Isai 30:33 - Bible azumeina

³³ A min gring ma akud’a nadjeu dei yam amul ma Asiri-na. A minim bubud’a, zula yiyik mi, a mol aguna kua ngola, nga mi ngal akud’a ngola mi. Fo d’a avun Ma didina d’a d’igi toliyon nda sufre d’a nga d’i ngal d’igi sun akud’a na d’a, mba d’i dom akud’a.

Isai 30:33 Iomraidhean Croise

Ad’u Tinda 19:24

Ma didina nde mi yagï sufred’a kakud’a ei akulo yam Sodom ki Gomor.

2 Amuleina 23:10

Josiyas mi b’lak yima Tofet ma nga avun hor ra Hinom-mba, kayam sa mi ngal gorom mandjuf foze gorom mba atcha kakud’a á he ngola malo ma Molo’â d’uo d’a.

Wana ni mbaktumba hi Job-pa 4:9

Alona mba mi tchazi woi ki fo mamba, mba mi ngalazi woi ki simetna hayî mam ma bibiliunina.

Isai 10:17

B’od’a hi Israel-lîd’a mba d’i mbut ni d’igi akud’a na, mazi Ma tin tam irat vat kazina mba mi mbut ni d’igi sin akud’a na, mba mi ngal awei mazid’a ki kekerezeu mazina woi kur bur ma tuna.

Isai 11:4

Wani mba mi ka sariyad’a yam suma houd’a ki d’ingêra ki gagazid’a, mba mi we hohowa suma hohou suma yam andagad’ina, zla mam mba ded’a mba d’i mbut ni totogo d’a mi to ki suma yam andagad’ina, mba mi tchi ma asa’atna woi ki fo d’a avunamba mi.

Isai 31:9

Ma didin ma aku mamba nga kur Siyon ma aku mam mba hîhîka nga kur Jerusalem-ma, mi dala: Amul ma Asiri-na mba mi zlak abo mandarâ, mazi suma nglona a mba ring a ar drapo mazid’a kä woi mi.

Isai 33:14

Suma le tchod’a a nga le mandarâ kur Siyon, suma a nga le sun nda ata yat tuo d’ina a nga zlak mi. A nga de tazi ala: Ni nge adigei ba, mi ndak á kak go kaku d’a nga d’i ngal bibiliu ndata ge? Ni nge adigei ba, mi ndak á kak go kaku d’a hîhîk ka didin ndata ge?

Isai 34:9

Toliyon nda Edom-mba mba d’i mbut ni d’igi dubangâ na; andaga mat ta gugud’upa mba d’i mbut d’igi sufred’a na mi; andaga mata mba d’i mbut ni d’igi dubang ma nga mi ngalâ na.

Isai 37:38

Bur tu mi i kur gong nga kud’ora halo mama Nisrok-ka á tchenda. Groma mbà, ma dingâ a yum ala Adramelek, ma dingâ a yum ala Sareser, a tchum ki mbigeu d’a fiyaka, a ring kur andaga d’a Ararat-ta. Gorom ma dingâ a yum ala Esar-Hadon mi vrak tamula blangâmu.

Isai 66:15

Gola! Ma didina nga mi djï aduk akud’a, pus mam ma dur ayîna mi djangî d’igi mbirlimba na. Mi mbut ayî mam ma bibiliuna ni vama yo akud’a, mi mbut ngop mamba ni d’igi sin akud’a na mi.

Jeremi 19:6

Ma didina mi dala: Kayam ndata, burâ nga mi mba, kur bur máma a mba yi yima wana ala Tofet toze Hor ra Ben-Hinom-mba d’uo d’a, wani a mba yum ala Hor ra a Tchi Suma Kuad’a.

Jeremi 4:4

Agi suma Juda-na ki suma a nga kaka avo Jerusalem-ma, agi minigi tagi yam an Ma didina, agi minigi vunadigagi tala ayî mana mi fo d’igi aku d’a sana mi ndak á tchat tei d’uo d’a na yam asa’at magid’a d’a d’i.

Ezekiyel 21:31

Salad’a Ma didina mi dala: A mba fogong djum manga woyo, a mba fogong kadamul manga woyo. Ahlena pet a mba mbud’a. Sama ge yam kä na a mba hlum yam akulo, sama hle yam akulona a mba hulongôm yam kä mi.

Daniel 11:36

Amulâ mba mi le vama hurum minima, mba mi hle yam akulo, mba mi djib’er ala mam kal alo ma dingâ pet. Mba mi de zla d’a ndak á ded’a d’uo d’a yam Alo ma yam alona petna, mba mi i avogovok kur sun mamba, gak Alona mba mi tak ayî mama woyo. Ata yi máma Alona mba mi ndak vun vama mam nga hurum kama.

Daniel 7:10

toliyon nda akud’a nga avoromu, nga d’i djang d’igi mbina na. Suma dubuna a nga gevem á lum sunda, suma bubupma a nga tchola avorom mi. Suma ka sariyad’a a nga kaka kä yam zlumiyô mazina, a mal mbaktumba woi teteng mi.

Matiye 25:41

An mba ni de mi suma yam bigan nda gulad’ina ala: Agi suma Alona gagi vunina, agi hud’ugi sä geven ndei dei, agi igi aduk aku d’a didin nda a minit yam diable azi ki malaika mamid’a.

Matiye 4:22

Atogo hina zak, a ar abuzi kalumba, a i ad’umu.

Gat ta a hat á mbàd’id’a 4:24

Kayam Ma didina Alo magina naku d’a ti ngal yinid’a, nAlo ma yungôrâ mi.

Hebre-na 13:8

Jesus Christ ni ma bei mbuta ba na, ni ma kama, ini gak didina mi.

1 Pierre 1:8

Mam ma agi wagizi nga d’uo na pî ba, agi nga lagi kamu. Mam ma agi wagizi nga ki iragi ki tchetchemba d’uo pî ba, agi hagi gagazid’a kam mi. Kayam ndata, agi nga lagi furî d’a kal tegles sa ngol la sana mi ndak á dat ki vunam mbuo d’a,

Jude 1:4

Kayam suma ding suma tchona a nga si kä adigei gumunu, ni suma a ka sariyad’a kazi avok deina, ni suma bei ge yazi kä ad’u Alonina; ni suma a mbut sumad’a hAlo meinid’a woi vama ndjendjed’a kur tit mazid’ina; ni suma a noî Saleina Jesus Christ ma tu ni mei ma hatina.