Isai 32:14 - Bible azumeina

¹⁴ Kayam a ar azì ma amula kazì ma ngol ma suma a nga le vuna kua gandjauna woyo. Yima ndingâ ki gong nga fiyak ka ndjola, a mba mbut ni domi ma ngeid’a yam koro ma abageina ki iram fafat, a mba mbut ni yima pol d’uwarâ mi.

Isai 32:14 Iomraidhean Croise

2 Amuleina 25:9

Mi ngal gong nga kud’ora hi Ma didinid’a kazì ma amula kazì ma ding ma Jerusalem-ma pet, mi ngal azì ma nglo ma dingâ woi kakud’a pepet mi.

2 Sunda Hamuleinid’a 33:14

Bugol ahle ndazina, mi min gulumun ma woi abu avun Azì ma ngolâ hi David-nina abo ma fladegena hi mbiyo ma lau ma Gihon-na kur hora gak mi mbaza avun agre’â hi kulufîna. Mi ngui Ofel lei d’uhl, mi minim akulo fiyaka dei, mi tin azigar suma nglona kur azì ma ad’eng ma ngungu ma kur Juda-na pepet mi.

Nehemi 3:26

Netin suma a nga kaka Ofel-lâ a le sunda gak a mbaza avun agrek ma mbiyo ma abo ma yorogonina gak a mbaza ata gong nga ndjol la nga ata yima gulumuna mi kong kuana.

Sawal la giled’a 104:11

Ahle suma abageina pet a nga tchumu, koro ma abageina nga mi ndak vun lau mamba ni ki mam mi.

Isai 22:2

Ang azì ma ngol ma vuna kang wü ma oîd’a ki siwel la gandjaud’ina, ang azì ma furîd’a, mang suma a tchazina, a tchazi nga ni ki mbigeu d’a fiyaka d’i, suma a bona, a tchazi nga navun ayîna d’uo mi.

Isai 24:10

Azì ma ngol ma mi mbut djonina mi b’lak keyo, a dugum vunam akulo, kayam suma kal kuana a nga d’uo d’a.

Isai 24:12

B’laka ti ar kur azì ma ngolâ ni ndad’u, vun azì ma a kuzum mbeina mi b’lak kei mi.

Isai 25:2

Kayam ang mbut azì ma ngolâ d’igi mola hahinad’id’a na, azì ma ngol ma ad’engâ, ang b’lagam mbeyo, azì ma ad’eng ma ngunguna handjaf suma dingîna, ang b’lagam mbei mi. Sama mba mi hulong mi minim akulona nga d’uo d’a.

Isai 27:10

Kayam azì ma ngol ma ad’eng ma ngunguna, a mba aram mbei a mba noyôm mbei d’igi hur fulâ na, mba mi mbut ni yima te hatna hi gro amuzleinina, a mba bur kua, a mba dap azlup pa kuad’a ted’a mi.

Isai 3:26

Suma avun agrek ma Siyon-na a mba zam taziya, ndak mba d’i tchi horâ; a mba hurumugu, ndak mba d’i ar kaka kä aduk andagad’a mi.

Isai 5:9

Wana ni vama Ma didin ma ad’engêm kal petna mi ndandji woina: Gagazi, azì ma ablau máma mba mi b’lak keyo, azì ma nglo ma djif máma, a mba fe sama kak kurum mbuo mi.

Isai 6:11

Ata yi máma an djobom ala: Salad’a, ni mindja ba, ang mba ar ahle ndazina ge? Mi hulong dan ala: Gak azì ma ngolâ mi b’lak kei kakazeî bei fe sa kurum ba, azina mi ar hawa kolohong, ambasa ti mbut ni hur fulâ mbeî.

Isai 7:23

Kur bur máma asine ma lara ma a mba fe abu guguzlud’a kua dubu ma guzum ndak ir bege d’a hapa dubuna, mba mi arî aduk kekerezeuna kaweid’a.

Jeremi 14:6

Koro ma abageina mi tchol yam ahuniyô suma fuyogei suma va nga kazi d’uo na, nga mi tche simetna d’igi hâna na. Iram mbi mbut hohoud’a, kayam hatna mi nga d’i.

Jeremi 33:4

Ni hina ba, an Ma didina Alona hi Israel-lîna ni de yam gongîyo suma kur azì ma ngol ma wanina, yam azì ma amula hamulei suma Juda-na ma a nga tom kä woi kandaga d’a a mbut ad’umba kayî ma durîna.

Jeremi 52:27

Amulâ mi tchazi woi ata yi máma yam ambas sa Hamat-ta. Ni hina ba, a i ki suma Juda-na magomba woi dei kambas mazid’a.

Jeremi 6:5

Agi tchologi akulo, ei i atat andjege, ei b’lageizi azì mat ma nglo ma ad’eng ma ngunguna woyo!

Wana ni mbaktumba hi Oze-d’a 2:3

Agi dagi mi b’oziyogi suma andjofâ ala: Ammi (nala, Ni sum mana!) Agi dagi mi b’oziyogi suma aropma ala: Ruhama (nala, We hohoud’a!)

Mise 3:12

Ni kayam agi ba, a mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.

Sofoni 2:15

Wana nazì ma ngol ma suma kuruma a nga subur tazi a nga kaka ki halasa a nga de kuruzi ala: Nazì meina wan tu go! Ma ding ma d’igi mam na na nga d’uo na. Suma a mba de kam ala: Ni nana ba, mi mbut djona ge? Mi mbut wa yima kaka hahle suma abageina. Suma a nga kal kuana pet a mba le atchap, a mba tchabozi kukup mi.

Sofoni 2:7

Vun alum máma mba mi arî mandjafâ hi Juda ma arâ, ni kua ba, a mba pol d’uwar mazina, a mba tuk tazi fladege kur azì ma Askalon-na, kayam Ma didina Alo mazina mba mi mar kazi d’i, mba mi yozï woi kur magomba.

Wana ni Zla d’a Djivi d’a Luc mi b’irita 21:20

Jesus mi had’azi kua ala: Wani fata agi wagi ades azigarâ mi ngui wa Jerusalem-mu ni, agi wagi ala b’lak mata mba wa go.

Wana ni Zla d’a Djivi d’a Luc mi b’irita 21:24

A mba tchi suma dingâ ki mbigeu d’a fiyaka, a mba yo suma dingâ magomba aduk andjaf suma pet. Andjaf suma dingâ a mba miret Jerusalem kä kasezi gak atchogoi mazid’a ndaga.