dala: An mba ni djak akulo ata amilaûd’a, an mba ni vat vud’ut kä! Ar apok mi ngros sei d’igi ades vud’a guguzlud’a na, ar muzuk ka avunaka ti his afufuîd’a d’igi vud’agu poma na!

Isai 29:24

Suma djib’er mazid’a vit teina a mba humunu, suma a nga gureîna a mba he tazi á hata mi.

Isai 35:4

Agi dagi mi suma tazi tchuk lusâ ala: Agi siragi ngingring, agi lagi mandar ri. Gola! Alo magina nga mi djï á sagi atchugulugiya, á wurak magi suma djangûna yam tcho d’a azi lagizid’a mi. Mam tamba nga mi djï á sud’ugiya.

Isai 35:5

Ata yi máma suma duka irazi mba d’i mal leyo, suma ngela humazi mba d’i mal lei mi.

Matiye 11:25

Ata yi máma, Jesus mi hulong dala: Abun ma Sala akulod’a kandagad’ina, an lang mersi, kayam ang ngei ahle suma wana woi ir suma ned’a ki suma wed’a, wani ang tagazi woi mi gugureina.

Matiye 16:17

Jesus mi hulong dum ala: Ang Simon Jonas goroma, ang le furîd’a, kayam ni sana ba, mi tagang gagazi ndata d’i, wani nAbun ma sä akulona.

Sunda hi suma a sunuzinid’a 4:13

Kid’a suma b’ak zlad’a a we Pierre azi ki Jean a nga ki hur ma ade’esîd’a, a le atchap, kayam azi ni suma bei hat mbaktumba, azi ni suma hawana. A we tetet ala azi ni suma a nga zlapa ki Jesus adjeuna.

Sunda hi suma a sunuzinid’a 6:7

Ni hina ba, zlad’a hAlonid’a ti b’rau woyo. Suma hata a nga zul kazi kua kua kur Jerusalem, suma ngat buzuna ablaud’a a he gagazid’a mi.

Galat-na 1:23

Wani azi humî zla d’a suma dingâ a nga dat ala: Mam ma djobei vunei adjeuna, ki tchetchemba, nga mi tchi wal Zla d’a Djivi d’a gagazi d’a mam hal á pleyêt tei adjeud’a.