Isai 32:19 - Bible azumeina

¹⁹ Wani mogoina mba mi kizak agud’a woi atogo zak, azì ma ngolâ mba mi feî mi.

Isai 32:19 Iomraidhean Croise

Isai 10:18

Mba mi b’lak subura hagu mazid’a kasine mazi ma mi wul ahlena heîna woyo. Azi mba mbut ni d’igi sama mi it abo tugud’eid’ina na.

Isai 10:19

Agu ma mba mi ar aduk agu mazid’ina a mba ndumumu, gogorâ pî mi ndak á b’irim kä mi.

Isai 10:33

Gola! Salad’a Ma didin ma ad’engêm kal petna mba mi kus abo aguna woi ndjondjom, mba mi ka agu ma fuyogeina kä woyo, mba mi tchuk ma fuyogei ma kal papana kä woi andaga.

Isai 24:10

Azì ma ngol ma mi mbut djonina mi b’lak keyo, a dugum vunam akulo, kayam suma kal kuana a nga d’uo d’a.

Isai 24:12

B’laka ti ar kur azì ma ngolâ ni ndad’u, vun azì ma a kuzum mbeina mi b’lak kei mi.

Isai 25:2

Kayam ang mbut azì ma ngolâ d’igi mola hahinad’id’a na, azì ma ngol ma ad’engâ, ang b’lagam mbeyo, azì ma ad’eng ma ngunguna handjaf suma dingîna, ang b’lagam mbei mi. Sama mba mi hulong mi minim akulona nga d’uo d’a.

Isai 25:4

Kayam angî yima ngeid’a hi suma amangeînina, angî yima ngeid’a hi suma hohou suma a nga kur ndakina, angî anguzu ma mi d’el alo ma mi se ki babarîna, angî anguzu ma mi d’el huwakina mi. Kayam zla d’a nga d’i ndavun suma a nga te yam suma kad’engina, ti ni d’igi alo ma mi se ki babarâ mi wat huyok gulumunina na.

Isai 26:5

Mi zut suma a nga kaka akulo ata yima ndingîna kä, mi zut azì ma ngol ma akulo ata yima ndingîna kä andaga, mi tom kä woi andaga ndjandjam mi.

Isai 27:10

Kayam azì ma ngol ma ad’eng ma ngunguna, a mba aram mbei a mba noyôm mbei d’igi hur fulâ na, mba mi mbut ni yima te hatna hi gro amuzleinina, a mba bur kua, a mba dap azlup pa kuad’a ted’a mi.

Isai 28:17

An mba ni hle gagazid’a d’igi regle ma nga ahlena na, an mba ni hle d’ingêra d’igi nivo ma gol gongîyona na mi. Mogoina mba mi pleyêgi yima ka zla ma agi ngeyegi tagi kuana woyo, mbina mba mi hle yi magi ma aboi ma agi kagagi kuana woi mi.

Isai 28:2

Gola! Sama ad’eng ma sib’ik ma Salad’a mi sunumina nga mi djïya. Mi ni d’igi alo ma se ki mogoinina na, mi ni d’igi babar ma ngol ma mi b’lak ahlenina na, mi ni d’igi alo ma mi se mbina heî ma hle yina d’igi toliyonda na na. Mam mba mi b’lak yam andagad’a woi kad’enga na mi.

Isai 29:4

A mba hulongông yang kä, zla mang nga ded’a mba d’i tcholï ni kä andaga. Sa mba mi humung zla mang nga ded’a tetet tuo abo gugud’upa. Deleng mba d’i ndei kä andaga d’igi sama azulâ na, ang mba kud’uzï zla mang nga ded’a ni kä aduk andaga d’a gugud’upa.

Isai 30:30

Ma didina mba mi de ki delem mba kal papad’a, mba mi tak abom ma zid’a woi zi á to ki suma kur ayî mam ma bibiliuna, aduk sin aku d’a nga d’i ngal yinid’a, aduk alo ma mi se ki babarâ ki mogoina mi na.

Isai 37:24

Ang tchugï mang suma sunda á ngulun an Ma didina. Ang dala: Ki pus man ma dur ayî ma ablauna an djak akulo yam ahuniyôna yazi d’a ked’iwurenga gak ni i Liban yat ta dabid’a. An ka agu mat ma fuyogei ma sedrena kagu mat ma sipre ma djivi ma kal teglesâ woyo. An i dabi naduk agu mat ta ndindik ka sa nga mi kal kua d’uo d’a.

Nahum 1:1

Wana ni zla d’a a djogot tei yam azì ma ngol ma Ninif-fîd’a, ni zla d’a kur mbaktum mba Alona mi ndat tei mi Nahum ma Elkos-sid’a.

Nahum 1:8

Wani mba mi b’lak azí ma ngol máma woi kabil ma nga mi sulul lei huhubupma, mba mi dik mam suma djangûna gak mi tchuguzi kur nduvunda.

Zakari 11:2

Ang agu siprena, ang tchi wulula, kayam agu sedrena mi galal lei da’, agu ma djifâ mi b’lak kei da’, ang agu sen ma Basan-na, ang tchi wulula, kayam agu d’a ndindika ti dap pei da’.

Matiye 7:25

Alona mi se, mbiyo ma kä na mi kuza, babarâ mi le bibik giget gong ndata mi, wani ti to nga kä d’i, kayam mi gat ad’ut ni yam ahinad’a.

Vama ndum mbeina 18:21

Ata yi máma, malaika ma ad’engâ mi hle ahina d’a ngola d’igi d’a lutna na, mi gat kur alum ma ngolâ, mi dala: A mba ge azì ma ngol ma Babilon-na kä hina dedege mi, a mba wum bugol luo d’a.

Vama ndum mbeina 8:7

Malaika ma avo’â, mi bu adif mamba. Mogoina kakud’a gizeîd’a ki buzuna a tchugï kä yam andagad’a. Andaga d’a a walat tei aduk hindid’a abot ma tuna mi ngal leyo, agu ma yam andaga ma a walam mbei aduk hindina mi ngal leyo, asu ma ngloma pet mi ngal lei mi.