Isai 29:8 - Bible azumeina

⁸ Andjaf suma mimiyâk suma a mba dur suma yam ahina d’a Siyon-ndina, a mba mbut ni d’igi sama meid’a tchum ba, adïd’a ti dum ala nga mi te tena ba, bugol mi zlit akulo ki hayam meid’a heleve’â na, d’oze d’igi sama vunam so ba, adïd’a ti dum ala nga mi tche mbina ba, bugol mi zlit akulo vunam sod’a ki yama babana na mi.

Isai 29:8 Iomraidhean Croise

2 Sunda Hamuleinid’a 32:21

Ata yi máma Ma didina mi sunï malaikana tu, mi dap suma gangrangâ ki suma nglona ki suma avok suma woi tchid’a kur kangâ hamul ma Asiri-nina. Ata yi máma amul ma Asiri-na mi hulong yam ambas mamba ki zulona, mi kal kur gong nga kud’ora halo mamid’a. Ata yi máma grom suma vuta a tchum ki mbigeu d’a fiyaka.

Sawal la giled’a 129:5

Ar suma a noî Siyon-na pet a mbut zulona, a hulong kazigaziya,

Sawal la giled’a 73:20

Salad’a, ata yima ang tchol akulo á le sundina, azi mba dap pei d’igi sa ma adïd’a dum mi zlit akulo hawana na.

Isai 41:11

Gola! Suma pet suma huruzi mi zal kagina, a mba mbut zulona, a mba mang ngeyo. Suma a nga tchi tuguyod’a ki sed’egina, a mba mbut ni vama hawana, a mba dap peyo.

Isai 41:12

Suma a halagi huneîd’ina, agi mba halaziya, wani agi mba fazi d’i. Suma a nga durugi ayînina, a mba mbut ni vama hawa yak ma zlam nga d’uo na mi.

Isai 44:12

Sama tchafa nga mi hle lomba. Nga mi le sunda ki kiwilâ, nga mi min fileina kabo tchafa, nga mi le sunda kad’engêmu, wani meid’a nga d’i tchumu, ad’engêm nga d’i. Le mi tche nga mbina d’uo ni, mi seî ni seyâ.

Isai 54:17

Ahle suma sïna pet suma a zlazi kak á durîna a mba lak va tu d’i; suma pet suma a mba tchol á kak sariyad’a ka’â, ndak mba d’i kus kaziya. Ma didina mi dala: Wana ni djo ma an Ma didina mba ni hum mi azungeî manina, wana ni d’ingêr ra an mba ni hazizid’a mi.

Nahum 2:1

Gola! Sama mi tchi wal zla d’a djivi d’a b’leng nga halasina, asem nga mi tchï akulo yam ahuniyôna. Agi suma Juda-na, agi luwugi vun til magina, agi ndagagi vun vama agi hlagi vunagi kama, kayam ma asa’atna mba mi kal adigagi d’uo d’a, a hlum wa woi ki iram fafat.