Isai 31:3 - Bible azumeina

³ Ezipte-na ni suma, a nga nAlona d’i. Akulumei mazina a ni hliuna, a nga ni muzu’â d’i. Ata yima Ma didina mi hlabom akulona, sama mba á ndjundina mi ka nazlard’eid’a, sama mam ndjunuma mi pu’î kä mi, azi zla tazi djak a mba ba woyo.

Isai 31:3 Iomraidhean Croise

2 Sunda Hamuleinid’a 32:8

Suma a nga ki sed’ema a ni suma hawa, wani ma nga ki sed’eina ni Ma didina Alo meina. Ni mam ba, mba mi ndjuni kur ayî ma durâ. Ablau suma pet a he gagazid’a yam zla d’a Ezekiyas amul ma Juda-na mi data mi.

Sawal la giled’a 118:8

Vama kalâ, ang hal yima ngeid’a ata Ma didina, kal la ang tin hurung yam sanid’a.

Sawal la giled’a 33:17

Akuluma mi nga kad’enga á sut sa d’i; ad’eng mamba pet ti ndak á sut sa d’uo mi.

Sawal la giled’a 9:20

Ma didina, ang tchol akulo, ar sana mi kus ayîna d’i, ar andjaf suma bei wangâ sariya manga ti vaziya.

Isai 10:3

Agi mba lagi ni nana kur bur ma ndaka mba d’i mba ki b’lak ka mba d’i tcholï ata yima deinid’a ge? Agi mba ringîgi ni gen nge á fagi ndjunda ge? Agi mba aragi ndjondjoî magid’a ni lara ge?

Isai 20:4

Hina mi, amul ma Asiri-na mba mi yo suma Ezipte-na magomba, mba mi yo suma Etiyopi-na azungeîna ki momorogeina magomba. Azi djak a mba tit bei atuguruna aseziya, bei baruna ataziya, huyogozi woi hawa mi. Ni zulo ma ngolâ yam Ezipte-na.

Isai 20:6

Kur bur máma suma a nga kaka avun alum ma ngolîna a mba dala: Wana ni suma ei tini huri kazina ni suma ei nga ngeyei tei atazi á ndjuni á sud’i woi abo amul ma Asiri-nina! Ki tchetchemba, ei mba sud’i tei woi ni nana ge?

Isai 30:16

Agi nga dagi ala: Hawa yak! Ami mba djangâmi kakulumeina! Gagazi, agi mba djangâgi kakulumeina, wani ná ringâ! Agi nga dagi ala: Akulumei mamina a djang heî, wani suma a mba digigina, akulumei mazina a mba djang kal tua d’ei!

Isai 30:5

azi pet a mba mbut zulona abo suma a ndak á le vama djivi ki sed’ezi d’uo na, d’oze á ndjunuzi d’oze le vama ding tu kazi d’uo na, wani a mba mbut ni vama mi mangâzi woina.

Isai 30:7

mi Ezipte suma ndjun mazid’a ni d’igi simetna d’oze vama hawa ya’â na na. Ni kayam ndata ba, an yazi ala Rahap, nala, suma abozi nga mi hle á le va d’uo na.

Isai 36:6

Yam Ezipte zu? Wani Ezipte ni d’igi ped’eu d’a kus sei d’a tchok abo sama deng tam katna na. Wana ni vama Faron amul ma Ezipte-na nga mi lum ki suma pet suma a deng tazi atama.

Isai 36:9

Le azigar mang ma ad’engâ mi ndak á dur ki azigar ma amangeî ma kal teglesâ hi salanina d’uo ni, ni nana ba, ang tin hurung yam pus ma dur ayîna kakulumeina hi Ezipte-na ge?

Isai 9:17

Kayam asa’ata nga d’i ngal d’igi aku d’a nga d’i ngal kekerezeuna azi kaweid’a woi d’a nga d’i ngal agu d’a ndindika woid’a na, andozot nga mi i akulo mi d’ugula gongzong.

Jeremi 15:6

Ma didina mi dala: Ni ndak ba, noyôn ndeyo, ndak han huyogogu. Kayam ndata, an mba á b’lagak keyo, kayam an kau wa abo djivi d’a an laksid’a.

Jeremi 17:5

Ma didina mi dala: Sama mi tin hurum yam sana d’oze mi deng tam yam sana mi wal lei ki an Ma didinina, an nga ni gum vuna.

Ezekiyel 28:2

Ang gor sana, ang de mamul ma Tir-râ ala: Salad’a Ma didina mi dala: Ang hle yang akulo, ang dala: An nAlona! An nga ni kak yam zlamba hAlonid’a kä kur alum ma ngolâ. Ang mbut tang d’igi Alona na! Wani angî sana, ang nga nAlona d’i!

Ezekiyel 28:9

Fata ang tchol avok sama tchangîd’a, ang mba de kua ala angî Alona zu? Angî sana, ang nga nAlona d’i, avok ma mi tchangâ!

Amos 2:15

Sama mi we yet yeûd’a heîna mba mi fe lovota á tchol li, sama ring heîna mba mi fe lovota á sut tam mbi, sama djang akuluma mba mi fe lovota á sut tam mbuo mi.

Matiye 15:14

Agi araziya, ni suma a nga ve dungûruna mi ndrozi suma dukina. Le sama duka nga mi ve dungûruna mi ndram ma duka ni, azi djak a mba tchuk kur zula.