Isai 30:15 - Bible azumeina

¹⁵ Salad’a Ma didin ma tin tam irat vat yam Israel-lîna mi dala: Le agi kagagi tchugot agi hulongôgi atanu ni, an mba ni sud’ugiya. Le agi kagagi tchugot agi tinigi hurugi kanu ni, nad’eng magid’a. Wani agi minigi nga d’i!

Isai 30:15 Iomraidhean Croise

1 Sunda Hamuleinid’a 5:20

A fe ndjunda á dur ki suma Hagar-râ ki suma zlapa ki sed’ezina pet, a kus kaziya, kayam kur ayî máma a tchen Alona. Mi humuziya, kayam azi deng tazi natamu.

2 Sunda Hamuleinid’a 16:8

Suma Etiyopi-na ki suma Libi-na zlapa ki pus ma dur ayîna ki suma djang akulumeina a nablaud’a hina mimiyâk kuo zu? Wan pî Ma didina mi hangzi abongû, kayamba ang deng tang atamba.

2 Sunda Hamuleinid’a 32:8

Suma a nga ki sed’ema a ni suma hawa, wani ma nga ki sed’eina ni Ma didina Alo meina. Ni mam ba, mba mi ndjuni kur ayî ma durâ. Ablau suma pet a he gagazid’a yam zla d’a Ezekiyas amul ma Juda-na mi data mi.

Sawal la giled’a 116:7

An min hulong ata yi man ma tuk tad’a, kayam Ma didina, mi lan djivid’a.

Buzuk ka Abud’a 14:14

Ma didina mba mi dur ini kagiya, wani agi kagagi ni ki vunagi ma du’â.

Isai 28:12

Mi dazi ala: Gol yima tuk tad’a ba wana: Agi aragi sama mi seîna mi tuk tamu. Gol yima halasâ ba wana: Wani azi min humum mbi.

Isai 30:11

A ni suma a nga dazi ala: Agi d’ezegi woi kur lovota, agi walagi woi ki lovot ta gureid’a, agi hud’ugi sä woi ki Ma tin tam irat vat yam Israel-lîna hina dei avoromiya na.

Isai 30:7

mi Ezipte suma ndjun mazid’a ni d’igi simetna d’oze vama hawa ya’â na na. Ni kayam ndata ba, an yazi ala Rahap, nala, suma abozi nga mi hle á le va d’uo na.

Isai 32:17

D’ingêra mba d’i mba ki halasa, ti mba d’i mba ki tchugota ki tuk tad’a gak didin mi.

Isai 32:18

Sum mana a mba kak ki b’leng nga halasa, a mba kak bei va lazi ba, a mba kak kur yima kak ma tchugotna mi.

Isai 40:31

Wani suma a tin huruzi yam Ma didinina a nga fad’eng nga dinga kam kua, a nga pir d’igi b’aruna na, a nga ringâ, a nga seî d’i; a nga tid’a, a nga kau d’uo mi.

Isai 42:24

Ni nge ba, mi he Israel suma hi Jakob-ma mi suma á hurumuzi á yozi ahligiyezi mi ge? Ni Ma didin ma ei lei tchod’a avoroma d’uo zu? Israel-lâ a min nga á tit kur lovot ta Alo mazina mi tagazizid’a d’i, a hum nga gat mamba d’uo mi.

Isai 45:22

Agi suma sä avun dabid’a handagad’ina, agi hulongôgï gevenu. Hina agi mba fagi suta, kayam an nAlona. Alo ma ding nga woi kengên ndi.

Isai 7:4

Ang dum ala ba: Ang kak irang sik, ang le mandar ri. Ar hurung ka mbina avok vuna djo ma mbà ma nga mi d’us wana d’i, avok ayîna hi Resin ma Siri-na kayîna hi Remaliya goromina d’uo mi.

Jeremi 23:36

Wani agi mba yagi zla d’a aneka hi Ma didinid’a ala: Wana ni zla d’a aneka hi Ma didinid’a d’uo d’a. Zla d’a aneka hi Ma didinid’a mba d’i arî zlad’a hi nge nge pî ki yamu, kayam agi b’lagagi zlad’a hAlo ma bei matna Ma didin ma ad’engêm kal petna, Alo meinid’a woyo.

Matiye 22:3

Mi sun azungeî mama á yumï suma mi yazi yam te ma telina, wani azi min á mba d’i.

Matiye 23:37

Jesus mi de kua ala: Agi suma Jerusalem-ma, agi suma Jerusalem-ma, agi tchagi suma djok vun Alona, agi durugi suma Alona mi sunugizïna kahinad’a mi. Ni yan ga ba, an min á kod’ogi d’igi ahleka nga d’i kot grotna ad’u gigingât na ge? Wani agi nga minigi d’i.

Wana ni Zla d’a Djivi d’a Luc mi b’irita 13:34

Agi suma Jerusalem-ma, agi suma Jerusalem-ma, agi tchagi suma djok vun Alona, agi durugi suma Alona mi sunugizïna kahinad’a mi. Ni yan ga ba, an min á kod’ogi d’igi ahleka nga d’i kot grotna ad’u gigingât na ge? Wani agi nga minigi d’i.

Jean 5:40

Wani agi min mbagi geven ndala agi fagi arid’a d’a d’i.

Hebre-na 12:25

Agi gologi tagi djiviya, ar agi noyôgi mam ma nga mi dagi zlad’ina d’i. Kayam le suma a noî mam ma nga mi gigid’ezi yam andagad’a ka hina a prut nga woi d’uo, le ei nga humî gigeta hi mam Ma akulona d’uo mi ni, ei mba prud’i woi ni nana ge?