Isai 30:20 - Bible azumeina

²⁰ Salad’a mba mi hagi avungôna ki mbina kur ndak magid’a. Ma had’agina mba mi ngei tam avorogi d’i; iragi mba d’i we ma had’agina mi.

Isai 30:20 Iomraidhean Croise

1 Amuleina 22:27

Ang dazi ala: Amulâ mi he vuna ala: Agi gagi sama wana dangeina, agi hum tena ngol luo mi na, agi hum mbina ngol luo mi, gak an hulongî avo ki halasa tua.

2 Sunda Hamuleinid’a 18:26

Agi i dazi ala: Amulâ mi he vuna ala: Agi gagi sama wana dangeina, agi hum tena ngol luo mi na, agi hum mbina ngol luo mi, gak an hulongî avo ki halasa tua.

Sawal la giled’a 102:9

Burâ ki burâ man suma djangûna a nga halan ki zlad’a kanu, huruzi nga mi zal kanu, azi nga gun tazi kan mi.

Sawal la giled’a 127:2

Agi tchologi akulo yorogo tcholol ni hawa na, agi tugugi tagi atogo d’uo ni hawa na mi. Agi nga kid’eyêgi iragi á fe tena. Ma didina nga mi he tena mi mam suma mam hurum vazina ata yima a nga bur senina.

Sawal la giled’a 30:5

Agi mam suma d’engzengâ, agi suburugi Ma didina ki sawala, agi gilem simiyêm ma bei tchod’ina.

Sawal la giled’a 74:9

Ami wami nga vama tak mala ang nga ki sed’emiya na d’uo d’a, ma djok vun mang nga d’uo d’a. Sama adigami ma wala ahle ndazina, a mba le ni gak mindja ge na nga d’i.

Sawal la giled’a 80:5

Ma didina, Alo ma ad’engêng kal petna, ang hurung mba zal hina gagak mindja á hulong humba mi sum mangâ ge?

Isai 28:9

A dala: Ni nge ba, mam min had’am wed’a ge? Ni nge ba, mam min had’am wad’ud’a mi ge? Ni mi kem suma a ar ambira bei tched’ina, d’oze suma a d’elezi woi avun apona bei tched’ina zu?

Isai 33:16

sa máma mba mi ka’î ata yima subura. Ahina d’a ad’eng nga ngingid’a mba d’i mbut ni yi mam ma ngei tama. A mba hum te mama ni ki halasa, mbiyo mam ma tched’a mba mi kid’agam mbi.

Isai 51:14

Ar hina nde, ma nga djinda kä kur dangeinina, a mba gum akulo; mba mi mit kur gong nga nduvunda dangeina d’i, tena mba mi kid’agam mbuo mi.

Matiye 9:38

Kayam ndata, agi tchenegi Sala awuna, kayam mi sun suma sunda á fet awu mama.

Sunda hi suma a sunuzinid’a 14:22

Azi nga he suma a he gagazid’ina ad’enga, a nga gigid’ezi ala a kak kur he gagazid’a. A dazi ala: Ni ki djop vuna ngola tua ba, ei mba kalei ki kur leud’a hAlonid’a.

Efes-sâ 4:11

Mi he suma dingâ á mbut suma a sunuzina, suma dingâ á mbut suma djok vun Alona, suma dingâ á mbut suma tchi wal Zla d’a Djivid’a, suma dingâ á mbut suma pol suma ki suma hat suma mi.

Gat ta a hat á mbàd’id’a 16:3

Ata yima agi lagi vun tilîna, agi tagi avungô ma a lum kangufina d’i, wani agi tagi navungô ma a lum bei angufina gak burâ kid’iziya. Navungô ma djib’era, kayam agi buzugugï woi kur ambas sa Ezipte-d’a ni ki b’at tad’a. Agi mba djib’eregi yam bur ma agi buzugugï woi yam ambas sa Ezipte-d’ina burâ ki burâ ata yima agi nga ki iragi yam andagad’ina.