Isai 30:6 - Bible azumeina

⁶ Gola! D’uwarâ nga mi i kahlena huyogom sirad’a kur lovot ta i abo ma sutnid’a. A nga tit kur yima hohoud’a ki yima ndaka. Ni yima azlod’a kazlona ki mageid’a ki dragon ma pira nga kua na. A nga zi ahle suma ndjondjoîna ki korona ki djambala mi suma a ndak á le vama djivi mi suma d’uo na,

Isai 30:6 Iomraidhean Croise

Ad’u Tinda 12:9

Bugola, Abram mi mber mi i iram abo ma Negef-fâ.

1 Amuleina 10:2

Ti mba Jerusalem kazungeî matna ablaud’a ki djambala ad’ud’u, ti yoï mbul ma his ma afufuîna ki lora anek ngola kahina d’a guzut kal teglesa teteng. Ti mba gen Salomon, ti djobom yam zla d’a ndat minit kuruta pet.

2 Sunda Hamuleinid’a 16:2

Kayam ndata, Asa mi yo kawei ma hapma ki lora suma nga kur gong nga ngom ndjondjoî d’a kur gong nga kud’ora hi Ma didinid’ina ki suma nga kur azì ma amulina, mi sun ki suma mi Ben-Hadat amul ma Siri ma nga kaka Damas-sâ,

2 Sunda Hamuleinid’a 9:1

Amul la Seba-d’a ti hum zla Salomon, ti mba Jerusalem á kugum ki ne mamba, ti djobom yam zla d’a mudurid’a mi. Ti mba kazungeî matna ablaud’a ki djambala ad’ud’u, ti yoï mbul ma his ma afufuîna ki lora aneka ngola kahina d’a guzut kal teglesa teteng. Ti mba gen Salomon, ti djobom yam zla d’a ndat minit kuruta pet.

Wana ni mbaktumba hi Job-pa 39:11

Nga mi tit yam ahinad’a á fe te mama, nga mi hal hat ma nguloma mi.

Buzuk ka Abud’a 1:14

A mbud’uzi yima kaka irazi tchod’a ki sun nda aneka, nala, a tub’ok lubuna, a tchi derengelâ, a nga le sun nda asined’a mi. Ni hina ba, a tinizi sun nda anek ka lara ge pet kaziya, a nga wazi hohowozi d’i.

Isai 14:29

Agi Filistê-na pet, agi lagi furîd’a ala totogo d’a a togi ki d’a ti kus seyo d’i. Kayam ata har ra guguina mageid’a mba d’i vud’ï kua, andjavam mba mi vut ni dragon ma pira mi.

Isai 15:7

Kayam ndata, a yo ahle mazina ad’uzi d’a ara, a i kahle suma a ngomozina sä abo toliyon nda Da’ara woi hî.

Isai 19:4

Salad’a Ma didin ma ad’engêm kal petna mi de kua ala: An mba ni he Ezipte-na abo ma te yam ma asa’atna; amul ma hurum akud’a bibiliuna mba mi te kaziya.

Isai 35:9

Lovot ndata a mba fazlo kua d’i, ambur ma ayî mba mi hlat ti, sa mba mi ngavam kua d’uo mi. Suma Ma didina mi wurak kazina, a mba tit kua ni aziya.

Isai 5:30

Kur bur máma a mba tchi kazi d’igi alum ma ngolâ vunam mi tchi wü na, a mba gol ambasa a mba we ni nduvunda ki hur ma wurana, b’od’a mba d’i mbut nduvunda abo babarâ mi.

Isai 57:9

Agi nga igi akoid’a hamulâ ki mbulâ, agi zulugi mbul magi ma his ma afufuîna, agi sunugi magi suma sunda ata yima deina, agi hulongôgi yagi kä gak ata yima azuleina.

Isai 8:22

Bugola, a mba gol irazi kä andaga, a mba we ni hur ma wurana ki nduvunda ki djop vun ma kalâ, a mba zud’uzi kä kur nduvun nda i’îlika.

