Isai 30:26 - Bible azumeina

²⁶ Kur bur ma Ma didina mba mi djin mbilâ hi sum mamina, ata yima mam mba mi tchilizi mbilizi ma a kazizina, b’od’a hi tilîd’a ti mba d’i mbut ni d’igi b’od’a hafatid’a na, b’od’a hafatid’a ti mba d’i b’o kal b’o d’a ti b’o kur burâ b’ob’o kid’iziyad’a na.

Isai 30:26 Iomraidhean Croise

Wana ni mbaktumba hi Job-pa 5:18

Alona ni ma le sana ndaka, mi hulong mi sud’uma; ni ma ka sana mbilâ, mi hulong tchilim abom melâ mi.

Isai 11:9

Mba mi le vama tcho d’oze mi b’lak va yam ahina man nda an tinit irat vata d’i, kayam wed’a hi Ma didinid’a mba d’i oî yam andagad’a d’igi mbina mi oî hur alum ma ngolâ na mi.

Isai 19:22

Ma didina mba mi to Ezipte-na; mba mi tozi mi kazi mbuleina, wani mba mi tchilizi mbiliziya. Azi mba hulongî gevemu, mam mba mi humuzi tchen mazid’a, mba mi sud’uzi mi.

Isai 24:23

Tilâ mba mi tchuk susub’ok, afata mba d’i mbut zulona, kayam Ma didin ma ad’engêm kal petna nga mi tamula yam ahina d’a Siyon-nda avo Jerusalem. Subur mamba mba d’i b’o woi ir mam suma nglona.

Isai 30:13

tcho ndata mba d’i ari kagi d’igi gong nga ti wak zizirik ti hal á dris kä woid’a hina, d’igi gulumun ma fiya’â mi wak mi zirik kä atogo zak na mi.

Isai 30:14

A mba tom mbei d’igi sama min deina mi tom mbei kikizek bei fe anduruna á yo kakud’a kur givina d’oze á gul ki mbina golong ba na.

Isai 33:24

Sama nga kaka kurut ma mba mi dala: Tugud’eid’a lanu na nga d’i. Suma a nga kaka kur Jerusalem-ma pet, Alona mba mi vat hurum mbei yam tchila mazid’a mi.

Isai 57:18

An we sun mazi d’a led’a da’, wani an mba ni sud’uziya, an mba ni ndjunuziya, an mba ni b’lengêzi huruzi zlapa ki suma a nga yor tazi ki sed’ezina mi.

Isai 58:8

Ata yi máma b’o magid’a mba d’i b’o woi d’igi yima fod’a na, sut manid’a mba d’i deî atogo zak d’igi afata na, d’ingêr magid’a mba d’i tit avorogiya, subura hi Ma didinid’a mba d’i tit blogogi á ngomogi mi.

Isai 61:1

Muzu’â hi Salad’a Ma didinina mi nga kaka kanu, kayam Ma didina mi von mbulâ kan mi tinin iran van ná tchi wal zla d’a djivid’a mi suma hohoud’a. Mi sunun ná b’leng hur suma huruzi mi b’la’â, á tchi wala mi suma a yozi magombina á tchuguzi akulo, á tchi wala mi suma a nga kur dangeinina á tchuguzi akulo mi,

Jeremi 30:17

Ma didina mi dala: A nga yagi ala Suma a arazi woina, a nga de kagi ala Siyon nda sa nga mi djobot zlat tuo d’a. Kayam ndata, an mba ni mbud’ugi lafiya, an mba ni tchiligi mbiligi mi.

Hor ma tchina 2:13

Ndak gor weid’a Jerusalem, an dak ana ge? An mba ni nga’î ki nge ge? Ndak gor wei d’a Siyon nda bei ngaf ki mandjuf ba d’a, an mba ni nga’î ki nge ba á b’lengêk huruk ke? Kayam mbil ma’â mi ngola d’igi alum ma ngolâ na. Ni nge ba, ndak á tchiliksi ge?

Wana ni mbaktumba hi Oze-d’a 6:1

Agi mba dagi ala: Agi mbeyegïya, ei hulongeî gen Ma didina. Mam ma kizagei mbuleinina, mba mi tchiliya, mam ma toina, mba mi djini mbiliya.

Wana ni mbaktumba hi Oze-d’a 6:2

Kur bur ma mbàna mba mi tchiliya, kur bur ma hindina mba mi tcholei akulo, ei mba kagei ki irei avoromu.

Amos 9:11

Ma didina mi dala: Kur bur máma an mba ni hulong min yima kaka hi David ma mi dris kä woina akulo, an mba ni min ir gulumun ma tcho woina akulo, an mba ni min yima b’lak keina akulo, an mba ni minim d’igi adjeud’a na.

Zakari 12:8

Kur bur máma Ma didina mba mi ngom suma Jerusalem-ma. Ma amangeî ma adigazina mba mi mbut ni d’igi David na, ma ad’u andjafâ hi David-nina mba mi mbut ni d’igi Alona na, d’igi malaikana hi Ma didinina na avorozi mi.

Zakari 14:7

Bur máma ni bur ma mba mi ka’î iram vam zenena, Ma didina mi wumî mam hol, faleid’a nga d’uo mi na, andjeged’a nga d’uo mi, wani b’od’a mba d’i ndeï woi ni fladege.

Gat ta a hat á mbàd’id’a 32:39

Ki tchetchemba, agi wagi woi ala ni an tu ba nAlona. Alo ma ding nga ki sed’en ndi. Ni an ba ni tchi sana; ni an ba ni ar sana karid’a; ni an ba ni ka sana mbilâ; ni an ba ni tchilim mbilim mi. Sama ndak á prut sana woi abona nga d’i.

Vama ndum mbeina 21:23

Azì máma nga mi min afata d’oze tilâ á b’o kurum mbi, kayam subura hAlonid’a nga d’i b’o kurumu, Gor timina ni lalam mamba mi.

Vama ndum mbeina 22:5

Andjeged’a nga kua d’i. Azi min b’od’a hi lalambid’a, d’oze hafatid’a d’i, kayam Salad’a Alona mba mi b’o kaziya, azi mba te leud’a ki sed’em gak didin.