Isai 3:8 - Bible azumeina

⁸ Gagazi, azì ma Jerusalem-ma mi b’lak keyo, leu d’a Juda-d’a ti puka mi. Kayam zla mazi d’a ded’a ki sun mazid’a a kak djangûna ki Ma didina, a nga ngulum avunam mi.

Isai 3:8 Iomraidhean Croise

2 Sunda Hamuleinid’a 28:18

Suma Filistê-na a nde azì ma kä ata yima ligitim ma abo ma Juda-na durâ, a hlazì ma Bet-Semes-sâ, ma Ajalon-na, ma Gederot-na zlapa kazì ma Soko-na, ma Timna-na, ma Gimzo-na kazì ma gurei ma nguyuzina pet, a kak kua.

2 Sunda Hamuleinid’a 33:11

Ata yi máma Ma didina mi mba ki azigar suma nglo suma hamul ma Asiri-na atam á durâ. A vumu, a tchom atchinam ki kawei ma vunam gundina, a djinim ki kindjing ma hleuna, a mbam avo Babilon.

Zla d’a d’ogolâ 26:27

Sama mi djugot zula kä avok ndramina, mam tam mba mi nde kuru; sama nga mi ligat ahinad’ina, mba d’i hulongî sulogota kä kamu.

Isai 1:7

Ambas magi ti mbut hur fulâ, aziyagi ma nglona a ngalam mbeyo. Andjaf suma dingâ a mba a b’lagagi ahle suma yam andaga magid’ina kä iragiya, va mi ar nga kat ti. Wana ni b’lak ka d’i tcholï ata andjaf suma dingîd’a.

Isai 49:19

Yi mak ma a b’lagam mbei ma ar hawa papana na, kandaga mak ka b’lak keid’a mba d’i kid’ak suma á kaka. Wani suma a b’lagak keina a mba wal lei dei ki sed’ek mi.

Isai 57:4

Agi lazagi ni nge ge? Agi ngogi vunagi woi hagak agi trâgi sinagi bibiliu nata nge ge? Agi ni gro suma bei hum vuna d’uo zu? Agi nandjaf ma ka zlad’a mi d’uo zu?

Isai 59:3

Kayam abogi mi mbut ndjendjed’a ki buzuna, agi tchagi suma kabogiya, agi nga dagi zla d’a kad’a ki vunagiya, sinagi nga d’i par papar á ngul suma mi.

Isai 6:11

Ata yi máma an djobom ala: Salad’a, ni mindja ba, ang mba ar ahle ndazina ge? Mi hulong dan ala: Gak azì ma ngolâ mi b’lak kei kakazeî bei fe sa kurum ba, azina mi ar hawa kolohong, ambasa ti mbut ni hur fulâ mbeî.

Isai 9:17

Kayam asa’ata nga d’i ngal d’igi aku d’a nga d’i ngal kekerezeuna azi kaweid’a woi d’a nga d’i ngal agu d’a ndindika woid’a na, andozot nga mi i akulo mi d’ugula gongzong.

Jeremi 23:36

Wani agi mba yagi zla d’a aneka hi Ma didinid’a ala: Wana ni zla d’a aneka hi Ma didinid’a d’uo d’a. Zla d’a aneka hi Ma didinid’a mba d’i arî zlad’a hi nge nge pî ki yamu, kayam agi b’lagagi zlad’a hAlo ma bei matna Ma didin ma ad’engêm kal petna, Alo meinid’a woyo.

Jeremi 26:18

Mika ma Moreset-na mi djok vuna kur atchogoid’a hi Ezekiyas amul ma Juda-nid’a, mi de mi suma Juda-na pet ala: Ma didin ma ad’engêm kal petna mi dala: A mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.

Jeremi 26:6

an mba ni b’lak gong ndata woi d’igi an b’lak Silo na, an mba ni mbut azì ma ngol máma vama ge vuna mandjaf suma yam andagad’ina pet mi.

Jeremi 4:13

Suma a dala: Gola! Ma djangûna nga mi djï d’igi d’ugul la hleï ndundula na, pus mam ma dur ayîna mi djangî d’igi mbirlimba na, akulumei mama a djang kal b’aruna. Ei baya woi d’a; ni zla d’a hohoud’a keya.

Jeremi 44:3

Ni kayam asa’at mazi d’a azi lat á zalan ki hurun ata yima azi i ngal dubang ma his djivid’ina, á le magomba ma alo ma ding ma azi d’oze agi kabuyogi ngolo a wum nga d’uo na.

Hor ma tchina 1:9

Ndjendje mata nga d’i djang ata baru mata, ti djib’er nga yam vama nga mi mba katna d’i. Puk mata ni puk ka atchapa, sama b’lengêt hurutna nga d’i. Ti dala: Ma didina, ang we hohou manda. Ni nana ba, ma djangûna nga mi kus kan nge?

Ezekiyel 8:12

Mi dan kua ala: Ang gor sana, ang nga wahle suma suma nglo suma Israel-lâ a nga lazi kur nduvunda wana zu? Nge nge pî filei ma tcheta mi nga oîd’a kur gong mamba! Kayam azi nga dala: Ma didina nga mi wei d’i, Ma didina mi ar wa ambas sa wanda woyo.

Ezekiyel 9:9

Mi dan ala: Tchod’a hi Israel-lîd’a ki d’a hi suma Juda-nid’a, ti kal ngolâ heî. Ambasa ti oî ki suma tchi matna, azì ma ngolâ mi oî ki batranga mi. Kayam azi nga dala: Ma didina mi ar wa ambas sa wanda woyo. Ma didina nga mi we d’i.

Wana ni mbaktumba hi Oze-d’a 5:5

Yam mba ad’enga hi Israel-lîd’a nga d’i le glangâsâ kaziya. Kayam ndata, Israel-lâ ki suma Efraim-ma a mba puk kä yam tcho mazid’a zlapa ki suma Juda-na mi.

Wana ni mbaktumba hi Oze-d’a 7:16

Azi nga hulongîya, wani nga ni gen an Ma sä akulo ma kal teglesâ d’i, Azi ni d’igi yeû d’a bringîzlinga na, amulei mazina a mba puk kä avun ayî ma durâ, kayam zla d’a de d’a tcho d’a ndavunazid’a. Ni kayam ndata ba, a mbut vama sanda yam andaga d’a Ezipte-d’a.

Mise 3:12

Ni kayam agi ba, a mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.

Mise 6:12

Suma ndjondjoî suma kur azì mámina huruzi mi ni oîd’a ki murud’umba, suma a nga kaka kuruma a ni suma ka zlad’a, sinazi ti de ni zla d’a mbut ira.

Habakuk 1:13

Ang irangî bei tchod’a ba nga d’i min gol tchod’a d’i, ang ndak á gol sama djop vun suma d’uo mi. Ni kayam me ba, ang nga gol suma mbut ira hina tä ge? Ni kayam me ba, ang kak hina tchugot ata yima sama tchona nga mi le sama kalam ki d’ingêrina ndakina ge?

1 Korente-na 10:22

Na ni ei min djiwi Salad’a á le yungôra kei zu? Agi djib’eregi ala ei kalam kad’enga zu?

Jude 1:15

á ka sariyad’a yam suma pet, á ve suma tchona ki zlad’a yam sun nda tcho d’a azi lat ata yima a le yam mba ad’enga kAlona ki zla d’a de d’a tcho d’a lara ge pet ta azi dat kamba.