Isai 32:1 - Bible azumeina

¹ Kur bur máma amulâ mba mi tamula ki d’ingêra, mam suma nglona a mba te yamba ki d’ingêra mi.

Isai 32:1 Iomraidhean Croise

2 Samuel 23:3

Alona hi Israel-lîna mi de, ahinad’a hi Israel-lîd’a ti dan ala: Sama nga mi te yamba aduk suma ki d’ingêrina, nga mi te yamba kur mandarâ hAlonina,

Sawal la giled’a 45:1

Ni sawal la Kore groma a hlat kadingâ a hat mi ma ngolâ hi suma hle sawalina. Ni sawal la od’a.

Sawal la giled’a 99:4

Ar azi gileng ang amul ma min d’ingêrina. Ni ang ba, tin d’ingêra ki sariya d’a ka d’a irata aduk andjafa hi Jakob-ma mi.

Isai 11:4

Wani mba mi ka sariyad’a yam suma houd’a ki d’ingêra ki gagazid’a, mba mi we hohowa suma hohou suma yam andagad’ina, zla mam mba ded’a mba d’i mbut ni totogo d’a mi to ki suma yam andagad’ina, mba mi tchi ma asa’atna woi ki fo d’a avunamba mi.

Isai 11:5

D’ingêra mba d’i mbut ni d’ik ma mam djinim furuma, d’engzenga mba d’i mbut ni d’ik ma mam mba mi djinim ir tchuguluma mi.

Isai 16:5

ata yi máma, yam djivi magid’a a mba tin zlam mba amul la ad’enga aduk andjafâ hi David-na. Ma dingâ tu mba mi kak kad’u, mba mi he tam á ka sariyad’a ki d’ingêra, tam mba d’i lum djivid’a yam sun nda irata mi.

Isai 28:6

Mba mi zut suma ka sariyad’a á ka sariya d’a d’ingêra, mba mi had’enga mi suma a nga dik suma djangûna woi avun agre’îna mi.

Isai 33:5

Ma didina ni ma suma a nga hum ngolina, kayam yam ma kaka mi sä nakulo, mi oî Siyon ki d’ingêra ki gagazid’a mi.

Isai 4:6

Mba d’i mbut ni zlub’u d’a anguzuna yam huwak ka faleid’a, mba d’i mbut ni yima ngei tad’a abo babarâ kalo ma sed’a mi.

Jeremi 33:14

Ma didina mi dala: Gola! Burâ nga mi mba, an mba ni ndak vun zla d’a djivi d’a an dat yat Israel-lâ ki suma Juda-nid’a.

Jeremi 33:15

Kur bur máma, ata yi máma, an mba ni ndeï ki sama d’ingêrâ ad’u andjafâ hi David-na. Mi mba mi tak d’ingêra ki gagazid’a mi suma kur ambas sa wandina.

Ezekiyel 37:24

Azong mana David mba mi kak amul mazina, azi pet a mba kak ki ma pola tu mi. Azi mba tit ad’u gat manda, azi mba ge yazi kä ad’u vun man ma hed’a, azi mba le sunda kazi mi.

Wana ni mbaktumba hi Oze-d’a 3:5

Bugola, Israel-lâ a mba hulongî gen Ma didina Alo mazina, gen andjafâ hi David ma amul mazinina. Bur ma danana a mba mbeï avok Ma didina ki mandarâ yam djivi mam mba mi lata.

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.

Romê-na 5:21

D’igi tchod’a ti te leud’a ni yam matna na, hina mi, sumad’a hAlonid’a nga d’i te leud’a ni yam d’ingêra á ï kur ari d’a didinda yam Jesus Christ Saleinid’a na mi.

Vama ndum mbeina 17:14

Azi mba dur ayîna ki Gor timina, wani Gor timina mba mi kus kaziya, kayam mam mi Sala suliyod’a, nAmulâ hamuleinina mi. Mam mba kus kazi ki sum mama; azi ni suma yid’a, ni suma manda, ni mam suma d’engzengâ mi.

Vama ndum mbeina 19:11

An we akulod’a ti mal leyo, akulum ma hapma mi nde woi kuru. Ma nga kama a yum ala Ma d’engzeng ma gagazina. Nga mi ka sariyad’a, nga mi dur ayî ma d’ingêrâ mi.