Isai 29:9 - Bible azumeina

⁹ Agi tchologi ndjö, agi lagi atchap, agi dugugi iragiya, agi mbud’ugi suma duka, agi nga gurud’ugiya, wani bei tchagi süm guguzlud’a ba! Agi hlagi titigir, wani bei tchagi süm ma ayîna ba!

Isai 29:9 Iomraidhean Croise

Isai 1:2

Ndak akulod’a, ndak huma, ndak andagad’a, ndak tin humak hum mi, kayam Ma didina nga mi de zlad’a. Mi dala: An ngom gugureina, an wuluzi a djeng nglod’a, Wani a tchol huneîd’a ki sed’enu.

Isai 19:14

Ma didina mi hazi muzuk ma tchazi tatana adigazi á vit Ezipte-na woi kur sun mazid’a pet d’igi sana mi gurut ki süma, mi tib’ak tam ki vin mama na.

Isai 29:1

Ni zla d’a hohoud’a yam Ariyel, yam Ariyel azì ma ngol ma Jerusalem ma David mi kak kuana. Bizad’a ki bizad’a agi nga lagi vun tilâ ata yima a ngama.

Isai 29:10

Ma didina mi burugi sen ma ngolâ. Agi suma djok vuna mi dugugi iragi woyo. Agi suma wagi ahle suma a nga mbana, mi zlubugi ahlena woi iragi mi.

Isai 49:26

Suma a nga djobok vuna’â, an mba ni hazi hliwizi tamba á mutna, a mba gurut ki buzuwazi d’igi sana mi gurut ki süm guguzlu d’a ayîna na. Suma pet a mba wala an ni Ma didin ma sud’uk ma ad’engêm kal petna hi Jakob ma mi wurak ka’â.

Isai 51:17

Ndak Jerusalem, ndak ka Ma didina mi hak kop ma ayî mama ndak tchum mbei ki hargak mamba pet mi vid’ik yak kei d’igi süm ma ayîna nga mi vit yam suma woi na d’a, ndak zlit akulo, ndak zlit akulo, ndak tchol akulo.

Isai 56:10

Suma ndjola hi Israel-lîna pet ni suma duka, a ni suma bei wed’a. Azi pet nadurei suma ngela, a ndak nga á bud’a d’i; azi ni suma adïd’a dazina; a burî kä, a tcho’î sena vam tu.

Isai 6:10

Ang b’al sum ndazina huruziya, ang tozozi humazi woyo, ang duguzi irazi woi tala a we ki irazi a hum ki humazi a wat ad’ut a mbut huruzi ba, an sud’uziya d’a d’i.

Isai 63:6

Kur ayî mana an miret suma kä kasenu, an gurud’uzi woi kayî man ma bibiliuna, an vozi buzuwazi kä woi andaga mi.

Jeremi 13:13

ata yi máma ang hulong dazi ala: Ma didina mi dala: Gola! An mba ni gurut suma a nga kaka kur ambas ndatina ki süm máma, zlapa kamulei suma a nga kaka yam zlam mba amula hi David-tina ki suma ngat buzuna ki suma djok vuna ki suma Jerusalem-ma pet mi.

Jeremi 2:12

Ma didina mi de kua ala: Agi suma sä kaka akulona, agi lagi atchap yam va máma, agi zlagagi agi had’agi hurugi yam ndjendje ndata mi.

Jeremi 23:9

Wana ni zla d’a Jeremi mi dat yam suma djok vunid’a: Hurun b’lak kurun krovo, asogon pet nga mi zlaga. An mbut ni d’igi sama mi gurut ki sümina na, d’igi sama mi hle titigir abo süm guguzlud’ina na yam Ma didina, yam zla mam mba yed’eta mi.

Jeremi 25:27

Ang i dazi ala: Ma didin ma ad’engêm kal petna, Alona hi Israel-lîna, mi dala: Agi tchagiya, agi gurud’ugiya, agi vinigiya, agi pugugi kä bei ndak á tchologi akulo abo tchi d’a suma an mba ni sunuzï atagina a mba tchagid’a.

Jeremi 4:9

Ma didina mi dala: Kur bur máma amulâ ki mam suma nglona tazi mba d’i tchuk susub’ok, suma ngat buzuna a mba le atchap, suma djok vuna a mba le atchap pa kala.

Jeremi 51:7

Adjeu Babilon ni kop ma lor ma mi nga ved’a abo Ma didinina, ni ma mi gurut suma yam andaga woi petna. Andjaf suma a tche süm guguzlu mata. Ni kayam ndata ba, andjaf suma yazi d’i b’lak ki wana!

Hor ma tchina 4:21

Ndak gor weid’a Edom, ndak ka nga kaka yam andaga d’a Us-sid’a, ndak ayâ, ndak le furîd’a. Wani kop ma sariyad’a nga mi mba kagu. Ndak mba d’i gurut kiya, ndak mba d’i ar gandilad’a.

Habakuk 1:5

Ma didina mi de mi sum mama ala: Gologi andjaf suma nguyugina, agi mba lagi atchap kayam an mba ni le sunda kur atchogoi magid’a; le sa mi dagizi zlat pî, agi mba hagi gagazid’a kat ti.

Matiye 26:45

Mi hulong mi mba gen mam suma hata, mi dazi ala: Ki tchetchemba, agi nga burugi sena, agi tugugi tagi tua! Gola! Yina mba wa, a nga han an Gor Sana abo suma tchona.

Marik 14:41

Mi hulong mi mba yam á hindid’a, mi dazi ala: Ki tchetchemba, agi nga burugi sena, agi tugugi tagi tua! Yina ndak wa, yina mba wa go. Gola! A nga han an Gor Sana abo suma tchona.

Vama ndum mbeina 17:6

An we atcha ndata nga d’i gurut ki buzuna hi suma hAlonina ki buzuna hi suma a tchazi yam glangâs mazi ma d’engzeng ma azi lum yam Jesus-na. Ata yima an watna, an le atchap ngola.