Isai 32:15 - Bible azumeina

¹⁵ Wani bur tu Ma didina mba mi voï Muzuk mama kei kä. Hur fulâ mba mi mbut nandaga d’a a pagu ma vuta kuad’a, mba mi mbut nagu d’a ndindika mi.

Isai 32:15 Iomraidhean Croise

Sawal la giled’a 104:30

Ang hazi muzuk manga, ang lazi le d’a dinga, ang mbut ahlena awilid’a pet yam andagad’a.

Sawal la giled’a 107:33

Ma didina mi mbut aluma ful ma kakana, mi mbut golong nga laud’a andaga d’a so d’a gangrasa,

Sawal la giled’a 107:35

Mi mbut fulâ apo d’a ngola, mi mbut andaga d’a gangrasa golong nga laud’a mi.

Zla d’a d’ogolâ 1:23

Agi hulongôgï á hum ngop manda. Gola! An mba ni vogi muzuk mana kagiya, an mba ni tagagi zla manda mi.

Isai 28:6

Mba mi zut suma ka sariyad’a á ka sariya d’a d’ingêra, mba mi had’enga mi suma a nga dik suma djangûna woi avun agre’îna mi.

Isai 29:17

Yina ar nga ngol li, Liban mba d’i mbut ni d’igi asine ma wul awuna heîna na. Asine máma mba mi mbut ni d’igi agud’a na mi.

Isai 35:7

Hur ful ma kikid’i’â pî, mba mi mbut apo d’a mbina; ambas sa so d’a gangrasa pî, mba d’i mbut ambas sa lau mbina; yima hâna mi ka domina kuana pî, ped’eud’a ki tchereuna a mba deî kua.

Isai 44:3

Kayam an mba ni vo mbina yam andaga d’a sod’a, an mba ni ge toliyonda yam andaga d’a sod’a, an mba ni vo Muzuk mana yam grogina, an mba ni b’e vunan yam andjavagi mi.

Isai 45:8

Ar akulod’a ti lau d’engzenga d’igi mbina mi lau woi na, ar d’ugula ti se d’ingêra d’igi alona mi se na, ar andagad’a ti mal vunat á mba ki suta, ti deî d’ingêra d’igi ahlena a deî na mi. Gola! Wana nahle suma an Ma didina ni lazina.

Isai 59:19

Fata Ma didina mi mba d’igi alum ma ngolâ mi djang abo simet ma ngolâ na d’a, a mba lum mandaramu, a mba suburum tinï ad’ud’a abo ma yorogona dei gak ndeza woi abo ma fladegena.

Isai 59:21

Ma didina mi dala: Wana ni vun ma djin ma an djinim ki sed’egina: Muzuk mana mba mi kak kagiya, an mba ni tinigi zla manda avunagiya. Mba d’i wal lei ki sed’egi d’oze grogina d’oze grogi ngolona d’uo mi, arî hina gak didin. An Ma didina ni de na.

Isai 63:11

Ata yi máma sum mama a djib’er yam bur ma kalâ yam atchogoid’a hi Moise-sa, a dala: Mam ma mi djagazi alum ma ngolâ woi ma polozina, mi nga ni lara ge? Ma mi tin Muzuk mam ma bei tchod’a adigazina, mi nga ni lara mi ge?

Ezekiyel 37:14

An mba ni fo Muzuk mana kurugiya, agi mba kagagi karid’a. An mba ni siragi sideyegi kä yam andaga magid’a, agi mba wagi ala an Ma didina ni de zlad’a, ni le sunda kat mi! An Ma didina ni de na.

Ezekiyel 39:29

An mba ni mbud’uzi huyogon nduo d’a, kayam an mba ni vo Muzuk mana yam Israel-lâ. An Salad’a Ma didina ni de na.

Zakari 12:10

Ata yi máma an mba ni vo muzuk ma suma ma hud’a yam andjafâ hi David-na, yam suma Jerusalem-ma. Azi mba mbut irazi kanu, azi mba tchi hor ra sama a tchogoma d’igi a tchi horâ gor ma abo abum tuna na, a mba tchi tchi ma hat hurâ kam d’igi a tchi yam gor ma a vud’um avo’â na mi.

Wana ni Zla d’a Djivi d’a Luc mi b’irita 24:49

An mba ni sunugi he d’a hawa d’a Abun mi hle vunam kata, wani agi kagagi kur Jerusalem djang gak ad’eng nga akulod’a mba d’i mba kagiya.

Jean 7:39

Jesus mi de zla ndata ni yam Muzu’â hAlona ma suma a he gagazid’a kama a mba vuma, kayam Muzu’â nga bei humï tua, kayam Alona mi subur nga Jesus biya d’i.

Sunda hi suma a sunuzinid’a 2:33

Alona mi hlum sä akulo, mi tinim ata bigam mba ndjufa. Mi ve Muzuk ma bei tchod’a ba ma Abum mi hlum vunam kama, mi vomizï kami d’igi agi wagizi agi humugizi na mi.

2 Korente-na 3:8

sunda hi Muzu’â hAloninid’a nga d’i nde ki subura kalat tuo zu?