Isai 30:8 - Bible azumeina

⁸ Ma didina mi de mi Isai ala: Ki tchetchemba ang i b’ir ahle ndazina kä kur ahina d’a tchet ta bebed’ed’a kä iraziya, ang b’irizi kä yam mbaktumba, kayam zla ndata ti arî vama ge humba gak bur ma danana á le glangâsâ gak didin bei dabid’a.

Isai 30:8 Iomraidhean Croise

Isai 2:2

Kur atchogoi d’a mba d’i mbad’a, ahina d’a a min gong nga kud’ora hi Ma didinid’a kata, a mba b’alat akulo yam ahuniyôna yazi d’a ked’iwurenga, mba d’i kal akulo yam ahuniyôna pepet. Ata yi máma andjaf suma pet a mba i kua nunuk.

Isai 34:16

Agi halagi kur mbaktumba hi Ma didinid’a, agi ndumud’u. Ma agi mba fum kua d’uo na nga d’i; azi pet a mba fazi ni kakap, ma kaleina nga d’i. Kayam ni Ma didina ba, mi he vuna, ni Muzuk mama ba, mba mi togoziya.

Isai 8:1

Ma didina mi dan ala: Ang hlahina d’a tchet ta bebed’e d’a ngola, ang b’ir kua djivid’a tetet ala: I atogo á hurumba, b’at atogo á yo ahle suma a yozina.

Jeremi 23:20

Ma didina mba mi i avogovok kayî mama gak mi ndak vun ahle suma mam ngazi kuruma pet. Kur bur ma dabid’a agi mba wazi ad’uzi tetet.

Jeremi 30:2

Ang b’ir zla d’a pet ta an Ma didina Alona hi Israel-lîna ni dangzid’a kä kur mbaktumba.

Jeremi 36:2

Ang hle mbaktum mba d’ut ta hawad’a, ang b’ir zla d’a pet ta an dangzi adjeu yam Israel-lâ yam suma Juda-na yam andjafâ pet tinï ad’ud’a kur bur ma an dang zlad’a kur atchogoid’a hi Josiyas-sa dei gak inid’a.

Jeremi 36:4

Jeremi mi yi Baruk Neriya goroma, mi dum zla d’a Ma didina mi dumzid’a ki yam pet, Baruk mi b’irit kä kur mbaktum mba d’uta pet mi.

Jeremi 48:47

Ma didina mi dala: Wani an mba ni hulongî ki suma Mowap suma a yozi magombina kur atchogoi d’a dabid’a. Wana ni sariya d’a kad’a an kat yam suma Mowap-mid’a.

Jeremi 51:60

Jeremi mi b’ir ndak ka mba d’i mba yam Babilon-nda kä kur mbaktumba pet, nala, zla d’a pet ta mi b’irit kä yam Babilon-nda.

Ezekiyel 38:16

Ang mba mba ata man suma Israel-lâ d’igi d’ugul la ti duk yam andagad’id’a na. Bizad’a mba d’i kal ablaud’a, ahle ndazina a mba ndaga. Ang Gok, an mba ni mba ki sed’eng á dur ayîna kambas manda kayambala andjaf suma dingâ a wala an nAlo ma bei tchod’a ba na d’a. Wana ni vama an mba ni lum ki sed’eng kä irazina.

Wana ni mbaktumba hi Oze-d’a 3:5

Bugola, Israel-lâ a mba hulongî gen Ma didina Alo mazina, gen andjafâ hi David ma amul mazinina. Bur ma danana a mba mbeï avok Ma didina ki mandarâ yam djivi mam mba mi lata.

Habakuk 2:2

Ma didina mi hulong dan ala: Ang b’ir zla d’a an nga ni tagangzi woi wanda; ang b’irit kur agu ma tcheta, kayam suma a ndumut atogo zak.

Ndumba 24:14

Ki tchetchemba, an nga ni i gen sum mana. Ang mbeya, an ni dang ngei yam vama sum ndazina a mba lum ki sum mangâ kur atchogoi d’a nga d’i mbad’ina.

Gat ta a hat á mbàd’id’a 31:19

Ki tchetchemba, agi b’irigi sawal la wanda, agi had’at mi Israel-lâ, agi tinizizi avunaziya. Sawal ndata mba d’i le glangâs mana yam Israel-lâ.

Gat ta a hat á mbàd’id’a 31:22

Kur bur máma Moise mi b’ir sawal ndata, mi had’at mi Israel-lâ mi.

Gat ta a hat á mbàd’id’a 31:29

An we bugol mat mana, agi mba mbud’ugi ndjendjed’a, agi mba d’ezegi woi kur lovot ta an tagagizid’a. Ndaka mba d’i mba kagi kayam sun nda tcho d’a agi mba lat kabogi á b’lagagi hur Ma didina á zalam hurumba.

Gat ta a hat á mbàd’id’a 4:30

Ahle ndazina a mba mba kagiya. Kur yor ta magid’a agi mba hulongôgi gen Ma didina Alo magina, agi mba humum vunam mi.

1 Timote 4:1

Wani Muzu’â hAlonina mi de woi pid’ak ala kur bur ma bugolâ suma dingâ a mba ar he gagazid’a woyo, a mba ge yazi kä ad’u suma lop suma ki hata hi suma a nga ki muzuk ma teteng ma tchona kuruzina.

2 Pierre 3:3

Ar agi wagi woi avok tua, kur bur ma danana suma las suma a mba mba á las suma, a mba tit kur d’od’oka hi hliu tazid’a kur min mazid’a.

Jude 1:18

Azi dagi ala: Kur bur ma danana, suma las suma a mba mba, ni suma a tit kur d’od’ok mazi d’a tchod’ina.