Jeremi 11:4

Ni vun ma djin ma an djinim kabuyogi ngolo ata yima an buzuguzï woi kur ambas sa Ezipte-d’a d’igi für ma kaweina na na, an dazi ala: Agi humugi vama an hagi vuna kama, agi tid’igi yam vama an hagi vuna kama mi. Hina wani, agi mba mbud’ugi sum mana, an mba ni arî Alo magina mi.

Jeremi 2:6

A de nga ala: Ma didin ma mi buzugï woi kur ambas sa Ezipte-d’a ma mi tit ki sed’ei abagei hur fulâ ma mi tit hur ful ma d’ad’au ma angrifâ nga kua na ma mi tit ki sed’ei kur andaga d’a so d’a matna nga kua d’a ma mi tit ki sed’ei kur andaga d’a sa nga mi tit kua d’oze d’a sa nga mi kak kua d’uo d’ina, mi nga ni lara ge d’uo zu?

Wana ni mbaktumba hi Oze-d’a 12:1

Suma Efraim-ma a nguyun kä ki zla d’a kad’a, andjaf suma Israel-lâ a nguyun kä ki mbut ira. Suma Juda-na a nga zlapa ki an Alona tua, a ni suma d’engzengâ avogon an Alo ma bei tchod’a ba na mi.

Wana ni mbaktumba hi Oze-d’a 12:2

Suma Efraim-ma a te ni simetna, a nga tit bugol simet ma abo ma yorogonina. Burâ ki burâ a de ni zla d’a kad’a, a nga hurum ahlena, a djin vunazi ki suma Asiri-na, a nga i ki mbulâ avo Ezipte mi.

Mise 6:14

Agi mba tagi avuna, wani agi mba hobogi d’i, agi mba tchigi meid’a, agi mba tinigi ahlena á ngomba, wani agi mba wazi zlazi d’a ngomba d’i. Ahle suma agi mba ngomozina, an mba ni ar suma durâ a yoziya.

Zakari 6:6

Akulumei suma wurogeina a hle pus ma dingâ, a i irazi yam ambas sa abo ma norîd’a. Akulumei suma hobiyona a i blogoziya, akulumei suma mord’eina a i irazi yam ambas sa abo ma sutnid’a mi.

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.

Ndumba 21:8

Ma didina mi dum ala: Ang yor kawei ma hleuna hle tam d’igi gugui ma ayîna na, ang gabam akulo avun aguna. Sama lara ma guguina mi ed’ema, le mi golomu ni, mba mi sud’a.

Matiye 12:42

Kur bur ma ka sariyad’a, amul la abo ma sutnid’a mba d’i tchol á ka sariyad’a yam suma kur atchogoi d’a wandina, kayam ti tcholï avun dabid’a handagad’id’a adjeu, ti mba á hum ned’a hi Salomon-nda. Gola! Ma kal Salomon ki ngolina mi kä wana.

Gat ta a hat á mbàd’id’a 17:16

Ni sama mi kakulumeina ablaud’ina d’i, ni sama mi sun suma á i Ezipte á guzï akulumeina ablaud’ina d’uo mi, kayam Ma didina mi dagi ala ar agi hulongôgi kur ambas ndata d’i.

Gat ta a hat á mbàd’id’a 4:20

Wani agiya, Ma didina mi yogi mi buzugugï woi kur aku d’a für ra kaweina hi Ezipte-nid’a kayambala agi kagagi ni sum mama d’igi agi nga ini na d’a.

Gat ta a hat á mbàd’id’a 8:15

Ni mam ma mi tid’ï ki sed’egi hur ful ma tcho ma duwak ma guguyo suma ayîna ki hurdud’a a nga kuana; ata yima ga’al ma bei mbina ba na, mi ndagi mbina ata ahina d’a ad’eng mata kal teglesa mi.