Isai 29:6 - Bible azumeina

⁶ Ma didin ma ad’engêm kal petna mba mi mba á ndjun kangî ki breîd’a halonid’a. Andagad’a mba d’i yir ki siwel la kal teglesa ki babar ma bibi’â ki sin aku d’a mba d’i ngal ahlena woid’a.

Isai 29:6 Iomraidhean Croise

2 Samuel 22:14

Ma didina mi breî ei akulo d’igi alona mi breî na, Ma kal teglesâ delem nga d’i zla ngungur.

Sawal la giled’a 55:8

An mba ni ring ngei dei, an mba ni kak sä abagei hur fulâ. Tchol ndjö

Isai 10:3

Agi mba lagi ni nana kur bur ma ndaka mba d’i mba ki b’lak ka mba d’i tcholï ata yima deinid’a ge? Agi mba ringîgi ni gen nge á fagi ndjunda ge? Agi mba aragi ndjondjoî magid’a ni lara ge?

Isai 26:14

Suma matna a nga hulong kak ki irazi d’uo d’a, suma a bona a nga hulong tchol akulo d’uo mi. Ang mba, ang dabazi wa woyo, ang b’lak djib’er ra suma a djib’eret kazid’a woi pet mi.

Isai 26:21

Kayam Ma didina mi nde woi ata yam ma kaka á ngop suma yam andagad’ina yam tcho mazid’a. Andagad’a mba d’i ar yam buzuna hi suma a tchazina woi pid’agi, mba d’i ngei suma a tchazina kä d’uo d’a.

Isai 28:2

Gola! Sama ad’eng ma sib’ik ma Salad’a mi sunumina nga mi djïya. Mi ni d’igi alo ma se ki mogoinina na, mi ni d’igi babar ma ngol ma mi b’lak ahlenina na, mi ni d’igi alo ma mi se mbina heî ma hle yina d’igi toliyonda na na. Mam mba mi b’lak yam andagad’a woi kad’enga na mi.

Isai 30:30

Ma didina mba mi de ki delem mba kal papad’a, mba mi tak abom ma zid’a woi zi á to ki suma kur ayî mam ma bibiliuna, aduk sin aku d’a nga d’i ngal yinid’a, aduk alo ma mi se ki babarâ ki mogoina mi na.

Isai 31:9

Ma didin ma aku mamba nga kur Siyon ma aku mam mba hîhîka nga kur Jerusalem-ma, mi dala: Amul ma Asiri-na mba mi zlak abo mandarâ, mazi suma nglona a mba ring a ar drapo mazid’a kä woi mi.

Isai 43:2

Fata agi djagagi mbinid’a, an mba ni kak ki sed’egiya; fata agi djagagi alumid’a, aluma mba mi hlubugi d’i; fata agi kalagi aduk akud’id’a, akud’a mba d’i ngalagi d’i, sinat mba d’i trâgi d’uo mi.

Ezekiyel 38:22

An mba ni kang sariyad’a kang ki tugud’ei d’a tcho d’a tchi matna ki mat ma tchid’a mi. An mba ni salo ma kûkûna kang ki mogei ma nglona, zlapa kakud’a ki sufred’a yam andjaf suma ablau suma a nga zlapa ki sed’engâ mi.

Amos 1:14

an mba ni do akud’a ata gulumun ma Raba-na, ti mba d’i ngal azì ma ad’eng ma ngunguna woi kur bur ma ayîna ki siwela d’igi babarâ ki mbirlimba a siwela na.

Nahum 1:3

Ma didina nga mi mbut ayîna atogo d’i, ni ma ad’engêm kal heîna, nga mi ar sama zlad’a kama bei ngopa d’i. Nga mi tit aduk mbirlimba, aduk babarâ, d’ugula ni gugum ma ad’u asema mi.

Zakari 14:5

Ata yi máma agi mba ringîgi kur hor ra aduk ahuniyô manid’a, kayam hor ndata mba d’i i gak Asal. Agi mba ringîgi d’igi abuyogi ngolo a ring abo giget ta andagad’a ti giget kur atchogoid’a hi Oziyas amul ma Juda-nid’a na. Ata yi máma Ma didina Alo mana mba mi mba ki mam suma mi tinizi irazi vazina.

Matiye 24:7

Kayam andjaf ma dingâ mba mi tchol djangûna kandjaf ma dingâ, leu d’a dinga mba d’i tchol djangûna ki leu d’a dinga, baktarad’a mba d’i nde, andagad’a mba d’i yir gigidji ata yina teteng mi.

Marik 13:8

Kayam andjaf ma dingâ mba mi tchol djangûna kandjaf ma dingâ, leu d’a dinga mba d’i tchol djangûna ki leu d’a dinga, andagad’a mba d’i yir gigidji ata yina teteng, baktarad’a mba d’i nde yam andagad’a teteng mi. Ndak ndata mba d’i le ni d’igi ndak ka vutid’a na.

Wana ni Zla d’a Djivi d’a Luc mi b’irita 21:11

andagad’a mba d’i yir ngola, baktarad’a ki tugud’ei d’a tcho d’a tchi matna a mba nde ata yina teteng, ahle suma mandarâ ngola ki simat ta nglod’a a mba tcholï akulo mi.

Vama ndum mbeina 11:13

Ata yi máma na wat, andagad’a ti yir gigidji, abo azì ma a walam aduk dogona, ma dogona mi dris kä, suma a bo dudubud’a kid’iziya abo yir ndata. Suma a arâ a le mandarâ, a subur Alo ma akulona.

Vama ndum mbeina 11:19

Ata yi máma, a mal vun gong nga kud’ora hAlona d’a akulod’a woyo, a we zanduk ma vun ma djinda hAlonina mi nga tinda kur gong mamba. Ata yi máma, alona mi wile, dela ti de zlad’a, alona mi breyâ, andagad’a ti yira, alona mi se mogoina ngola mi.

Vama ndum mbeina 16:18

Ata yi máma, alona mi wile, mi breyâ, dela ti de zlad’a, andagad’a ti yir gigidji mi. Kid’a Alona mi ge sana yam andagad’a deid’a, andagad’a ti yir nga yir ra ngola hina d’a yat tu d’i.

1 Samuel 2:10

Ma didin ma sä akulona nga mi ngop mam suma djangûna; a nga zlak avoromu, kayam mam mi sama ka sariyad’a yam suma yam andagad’a petna. Nga mi had’eng mamba mamul mama, nga mi i ad’enga hamul ma mam manama avogovok mi.